রেলৱে মন্ত্রালয়
রেলৱে, কোমর্স অমসুং ইন্দস্ত্রী অমসুং কঞ্জুমর অফেয়র্স, ফুদ অমসুং পব্লিক দিস্ত্রিব্যুসন মন্ত্রী, শ্রী পিয়ুশ গোয়লনা নোংপোক অমসুং নোংচুপ কোরিদোর অনিমক্তা দি.এফ.সি.দা লোইশিনগদোরবা তোঙান-তোঙানবা সেক্সনশিংগী প্রোগ্রেস রিভ্যু তৌখ্রে
জুন ২০২২ ফাওবদা লোশিল্লবা প্রোজেক্তশিং অদু লৈবাক অসিদা শোইহন্দনা খুৎশিন্ননহন্নবগীদমক্তা মসি য়েংশিনবদা অৱাৎপা অমত্তা থম্বা য়ারোই হায়না মন্ত্রী অসিনা হায়খি
Posted On:
04 JAN 2021 9:35PM by PIB Imphal
রেলৱেজ, কোমর্স অমসুং ইন্দস্ত্রী অমসুং কঞ্জুমর অফেয়র্স, ফুদ অমসুং পব্লিক দিস্ত্রিব্যুসন মন্ত্রী, শ্রী পিয়ুশ গোয়লনা ঙসি নোংপোক অমসুং নোংচুপ কোরিদোর অনিমক্তা দি.এফ.সি.দা লোইশিনগদোরবা তোঙান-তোঙানবা সেক্সনশিংগী প্রোগ্রেসকী মতাংদা রিভ্যু তৌখ্রে।
জুন ২০২২ ফাওবদা লোইশিল্লবা প্রোজেক্তশিং অদু লৈবাক অসিদা শোইহন্দনা খুৎশিন্ননহন্নবগীদমক্তা মসি য়েংশিনবদা অৱাৎপা অমত্তা থম্বা য়ারোই হায়না মন্ত্রী অসিনা হায়খি।
অপীবা মতমদগী হেন্না ঙনখৎনা থবক লোইশিন্নবা হোৎনবদা রেলৱেজনা মায়োক্নরিবা অৱাবশিং অদুগী মতাংদা খঙহল্লবদা, মন্ত্রীনা হায়খি মদুদি প্রোজেক্ত অসিবু লোইশিন্নবা ২০২২গী জুন ফাওবদা থবক লোইশিনবা ঙম্নবা স্তেক হোলদর পুম্নমক মসিদা শরুক য়ামিন্ননবা তৌবা য়াবা পুম্নমক তৌরগনি হায়না মহাক্না হায়রকখি।
ইন্দিয়ন রেলৱেজনা পোৎচৈ পুবা ত্রেনশিংগী হেন্না য়াংনা চৎপা য়াহন্নবা অখন্নবা ফ্রেত কোরিদোর শেম্লগনি।
প্রধান মন্ত্রী, শ্রী নরেন্দ্র মোদীনা ২০২০গী দিসেম্বর ২৯দা নোংপোক মায়কৈখক্তগী ওইবা ফ্রেত কোরিদোরগী কিমি ৩৫১শাংবা ন্যু খুর্জা-ন্যু ভাউপুর সেক্সন শঙ্গাখ্রে।
অহানবা তাঙ্কক্তা, দি.এফ.সি.সি.আই.এল.না ৱেস্তর্ন দি.এফ.সি. (কি.মি. ১৫০৪ শাংবা লম্বি) অমসুং ইস্তর্ন দি.এফ.সি. (সোননাগর-দানকুনি সেক্সনগী পি.পি.পি.সেক্সন য়াওনা কি.মি. ১৮৫৬ শাংবা লম্বি) শেমগনি।
লুধিয়ানাগী (পঞ্জাব) কী মনাক্তা লৈবা সাহনেৱালদগী হৌবা ই.দি.এফ.সি. অসি পঞ্জাব, হরিয়ানা, য়ু.পি., বিহারদ অমসুং ঝারখন্দ ফাওদুনা ৱেস্ত বেঙ্গালগী দানকুনিদা লোইশিনগনি ।
উত্তর প্রদেশকী দাদ্রিদগী হৌরগা মুম্বাইগী জৱাহরলাল নেহরু পোর্ত (জে.এন.পি.তি.)বু শম্নহনবা নোংচুপকী কোরিদোর অসিনা দব্লু.দি.এফ.সি. অমসুং ই.দি.এফ.সি.গী (সোননাগর-দানকুনি পি.পি.পি. সেক্সন য়াওহন্দনা) হায়বদি কি.মি. ২৮০০ শাংবা লম্বি অসি উত্তর প্রদেশ, হরিয়ানা, রাজস্থান, গুজরাত অমসুং মহারাস্ত্র হায়রিবা রাজ্যশিংদা ফাউদুনা চৎকনি অমসুং মসি ২০২২গী জুন ফাওবদা হাংদোক্লগনি।
*****
(Release ID: 1689717)
Visitor Counter : 128