তামিল নাদুনা শেলথুম মন্ত্রালয়গী দিপার্তমেন্ত ওফ এক্সপেন্দিচরনা পীবা “ৱন নেসন ৱন রেসন কার্দ সিস্তেম” রিফোর্ম মায় পাক্না পায়খৎপা ১১শুবা স্তেত ওইরে‍। অসুম্না স্তেত অসি ওপন মার্কেত বোরোৱিংদগী লুপা করোর ৪,৮১৩গী অহেনবা শেন্ফম পুবা য়ারে‍। মদুগী অয়াবা দিপার্তমেন্ত ওফ এক্সপেন্দিচরনা পীখ্রে‍।

হৌজিক তামিল নাদু হায়রিবা অহোংবা অসি পুরক্লবা অতোপ্পা স্তেত তরা মমিং ওইনা পল্লবদা অন্ধ্র প্রদেশ, গোৱা, গুজরাত, হরিয়ানা, কর্নাতকা, কেরলা, মধ্য প্রদেশ, তেলঙ্গনা, ত্রিপুরা অমসুং উত্তর প্রদেশকী মরক্তা চল্লে‍। ৱন নেসন ৱন রেসন কার্দ সিস্তেমগী অহোংবা পুরক্লবা মতুংদা হায়রিবা স্তেত ১১সিদা লুপা করোর ৩০,৭০৯কী অহেনবা শেন্ফম পুবগী অয়াবা দিপার্তমেন্ত ওফ এক্সপেন্দিচরনা পীখ্রে‍। স্তেত স্তেতকী অহেনবা শেন্ফম পুবগী অয়াবা পীখ্রবা শেম্ফম মখাদা পীরি‍:

ৱন নেসন ৱন রেসন কার্দ সিস্তেম অসি লৈবাক মীয়ামগী য়াইফনবা পায়খৎপা মরুওইবা রিফোর্ম অমনি‍। মসি পায়খৎপনা নেসনেল ফুদ সিক্যুরিতী এক্ত (এন.এফ.এস.এ.) অমসুং অতৈ য়াইফ থৌরাংশিংগী মখাদা খুদোংচাবা ফংলিবা মীওইশিং, মরুওইনা লংফৈ চত্তুনা থবক শুরিবা শিন্মীশিং অমদি মখোয়গী ইমুং মনুংশিংদা লৈবাক্কী মফম অমা হেক্তদা লৈবা ফেয়র প্রাইস সোপ অমা হেক্তদগী চেং হৱাই ফংহল্লি‍।

অহোংবা পুরক্লিবা অসিনা মরুওইনা লংফৈ চৎপা মীওইশিং অয়াম্বনা শিন্মী, নুংতিগী চরা তানবা মী, ময়োল্লমশিংদা ফত্ত হৌদি খুনবা মী, ময়ুম মকৈ লৈতবা মীওইশিং, ওর্গনাইজ অমসুং অনওর্গনাইজ সেক্তরদা মতম খরগী নেকপা শিন্মীশিং, য়ুমগী থবক ইন্খাঙ শুবা মীওইনচিংবা লৈফম তোয়না হোংবা মীওইশিংবু চাননবা চীঞ্জাক্তা মীপান তাংহন্দে‍। তেক্নোলোজীনা থৌবা অহোংবা অসিনা লংফৈবা লৈবা কান্নবা ফংলিবা মীওইশিংদা লৈবাক্ক মফম অমা হেক্তদা লৈবা মখোয়না পামবা ইলেক্ত্রোনিক পোইন্ত ওফ সেল (ই-পি.ও.এস.)কী খুদোংচাবা লৈবা ফেয়র প্রাইস সোপশিংদগী মখোয়গী ফংফম থোকপা চীঞ্জাক ফংহল্লি‍।

অহোংবা পুরক্লিবা অসিনা স্তেতশিংবুসু কান্নবা ফংলিবা মীওইশিং মওং তানা তার্গেত তৌবদা, শাজিন্নবা/হঞ্জিনবা/ফংফম থোক্তবা কার্দ হোল্দরশিং খন্দোক্পা ঙমহন্দুনা হেন্না নীংথিবা চাকথুং ফংহল্লি অমদি মাঙবা হন্থহল্লি‍। মখা তানা অপনবা লৈতনা রেসন কার্দ স্তেতশিংগী মরক্তা হোংদোক হোংজিন তৌবা য়াননবা রেসন কার্দ খুদিংমক আধার সীদিং তৌবগা লোয়ননা ফেয়র প্রাইস সোপশিংদা ইলেক্ত্রোনিক পোইন্ত ওফ সেল (ই-পি.ও.এস.) থমদুনা ওতোমেসন তৌরগা কান্নবা ফংগদৌরিবা মীওইশিংগী বাইওমেত্রিক ওথেন্তিফিকেসন তৌবা মথৌ তাই‍। মরম অসিনা স্তেতশিংগী গ্রোস স্তেত দোমেস্তিক প্রদক্ত (জি.এস.দি.পি.)গী চাদা ০.২৫কী অহেনবা শেন্ফম পুবগী অয়াবা মখাদা পীরিবা থবকশিং অসি পায়খৎলবা মতমদতা পী:

(১) স্তেত অদুদা লৈরিবা রেসন কার্দ অমসুং কান্নবা ফংলিবা মীওই খুদিংমক্কী আধার সীদিং তৌবা

(২) স্তেত অদুদা লৈরিবা এফ.পি.এস. খুদিংমক ওতোমেসন তৌবা

কোবিদ-১৯ লাইচৎনা পীরিবা শিংনবা কয়া থেংনবদা মথৌ তাবা মচাকশিং পীবা ঙম্নবগীদমক ভারত লৈঙাক্না মে ১৭, ২০২০দা স্তেতশিংগী শেন পুবা য়াবগী চাং মখোয়গী জি.এপ.দি.পি.গী চাদা ২ হেনগৎহনখি‍। মসিগী তঙ্খায় অমা হায়বদি জি.এপ.দি.পি.গী চাদা ১ স্তেতশিংনা মীয়ামগী য়াইফনবা অহোংবশিং পায়খৎপগা মরী লৈনহল্লি‍। দিপার্তমেন্ত ওফ এক্সপেন্দিচরনা খঙদোক্লবা মীয়ামগী য়াইফ থৌরাংগা মরী লৈনবা অহোংবশিং অদুদি (ক) ৱন নেসন ৱন রেসন কার্দ সিস্তেম চৎনহনবা, (খ) ইজ ওফ দুইং বিজিনেস রিফোর্ম, (গ) অর্বান লোকেল বোদী/য়ুতিলিতী রিফোর্ম অমসুং (ঘ) পৱার সেক্তরগী রিফোর্মশিংনি‍।

হৌজিক ফাওবদা স্তেত ১১না ৱন নেসন ৱন রেসন কার্দ সিস্তেম চৎনহনখ্রে, স্তেত ৮না ইজ ওফ দুইং বিজিনেস রিফোর্ম চৎনহনখ্রে অমদি স্তেত ৪না লোকেল বোদী রিফোর্ম চৎনহনখ্রে‍। হায়রিবা স্তেতশিং অসিদা মথক্তা পল্লিবা রিফোর্মশিং অসি পুরকপগীদমক পুবগী অয়াবা পীখ্রবা অহেনবা শেন্ফম লুপা করোর ৬১,৩৩৯ ওইখ্রে‍।

*******