ইনফোর্মেসন অমসুং ব্রোদকাস্তিং মন্ত্রালয়
৫১শুবা আই.এফ.এফ.আই. ইন্দিয়ন পানোরামাগী ফিল্ম শেম্বশিংনা মেদিয়াগা উন্নখ্রে
মীওই অমগী মশাগী ঙমখৈ লোইবা তাকপা হায়বসি অরুবা থবক অমনি:ওরু পাথিরা স্বাপ্নম পোল দাইরেক্তর শারন ভেনুগোপাল
কনাগুম্বা অমনা মুভি অমা শেম্লবা, মখোয়বু ইকাই খম্নবিয়ু: গাথম এক্তর ভার্গাবা পোলুদাসু
Posted On:
18 JAN 2021 4:26PM by PIB Imphal
মমা অমনা মহাক্কী মচানুপীবু ফি থোংদবা ভিদিও অমা মহাক্কা লেপতোপ্তা থেংনৈ – শারন ভেনুগোপালগী ওরু পাথিরা স্বাপ্নম পোল ( ইন্দয়ন পানোরামা নন ফিচর ফিল্ম)
মীওই অমা এক্সিদেন্ত অমদা মহাক্কা নিংশিংবগী শক্তি মাংখি অমসুং ৱাখল চোইনা য়ুম অমদা নান্থোকপা ঙমদনা লৈখি – কিরন কোন্দামাদুগুনাগী গাথম ( ইন্দয়ন পানোরামা ফিচর ফিল্ম)
অহানবা ওইনা শক্তাকপা ফিল্ম শেম্বা শারন ভেনুগোপাল অমসুং এক্তর/প্রোদুসর ভার্গাবা পোলুদাসুনা পানাজিদা পাংথোকপা ৫১শুবা ইন্তর্নেস্নেল ফিল্ম ফেস্তিবেল ওফ ইন্দিয়াগী প্রেস কনফরেন্স অমদা ঙসি ৱা ঙাংখি।
![](https://static.pib.gov.in/WriteReadData/userfiles/image/1DAI2.jpg)
মহাক্কী মিনিত ৩৭ শাংবা নন-ফিচর ফিল্ম (ওরু পাথিরা স্বাপ্নম পোল)গী মরমদী ৱা ঙাংলদুনা, শারন ভেনুগোপালনা হায় মদুদি, “মীওই অমগী মশাগী ঙমখৈ লোইবা তাকপা হায়বসি অরুবা থবক অমনি। ফিল্ম অসি মসিগী মতাংদা শাগৎপনি”। ফিল্ম অসিগী মমিংগী ৱাহন্থোক্তি ‘অহিং চবুক্কী মংলান অমগুম’ হায়বনি।
ফিল্ম অসিগী মতাংদা ৱা ঙাংলদুনা, ভেনুগোপালনা হায় মদুদি, “ঐখোয়না ফিল্ম অসি ২০১৯গী মার্চ লোইরমদাই মনুংদা নম্বনি; লৈবাক পুম্বা লোকদাউন্দ লাউথোকখ্রবা মতুংদা। ঐখোয়না ঐখোয়গী ফিল্ম অসি উৎলরোইদ্রা হায়না চিংনবা ফাওখি। অদুবু ঐখোয়না ঐখোয়গী ফিল্ম অসি খল্লকপা অসিদা নুঙাইবা ফাওই অমসুং মসি আই.এফ.এফ.আই. ইন্দিয়ন পানোরামাগী মখাদা উৎপা ফংখি”।
![](https://static.pib.gov.in/WriteReadData/userfiles/image/2THWR.jpg)
ভার্গাবা পোলুদসু, তেলুগু ফিল্ম, ‘গাথম’গী এক্তর অমসুং প্রোদুসরনা মহাকনা মহাক্কী ফিল্ম অসি. ইন্দিয়ন পানোরামা ফিচর ফিল্মদা খল্লকপা অসিদা মহাক্না থেংনরকপা অদু ৱারী লিখি।
ফিল্ম অসিগী মতাংদা পোলুদসু হায় মদুদি, “গাথম অসি তেলুগু লোলগী ও.তি.তি. প্লেতফোর্মদা ২০২০গী ওইনা য়াম্না চৎখিবা ফিল্মনি। সোফতৱয়রগী শিনফম পায়বা মরম্না, ঐহাক্কী থবক তৌমিন্নরিবশিং অমসুং ঐহাক্না ফিল্ম অসি লোইশিন্নবা চয়োলশিংগী মরক্তা মতম হুরান্দুনা শিল-লাংই। মসি ঐখোয়গী থম্মোয়না পামজবা অমা ওইবা মরমনা লোইশিনবা ঙম্বনি”।
মহাক্না মখা তানা হায় মদুদি ফিল্ম অসি শেম্বদা মহাক্কী লোইনরিবশিংনা শেল-থুমগী ওইবা অৱাবা কয়া অমা থেংনখি অমসুং কেলিফোর্নিয়াগী ইংলবা নিংথমথা মরক্তা অৱাবা কয়া অমা মায়োক্নখি। পীক্লবা তীম অসিগী প্রোদুসর অমা ওইনা, মহাক্না ফিল্ম অসি শেম্লিঙৈদা থবক পুম্বা তৌবা তাখি। “ঐহাক্না থোং-থাকপা, শু-চাম্বা অমসুং এক্তশু তৌবা তাই”, হায়না মহাক্না মখা তাখি।
মসিগী সিনেমাতোগ্রাফী মরমদা ৱা ঙাংলদুনা, পোলুদসু পনখি মদুদি, “অহৌবা অসি য়েংলবা মতুংদা, প্রোজেক্ত অসি ঐখোয়না থৌরাং তৌরম্বা অদুদগী চাওবা অমা ওইগদৌরি হায়বা ঐখোয়না খংলে”।
মহাক্না ভাবকশিংদা হায়খি মদুদি ফিল্ম শেম্বা অসি মহাক্না খল্লম্বা অদুদগী হেন্না চংবা অমা ওইরক্লি। “ঐহাক্না ফিল্ম অসি মতৌ করম্না শেম্লোইদবগে হায়বা খঙলে। অহানবদা ঐহাক্না ফিল্মশিং অমসুং ফিল্ম শেম্বশিংদা মখোয়গী ফিল্মগী মওং অদুদা ৱাফম কয়া অমা থমখি। অদুবু মসিগী ফিল্ম অসি শেম্লবা মতুংদদি, ঐহাক্না মীয়ামদা ৱাফম অমা থমজগে মদুদি, “কনাগুম্বা অমনা ফিল্ম শেম্বদা, মখোয়বু ইকাই খুম্নবিয়ু”।
![](https://static.pib.gov.in/WriteReadData/userfiles/image/3W3FW.jpg)
ও.তি.তি. প্লেতফোর্মগী মরমদা ৱাহংগী পাউখুম ওইনা মহাক্না হায় মদুদি মসি ফিল্ম শেম্বা অমসুং ভাবক অনিগী য়াম্না নুঙাইরবা মফম অমনি।
বেকগ্রাউন্দ
ওরু পাথিরা স্বাপ্নম পোল
সুধা, এন্ত্রেপ্রেন্যুর অমা অমসুং কোল্লেজ ছাত্রী অমগী মমানি, দোক্তর অমনা মহাকপু কেন্সরগী চিংনবা লৈ হারকপদগী মহাক্কী তাইবং তায়োন্নখি। মহাক্কী অৱাবা অসিগী মথক্তা হেন্না অৱাবা ওইহনখিবা অসি মহাক্না নোংমা মহাক্কী মচানুপীগী লেপতোপ চংলুবদা খংহৌদনা মহাক্কী মচানুপীগী ফি থোংদবা ভিদিও থেংনরুবা অসিনি।
গাথম
রিশি এক্সিদেন্ত অমদা মহাক্কী নিংশিংবগী শক্তি মাংখি অমসুং মহাক্কী পুন্সিগী ওইনা নুংশিজরবী অদিথী উনবা হৌগৎলকখি। মখোয়না রিশিগী হৌখিবশিং অসিগী ৱাহং কয়াগী পাউখুম ফংনবা খোঙচৎ অমা হৌখি। লাইবক থিবা অমদগী, মখোয়গী কার অসি মফম খঙদবা মফম অমদা লেপখি অমসুং মফম অদুদা কার অদুবু শেম্বিনবা মীওই অমত্তা থেংনখিদে। মদুদগী মমশিল্লক্লবা মতম অসিদা তপ্না অঙকপশিং থোক্লকপা হৌরকখি। মফম অদুদা থাজদবা কয়া অমা থোক্লখি। মখোয়না খংলকখি মদুদি মখোয় অসি ৱাখল চোইরবা অমগী য়ুমদা নান্থোকপা ঙমদনা লৈরে হায়না।
***
(Release ID: 1689922)
Visitor Counter : 213