কেন্দ্রগী শেল-থুম অমসুং কোর্পোরেৎ এফিয়র্সকী মন্ত্রী শ্রীমতি নির্মলা সিতারমন্না ঙসি রাজ্যশিং অমসুং কেন্দ্রগী তেরিতোরীশিংগী (লেজিসলেচরগা লোইননা) শেল-থুমগী মন্ত্রীশিংগা লোইননা প্রি-বজেৎকী খন্ন-নৈনখ্রে। মীফম অসি ভিদিও কনফরেন্সকী খুত্থাংদা পাঙথোকখ্রে অমদি রাজ্যশিং/য়ুনিয়ন তেরিতোরীশিংগী উপ মুখ্য মন্ত্রীশিং শেল-থুমগী মন্ত্রীশিং, মন্ত্রীশিং অমসুং মকোক থোংবা ওফিসরশিংনা শরুক য়াখ্রে।

কেন্দ্রগী শেল-থুমগী সেক্রেতরী দা. এ.বি. পান্দেনা শরুক য়ারিবা পুম্নমকপু দেলিবরেসন অসিদা তরাম্না ওকখি অমদি অখন্নবা খন্ন-নৈনবগী মীফম অসিগী কান্নবা অদু থমখ্রে। কেন্দ্রী শেল-থুমগী মন্ত্রীনা মীফম অসি কো-ওপরেতিব ফেদরেলিজমগী খুদম অমা ওইনা কান্নবা পীখ্রে অমসুং থেংনরিবা লাইচৎ অসিগী মায়োক্তা রাজ্যশিং/য়ুনিয়ন তেরিতোরীশিং (লেজিসলেসচরগা লোইননা) অসিনা কেন্দ্র সরকারবু চাউনা মতেং পাংখিবগী মওং অদু ফোঙদোকখ্রে। শরুক য়ারিবা অয়াম্বনা কেন্দ্রগী শেল-থুমগী মন্ত্রীনা লাইচৎনা অৱাবা তাখিবা থাশিংদা বোরোৱিং লিমিৎশিং  হেনগৎহনদুনা অমসুং রাজ্যশিংদা বেক তু বেক লোনশিং পীদুনা রাজ্যশিং/য়ুনিয়ন তেরিতোরীশিংদা শেলগী মতেং পাংখিববু থাগৎপা ফোঙদোকখ্রে। শরুক য়ারিবশিংনা বজেৎ স্পীচতা হাপহৌনবা কেন্দ্রগী শেল-থুমগী মন্ত্রীদা সজেসন মশিং কয়া পীখ্রে।

****