ঙসি ন্যু দিল্লীদা কেন্দ্রগী গৃহ মন্ত্রী শ্রী অমিত শাহনা কোইল মাইনিং সেক্তরদা ‘সিঙ্গল ৱিন্দো ক্লিয়রেন্স সিস্তেম ৱেব পোর্তেল’ হৌদোকখ্রে৷ লৈবাক অসিগী ইহান হানবা কম্মর্সিয়েল কোইল মাইনিং ওক্সনদা মাই পাক্লবা বিদ্দরশিং অসিদা চার্তর ওফ লেত্তরশিং শ্রী অমিত শাহনা খুৎশিন্নখ্রে৷ থৌরম অসিদা কোইল অমসুং মাইনিং অমসুং পার্লিয়ামেন্তরী এফিয়র্স্কী কেন্দ্রগী মন্ত্রী শ্রী প্রলহাদ জোশি অমসুং সেনিয়র ওফিসিয়েলশিং অসিনা শরুক য়াখি৷

প্রধান মন্ত্রী শ্রী নরেন্দ্র মোদীগী লুচিং মখাদা কোইল সেক্তরনা অত্মনির্ভর ভারত অসিগী মংলান অদু মংফাওনহনবদা য়াম্না মরু ওইবা থাক অমা লানবা ঙমখ্রে হায়না থৌরম অসিদা শ্রী অমিত শাহনা ফোংদোকখ্রে৷ লৈবাক অসিনা মনিং মখা তম্বা চহী ৭২ মপুং ফারকপা চহী ২০২২ ফাওবগী মনুংদা ইকোনোমী দোলর ত্রিলিয়ন মঙা ফংবা ঙম্নবা পান্দম থম্লিবা অসিদা কোইল সেক্তর অসিনা য়াম্না মরু ওইবা থৌদাং লৌরগনি হায়না মহাক্না ফোংদোকখ্রে৷ মতম কুইনদগী হৌনা কোইল সেক্তরদা নিয়ম চুম্না ময়েক শেংনা তৌদবগী শেমদোকপা তঙাই ফদনা লাক্লিবা অসি মোদী সরকার অসিনা মাই পাক্না পাংথোকখ্রে হায়না শ্রী শাহনা ফোংদোকখ্রে৷ কম্মর্সিয়েল কোইল মাইনিং ওক্সনশিং অসিনা হৌজিক্তি অপিকপা অমসুং ময়াই ওইরপ চাওবা ইন্দস্ত্রীশিংনা মখোয়না শিজিন্নগদবা কোইল সপ্লোইশিং অদু য়াম্না লাইনা ফংবা ঙম্লগনি৷

কোইল অমসুং মাইনিং অমসুং পার্লিয়ামেন্তরী এফিয়র্স্কী কেন্দ্রগী মন্ত্রী শ্রী প্রলহাদ জোশিনা প্রধান মন্ত্রী শ্রী নরেন্দ্র মোদীগী লুচিং মখাদা য়াম্না মশক থোকপা থবক কয়া পাংথোকখ্রে হায়না শ্রী অমিত শাহনা ফোংদোকখ্রে অমসুং মতুং তারকপদা লৈবাক অসি শোইদনা চাওখৎপা পুরক্লগনি হায়না মহাক্না থাজবা পীখ্রে৷ লৈবাক অসিগী ইহান হানবা কম্মর্সিয়েল কোইল মাইনিং ওক্সন অসিদা মাই পাক্লবা বিদ্দর ১৯ অসিদা খানিশিং য়েন্থোনখ্রে৷  মসিনা চহী খুদিংগী ওইনা রাজ্যশিং অসিদা চাওরাক্না লুপা কোতি ৬,৫০০গী রেভিনিয়ু ফংহল্লগনি অমসুং মীওই ৭০,০০০ হেন্না থবক পীরগনি৷ অসিগীসু মথক্তা মসিনা হান্না লুপা কোতি ৮০০০ থাদরম্বা অদুদগী হেনগৎতুনা  লুপা কোতি ১০,০০০ য়ৌনা থাদরগনি৷ লাক্কদৌরিবা চহী খুজিং অসিদা কোইলাগী পি.এস.য়ু প্লানগী মখাদা লুপা কোতি লাখ ২.৫০গী চাংদা থাদরগনি অমসুং পি.এস.য়ু.-প্রাইভেৎ প্লান অসিগী মখাদা লুপা কোতি লাখ ৪রোমগী চাংদা থাদরবা য়াই হায়না মহাক্না ফোংদোকখ্রে৷ হায়রিবা অসিগী রোদমেপ অদু শেম শাবা লোইরে৷

২০২০ চহী অসিদা মালেম অসি শিনবা থুংনা কোবিদ-১৯ লাইনা-লাইচৎ অসিনা শন্দোক্তুনা মীওইবা জাতি অসিদা ক্রাইসিস অসিনা অশুক্কী মতিক অৱাবা নঙহল্লে৷ প্রধান মন্ত্রী শ্রী নরেন্দ্র মোদীগী লুচিং মখাদা ভারত সরকার অসিনা হিরম অনি মাই পাক্না লান্থেংনখ্রে,- অমনা কোরোনা অমসুং অতোপ্পা অমা অদুনা ক্রাইসিস অসিনা মরম ওইদুনা শেল-থুমগী ফিভম ফৎচিল্লক্তবা অসিনি৷ সরকার অসিনা তোঙান তোঙানবা পোলিসী শেমখ্রে, লৌউ-শিংউবা, মহৈ-মশিং, স্পেস, ইকোনোমী অমসুং হারশিং য়াওনা তোঙান তোঙানবা সেক্তরদা য়াম্না মরু ওইবা ৱারেপশিং লৌখ্রে৷ ইনফ্রাস্ত্রকচর সেক্তর অসি হেন্না ফনা লৈনবা স্তিম কয়া অমা পুথোকখ্রে অমসুং ‘করবার তৌবদা লাইননবা’ স্ত্রকচর অদুসু শেমখ্রে৷ স্কিমশিং অসিগী মনুংদা অয়াম্বনা চৎনখ্রে অমসুং ৱাৎহৌরিবা স্কিমশিং অসি তপ্না তপ্না চৎনরক্লি৷ ঙসি পুথোক্লিবা স্তিম অসিসু পোলিসী অসিগী শরুক অমনি হায়না শ্রী শাহনা ফোংদোকখ্রে৷

                                                                                         *****