জনুৱারি ১৬, ২০২১ ফাওবদা মহারাস্ত্রাগী লাতুর, পারভানি, নন্দেদ, পুনে, সোলাপুর, য়াভাতমাল, অহমেদনাগর, বিদ অমসুং রাইগাদ জিলাশিংদা এভিয়ান ইনফ্লুয়েঞ্জাগী কেসশিং লৈরে হায়বা খঙলে।

মসিগী মথক্তা, মৈধ্য প্রদেসকী ছাতারপুর জিলা(ক্বাক); গুজরাতকী সুরত, নাভসারি অমসুং নরমাদা জিলাশিং(ক্বাক); উত্তরখান্দগী দেহরাদুন জিলা(ক্বাক); উত্তর প্রদেসকী কানপুর জিলা(ক্বাক)দা এভিয়ান ইনফ্লুয়েঞ্জা শন্দোক্লে। দিল্লিদা খুনুং, নাজাফগরদা ব্রাউন ফিস ওল অমসুং রোহনিদা হেরোন্দা এভিয়ান ইনফ্লুয়েঞ্জাগী কেসশিং লৈরে।

ভারত সরকারগী সেন্ত্রেল পোলত্রি দিবলপমেন্ত ওর্গনাইজেসন মুম্বাইদগী ফংবা পাউগী মতুংইন্না ফার্মশিংদা মহৌশাগী নত্তবা মওংদা য়েন শিবা থেংনরে। সেম্পলশিং চাংয়েং তৌনবা লেবোরেতোরিদা থাখ্রে।

ছতিসগর রাজ্যদা আর.আর.তিশিং থমখ্রে অমসুং বালোদ জিলাদা য়েন হাৎপগী থবক চৎথরি। মৈধ্য প্রদেসতশু আর.আর.তিশিং থমখ্রে। লাইচৎকী হৌরকফম ওইরিবা মৈধ্য প্রদেসকী হারদা জিলাদা য়েন হাৎপগী থবক চৎথরি।

লৈবাক অসিদা এভিয়ান ইনফ্লুয়েঞ্জানা শোকহল্লবা মফমশিংগী ফিবম য়েংশিন্নবা শেমখিবা কেন্দ্রগী কাংবুনা শোকহল্লবা মফমশিংদা চৎখ্রে অমসুং লাইচৎ অসিগী ফিবম য়েংশিনখ্রে।

লাইচৎ লৈতবা মফমশিং/রাজ্যশিংদগী য়েন অমসুং য়েরুম পুশিল্লকপা থিংবগী পাউ ফংবদগী, মসিনা য়েন লোইবগী ইন্দস্ত্রিদা চাউনা চৈথেং পীগদবা মরম্না, অসিগুম্বা ৱারেপ অসি অমুক হন্না খন্ননবা রাজ্যশিংদা হায়জখ্রে। শেম-শারবা য়েনগী পোৎথোকশিংদগী এভিয়ান ইনফ্লুয়েঞ্জা ভাইরস শন্দোকপগী সাইন্তিফিক ওইবা পাউ অমতা লৈতে। নিংথিনা থোঙলবা য়েন অমসুং য়েরুমশিং চাবদা মীওইবগী হকচাং শোকপগী ৱাফম লৈতে। সাইন্তিফিক ওইদবা য়ুম্ফম য়াওদবা তোকঙাশিংদা মীয়াম্না থাজরোইদবনি অমসুং মসিনা চমম্নবা পোকহনগনি। মসিনা কোবিদ-১৯ লোকদাউন্না মরম ওইদুনা হান্না অৱাবা তাখ্রবা য়েন লোইবা অমসুং চুজাক থাবা লৌমীশিং শোকহনগনি অমসুং য়েন অমসুং য়েরুমগী কৈথেলশিদা শাথিনা অকায়বা পীগনি।

দিপার্তমেন্তনা চেকশিনৱাশিং পীরকপগী মতুংইন্না, পাউ-চেগী এদভর্তাইজমেন্তশিং, সোসিএল মেদিয়াগী প্লেতফোর্মশিংগী খুৎথাংদা মীয়াম ৱাখল তাহন্নবা থবকশিং রাজ্যশিংনা পাংথোক্লি। তুইতর অমসুং ফেসবুকগুম্বা সোসিএল মেদিয়া প্লেতফোর্মশিং য়াওনা তোঙান-তোঙানবা মেদিয়া প্লেতফোর্মশিংগী খুৎথাংদা এভিয়ান ইনফ্লুয়েঞ্জাগী মরমদা ৱাখল তাহন্নবা অমসুং ফিবম অসি কমদৌনা লাকশিনগনি হায়বগী মতাংদা লেপ্তনা মীয়ামদা খঙহল্লি।

*****