পানাজি, ২০২১গী জানুৱারীগী ১৭

পাঞ্চিকা অসি অঙাংশিংনা শান্নবা চেগাই মঙাগী মশান্না অমনি। ৱারি অসিগী চান্নবা মমিং অমা ওইরি মদুদি মমান্নবশিং অসিনা তোস তৌবা মতমদা সমাজগী চৎনবী অসি মখোয়না ঙাক্লি। ঙসি ফাওবদা, ইন্দিয়াদা জাৎ অমসুং ধর্ম্মগী ৱায়েল লৈরি। ‘পাঞ্চিকা’ (চেগাই মঙা) অসিদা মমান্নবশিং অসিনা মতৌ করম্না সমাজগী চৎনবি অসি ঙাক্না চৎপগে হায়বা অসি উৎলি হায়না ফিল্ম অসিগী দাইরেক্তর অনকিৎ কোথারিনা হায়রি। মহাক্কী ফিল্ম অসিনা ঙসি ৫১শুবা ইন্তর্নেস্নেল ফিল্ম ফেস্তিবেল ওফ ইন্দিয়া (আই.এফ.এফ.আই.)গী ইন্দিয়ন পানোরামা নন-ফিচর সেক্সনগী অহানবা ফিল্ম ওইখি।  

নহা ওইরিবা দাইরেক্তর অসিনা ১৯৫০গদী অতেনবা ৱারী অমা শক্নাইরবা মরাথী অইবা ভ্যানকাতেশ মাদগুলকরনা মশাগী লোল হায়বদি গুজরাত অমসুং কুতচকী রান্ন হায়রিবা অসিদগী হন্দোকপনি। “ঐহাক্না মমান্নবশিংগী ৱারী অমা ঐহাক্কী ওইবা মওংদা ৱারী লিজরি” হায়না কোথারিনা হায়খি। ঐহাক্না হায়নিংবা ময়াম অমা লৈরি অমসুং মার্কা অমসুং মমি হায়বদি থুমগী পিরামিদ মসিনা ঐঙোন্দা নুঙাইবা ফাওহল্লি” মহাক্না মসি প্রস কনফরেন্স অমদা হায়খি। কোতারিনা অঙাং আর্তিস্তশিংগা পাঞ্চিকাদা থবক তৌম্মিন্নখি। মসিদা থেংনখিবশিং অসিদা মহাক্না হায়খি মদুদি, “তৌবা ঙমদবা হায়বা অঙাং অমত্তা লৈতে, ঙমদ্রিবদি দাইরেক্তরশিং অসিনি”। মফম অদুদা মহাক্না অঙাং আর্তিস্তশিং অসিদা ফজনা তাকই অমসুং মখোয়গা য়াম্না চেকশিন্না লোইনৈ, প্রোদুসর ওইরিবা শ্রেয়া কাপাদিয়ানা ফজরবা সোত অমা লৌরবা মতুংদা চোক্লেৎ অমসুং অচাপোৎ পীদুনা মখোয়বু পুক্নিং থৌগৎপী।    

তুশার হিরানান্দনি, ‘সান্দ কি আখ’কী দাইরেক্তরনা হায় মদুদি, মসি নুপীদা শক্তি পীবগী বাইওপিক অমা খক্তা নত্তে অদুবু মসিনা কনাগুম্বা অমা চহি ৬০শুরবা মতমদা অয়াম্বা মীনা হোৎনবা লেপখ্রবা মতমদা কনাগুম্বা অমদি কদাই ফাওবা তৌবা ঙম্বগে হায়বা অদু উৎপা পুক্নিং থৌগৎপা ৱারীনি। প্রোদুসর ওইরিবা রিলাইএন্স বিগ এন্তর্তেন্মেন্ত প্রাইবেত লিমিতেৎ গ্রুপকী সি.ই.ও. শিবাশিশ সরকারনা হায় মদুদি, “করিগুম্বদা ৱারী অমখক্না নহাকপু থৌনা পী। হায়রিবা ৱারীশিং অসি মীওই অমনা থৌনা অমসুং মগুন পুথোক্নবা মতুংদা লৈবা মথৌ তাই”। দাইরেক্তরনা মখা তানা হায় মদুদি সমাজদা থেংনরিবা মরুওইবা অৱাবা সমস্যাশিং অসি পাওতাক পীবগী মহুৎতা ফাগী ওইনা ৱারী পুথোকপা পাম্মী। মসিনা হেন্না শাফু পী।    

হিরানান্দনিনা মখা তানা হায় মদুদি, বাইওপিক্কী মওং অসিনা মঙোন্দা হেন্না পামজৈ। ইন্দিয়াদা লোৎতুনা লৈবা ৱারী কয়া অমা লিথোকপা মথৌ তারি হায়না মহাক্না হায়খি, “ঐহাক্না মুভি অসি শেম্বদা, ঐহাক্না আসা তৌই মদুদি মখোয়না মসি খঙগনি”, হায়না মহাক্না মখা তাখি। দাইরেক্তনা হায় মদুদি মহাক্না অসিগুম্বা ৱারী অসিদা মতুংদশু লিখিগনি। ইন্দিয়াদা ফিল্ম নম্বদা, হিরানান্দনিনা হায় মদুদি, মীরুত্তা ফিল্ম নম্বদা মফম অসিদা লৈরিবা মীওইশিংনা মতেং য়াম্না পীবি অমসুং মসি য়াম্না নুঙাইবা অমা ওইখি।    

পাঞ্চিকাগী শম্লপ্পা : চহি তরেৎ শুরবা মিরি থুমগী পাইরামিদ মরুভুমী লান্দুনা চাক্লেন থিনবা থোক্লকই। মহাক অসি সুবনা ইন্নরকই, ইন্থোক্লবা জাৎ ওইবনা, মখোয় লাপ্না লৈনৈ অমসুং পুন্না শান্নমিন্নবা য়াখিরমদে। ৱারী অসিনা মমান্নবা অমবু সমাজনা পুন্দুনা থম্লিবা অসি চেগাই অমনা হন্দোকখি। 

‘সান্দ কি আখ’কী শম্লপ্পা : দাঃ য়াশপাল, শার্প শুতিংদা নেস্নেলগী থাক্তা শান্নরোই অমসুং কোচ ওইরিবা মহাক্না উত্তর প্রদেশকী বাগপৎকী জোহারি খুঙ্গংদা মিতর ১০গী শুতিং রেঞ্জ অমা হাংদোকই। মসিদা পুম্নমক লৈরবশু ছাত্রদি লৈতে। খুঙ্গংগী মকোক ওইরিবা রতন সিংহ তোম্মারনা মহাক্কী ইমুংদা মহাক্কী মচানুপা খক্তদা শুতিং তম্নবগী অয়াবা পীরম্মী। মনাওনুপা অনি লৈরম্মী – ভনৱার সিংহ, চন্দ্রোগী মপুরোইবা অমসুং জয় সিংহ প্রকাশিগী মপুরোইবা। মচিন মনাও অহুম অসিগী মখোয়গী অঙাং ৪০ লৈরম্মী। মবোক অনিনা চন্দ্রো অমসুং প্রকাশিনা শুতিং নোংমৈ পায়খৎতুনা মখোয়গী মচানুপশিংবু থৌনা হাপখি। মসিনা অঙকপা অমা পুরক্তুনা  মখোয়না শার্প শুতরদা মেদল ৩৫২ থোইবা ঙমখি।

* * *

 

(Release ID: 1689667) Visitor Counter : 173