পনাজি, ২০২১ জানুৱারী ১৫

হয়েংদগী হৌগদৌরিবা ২০২০গী ইন্তরনেস্নেল ফিল্ম ফেস্তিবেল ওফ ইন্দিয়া অসি সমাজকী অমসুং নাৎকী য়াম্না মরু ওইবা থৌরম অমনি হায়না ইনফোর্মেসন অমসুং ব্রোদকাস্তিংগী কেন্দ্রগী মন্ত্রী শ্রী প্রকাশ জবদেকরনা ফোংদোকখ্রে৷

মেদিয়াদা ৱা ঙাংলদুনা মহাক্না অসুম্না ফোংদোকখ্রে, “কোবিদ-১৯ লাইনা-লাইচৎকী চৈথেং অসি লৈরবসু আই.এফ.এফ.আই. অসিদা মালেমগী অসিগী ফিল্ম ২০০ হেন্না শরুক য়াখ্রে৷ ফেস্তিবেল অসিনা তোঙান তোঙানবা ফিল্ম মখলশিং উৎলগনি অমসুং মীৎয়েং তারিবা মীশিংনা য়াম্না নুংঙাইবা ফাওরগনি৷ ইহান হানবা ওইনা ফেস্তিবেল অসি হাইব্রিদ ফেসন অমা ওইনা পাংথোক্লগনি অমসুং মসিনা মরম ওইদুনা ফেস্তিবেল অসিদা ওনলাইনগী খুৎথাংদা শরুক য়াবা য়ারগনি৷”

ফিল্ম পুম্নমক কোবিদ-১৯গী প্রোতোকোলশিং চেকশিন্না ঙাক্তুনা পনাজিগী অকোইবদা লৈরিবা থ্রেতর তরেৎতা উৎলগনি হায়না মহাক্না ফোংদোকখ্রে৷ স্ত্রিনিংগীদমক ফিল্মশিং অসি খনবগী মতাংদা ৱা ঙাংলদুনা “জুরীশিং অসিনা য়াম্না থাগৎনিংঙাই ওইরবা থবক অমা পাংথোকখ্রে” হায়না মহাক্না ফোংদোকখ্রে৷

ফেস্তিবেল অসিদা শরুক য়াদুনা য়েংবিনবা মহাক্না মীয়ামদা হায়জখ্রে অমসুং মপান্দগী গোৱাদা ফেস্তিবেল অসি য়েংবা লাক্লিবা মীওইশিংনা কোবিদ-১৯গী চান্নবা চেকশিন থৌরাংশিং ইন্নবা মহাক্না হায়জখ্রে৷

আই.এফ.এফ.আই.৫১গী হৌদোকপগী থৌরম অসি দি.দি.ইন্দিয়া অমসুং দি.দি.নেস্নেল চেনেলশিংদা উৎলগনি হায়না মন্ত্রী অসিনা ফোংদোকখ্রে৷

থৌরম অসি পি.আই.বি.গী য়ুত্যুব চেনেলদা লাইভ-স্তিম ওইনা থাদোক্লগনি https://www.youtube.com/pibindia৷

                                                                                         *****