হেলথ অমসুং ফেমিলি ৱেলফিয়রগী য়ুনিয়ন মিনিস্তর দাঃ হার্শ বর্ধন্না ঙসি স্তেতশিং/য়ু.তি.শিংগী হকশেলগী মিনিস্তরশিং অমসুং প্রিন্সিপাল সেক্রেতরীশিং/এদ্দিসনেল চীফ সেক্রেতরীশিং ভেক্সিন্নেসন দ্রাইব অসি হন্না অমুক য়েংশিন্নবা ঙসি ভিদিও কনফরেন্সকী খুত্থাংদা উন্নদুনা ৱারী শান্নখ্রে।

প্রধান মন্ত্রী শ্রী নরেন্দ্র মোদীনা কোবিদ-১৯ ভেক্সিন্নেসন দ্রাইব অসি ঙসি অয়ুক্কী পুং ১০:৩০ তাবা মতমদা ভিদিও কনফরেন্সকী খুত্থাংদা হৌদোকখি। মসি লৈবাক অসিগী কাচিন কোয়া শিনবা থুংনা য়ৌশিন্দুনা মালেমগী খ্বায়দগী চাওবা ভেক্সিন্নেসন থৌরম ওইখি। 

দাঃ হার্শ বর্ধন্না ঙসি হৌরকপদা স্তেতকী থবক তৌম্মিন্নরিবা মীওইশিংবু ভেক্সিন্নেসন অসিনা লৌরিবা মখোয়গী ফিরেপ অমসুং মখোয়গী খাংবা কনবা অসিদা থাগৎপা ফোংদোকখ্রে। য়ুনিয়ন মিনিস্তরনা হকশেলগী মিনিস্তরবু মালেমগী খ্বায়দগী চাওরবা ভেক্সিন্নেসন দ্রাইব অসি মায় পাক্না হৌদোকপগীদমক থাগৎপা ফোংদোকখ্রে। মহাক্না হায় মদুদি, “ঙসি অসি ঐখোয়গী খ্বায়দগী মরু ওইবা নুমিৎ অমনি। ভেক্সিন্নেসন দ্রাইব অসিবু, নোপ্পা লৈত্রবা অমসুং মতিক লৈবা লুচিংবা প্রধান মন্ত্রী শ্রী নরেন্দ্র মোদী জিগী মখাদা থা মঙা শেম-শাদুনা লাকপা অদু ঙসিদি হৌদোকখ্রে। ঐখোয়না অহানবা নুমিৎতা পুক্নিং থৌগৎনিঙাই ওইবা অমসুং মতিক চানা ফংবগী ফোংদোরকপা ফংখি। মসিনা তাকপদি ঐখোয়না কোরোনা ভাইরস লান্থেংদা মায় পাকপা লোমদা চংশিল্লি তাকপনি”।        

গুজরাতকী দিপুতি চীফ হেলথ মিনিস্তর, শ্রী নিতিনভাই পতেল, মহারাস্ত্রাগী হেলথ মিনিস্তর, শ্রী রাজেশ তোপে, উত্তর প্রদেশকী হেলথ মিনিস্তর, শ্রী জয় প্রতাপ সিংহ, রাজস্থানগী হেলথ মিনিস্তর দাঃ রাঘু শর্ম্মা, হারিয়ানাগী হেলথ মিনিস্তর শ্রী অনিল ভিজ, বিহারগী হেলথ মিনিস্তর মঙ্গল পান্দে, কর্নাতকাগী হেলথ মিনিস্তর দাঃ কে. সুধাকার, ঝরখন্দগী হেলথ মিনিস্তর শ্রী ৱন্না গুপ্তা, মধ্য প্রদেশকী হেলথ মিনিস্তর দাঃ প্রভুরাম চৌধুরি, ওরিশাগী হেলথ মিনিস্তর শ্রী নব কিশোর দাস, তেলঙ্গানাগী হেলথ মিনিস্তর শ্রী ইতেলা রাজেন্দ্রা, সিকিমগী হেলথ মিনিস্তর দাঃ মনি কুমার শর্ম্মা, দিল্লীগী হেলথ মিনিস্তর শ্রী সত্যেন্দর কুমার জেন, দামন অমসুং দিয়ু অমসুং দদ্রানগর হাবেলিগী এদমিনিস্রেতর শ্রী প্রফুল পতেল, ছত্তিগরগী এদ্দিসনেল চীফ সেক্রেতরী হেলথ মিস রেনু পিল্লাই, গৌৱাগী হেলথ সেক্রেতরী শ্রী অমিত সতিজা, মনিপুরগী হেলথ এদভাইজর দাঃ এস. রঞ্জন, নাগালেন্দগী প্রিন্সিপাল সেক্রেতরী শ্রী আমরদীপ সিংহ ভাতিয়া, মেঘলয়াগী  সেক্রেতরী হেলথ শ্রী সম্পাথ কুমারনা মিতিং অসিদা শরুক য়াখি।  

হকশেলগীদমক চোকথবা নাইদনা থবক তৌরিবশিং অমসুং মমাং থংনা থবক তৌরিবশিং অসিদা অমুক হন্না থাগৎপা ফোংদোক্লদুনা দাঃ হার্শ বর্ধন্না হায়খি মদুদি, “ইন্দিয়া অসি কোবিদ অসি লাকশিন্নবা হোৎনবদা মশক থোক্না মাংলোমদা চংশিল্লি। সাইন্তিস্ত, রিসর্সর, দোক্তর অমসুং ভোলুন্তিয়র ওইনা চোংথোক্লিবশিং অসিগী মতেংনা ঐখোয়না থা ১০গী ভেক্সিন অনি শেম শাদুনা লৈরে”।

হকশেলগী মিনিস্তরনা ভেক্সিন্নেসনগী থৌরমশিং অসি মতম চানা লৈরে হায়না উৎখি। “ভেক্সিনেতরশিংদা দ্রাই রনগী থৌওংশিংগী ত্রেনিং য়াওখিবা, ত্রেনিংগী মরীক চুম্বা মোদ্যুলশিং অসিনা ঙসিগী নুমিৎ অসি মায় পাকখিবনি। মসিগী ভেক্সিন অসিনা কোরোনা লান্থেংনবদা মতিক চাবা সঞ্জিবানি ওইগনি”।

দাঃ হার্শ বর্ধন্না হকশেলগী মিনিস্তরশিংদা ভেক্সিন অসিগী মতাংদা তোংঙা অমসুং অরানবা পাউ  শন্দোকপা য়েংশিন্নবা অমসুং অচুম্বা পাউ শন্দোক্নবা হায়জখ্রে। মহাক্না ভেক্সিন অসিগী সাইদ-ইফেক্ত অসিদা মীয়ামদা সোসিএল মেদিয়ানা শন্দোক্লিবা তোংঙা য়ানিংতবা ফোংদোকখি। মহাক্না স্তেতকী মীহুৎশিং অসিদা অসিগুম্বা অরানবা পাউ অসি থিংনবা অমসুং অচুম্বা পাউশিং মীয়াম শন্দোক্নবা তকশিনখি।

প্রধান মন্ত্রীনা লাওরিবা দৱাই ভী, করাই ভী অসিদা হন্না হন্না হায়খি। দাঃ বর্ধন্না হায় মদুদি, “ভেক্সিন অসিনা ঐখোয়না ভাইরস অসি থেংনবদা শক্তি পীগনি”।

স্তেতকী হেলথ মিনিস্তরশিং অমসুং সেক্ত্রেতরীনা য়ুনিয়ন হেলথ মিনিস্তরবু ভেক্সিন্নেসনগী অহানবা নুমিৎ অসিদা পান্দম অদু য়ৌখিবা অমসুং মায় পাক্না চংশিনখিবা অসিদা থাগৎপা ফোংদোকখি। মখোয়না সোফতৱয়রদা তেক্নিকেলগী ওইবা অপনবা মচা খর লৈবা অসি হায়খি। মিনিস্তরনা লৈবাক অসিগী মীয়াম্না ভেক্সিন অসিদা থাগৎপা অমসুং থাজবা পীখিবা অদু খঙহনখি।

হকশেল মিনিস্ত্রীগী সেক্ত্রেতরী, শ্রী রাজেশ ভুশন, দি.জি.ঐচ.এস. দাঃ সুনিল কুমার, এম.ও.ঐচ.এফ.দবল্যু., এ.এস.অমসুং এম.দি. মিস বন্দনা গুর্নানি, এম.ও.ঐচ.এফ.দবল্যু., জে.এস. শ্রী ভিকাস শীল, এম.ও.ঐচ.এফ.দবল্যু., জে.এস. শ্রী ভিসাল চৌহান, অমসুং জে.এস. মিস গায়াত্রী মিশ্রানা মিতিং অসিদা শরুক য়াখি।

****