লেজিস্লেতিব বিভাগ অসিনা কেন্দ্র সরকারগী লেজিস্লেতিবকী ওইবা থৌওংশিংদা সর্ভিস প্রোভাইদর ওইনা মথৌ তৌই। মসিনা তোঙান-তোঙানবা মন্ত্রালয়/বিভাগশিংগী লেজিস্লেতিবকী ওইবা ৱাহৌদোকশিংবু মতম চানা থবক পাংথোকহল্লি। হীরম অসিগী মতাংদা, বিভাগ অসিনা লেজিস্লেতিব ওইবা থৌওংশিংগী খুত্থাংদা মন্ত্রালয়/সরকারগী বিভাগশিংনা পোলিসীগী পান্দম ফংনবা হোৎনবদা য়াম্না মরু ওইবা থৌদাং লৌই।

লেজিস্লেতিব বিভাগ অসিনা মসিগী মখাদা স্তেতুতরী নত্ত্রগা ওতোনোমস বোদী অমত্তা লৈতে। মপুং ওইবা সেক্রেতরিএৎকী মথক্তা, লেজিস্লেতিব বিভাগ অসিগী মখাদা মশা অনি লৈ- ওফিসিএল লেংগ্বেজ ৱিং অমসুং বিধি সহিত্য প্রকাশন। মখোয় অসিনা বিল, ওর্দিনেন্স, কাঙলোনশিংবু হিন্দিদা হন্দোকপগী থৌদাং লৌই; অমসুং আইনগী লমদা হিন্দি অমসুং অতোপ্পা ওফিসিএল ওইবা লোল শিজিন্নবগী মতাংদা লেজিস্লেতিব বিভাগনা রাজ্য সরকারশিংদা সেন্ত্রেল লোশিং অসিবু সংবিধানগী ৮সুবা সেদ্যুলদা য়াওরিবা লোলশিংদা ৱাহন্থোক পীবদা তেংবাংই।

চহিগী লোইবগী হঙ্গৎনা য়েংশিনবা অসিনা বিভাগ অসিনা জনুৱারি ২০২০দগী ওক্তোবর/নবেম্বর ২০২০ ফাওবগী মনুংদা পায়খৎখিবা তোঙান-তোঙানবা খোঙথাংশিং, প্রোগ্রামশিং, স্কিম অমসুং মাই-পাকপশিংগী মতাংদা তাকপা ঙমগনি।

বিভাগ অসিনা পায়খৎখিবা মরু ওইবা থবকশিং

জনুৱারি ১, ২০২০দগী হৌদুনা নবেম্বর, ২০২০ ফাওবগী মতমগী মনুংদা বিভাগ অসিনা লেজিস্লেতিবকী ৱাহৌদোক ৪১ য়েংশিনখি। মতম অসিগী মনুংদা বিল ৪০ অসি চৎনহন্নবগীদমক্তা পার্লিয়ামেন্ততা থাখি।

পার্লিয়ামেন্ততা হান্নদগী পন্দুনা লৈরিবা বিলশিং অমসুং ই/১/২০২০দগী ১/১১/২০২০ ফাওবগী মনুংদা চৎনহনখ্রবা বিলশিংগী মনুংদগী, কন্সতিত্যুস্নেল এমেন্দমেন্ত এক্ত, ২০২০ অমা য়াওনা বিল ৪০দি এক্ত ওইনা ওন্থোকখি। ওর্দিনেন্স ১৪দি রাস্ত্রপতিনা সংবিধানগী আর্তিকল ১২৩গী মখাদা আইন ওইনা চৎনহনখি।

মীখলগী আইন অমসুং মীখলগী থৌওংশিংদা শেমদোকপা

পার্লিয়ামেন্ত, রাজ্যগী লেজিস্লেচর অমসুং রাস্ত্রপতি অমসুং উপ-রাস্ত্রপতিগী লোইশঙগী মীখল পাংথোকপগা মরী লৈনবা এক্তশিংদি – (১) দি রীপ্রজেন্তেসন ওফ দি পীপলস এক্ত, ১৯৫০, (২)দি রীপ্রজেন্তেসন ওফ দি পীপলস এক্ত, ১৯৫১, (৩) দি প্রসিদেন্সিএল এন্দ ভাইস-প্রসিদেন্সিএল ইলেক্সন এক্ত, ১৯৫২, (৪) দি দিলিমিতেসন এক্ত, ২০০২, (৫) দি আন্ধ্র প্রদেশ লেজিস্লেতিব কাউন্সিল এক্ত, ২০০৫ অমসুং (৬) দি তমিল নাদু লেজিস্লেতিব কাউন্সিল এক্ত, ২০১০নি। ভারতকী সংবিধানগী ১০শুবা সেদ্যুল (এন্তি-দিফেক্সন লো হায়রগসু খঙনবা) অমসুং পার্লিয়ামেন্ত (প্রিভেন্সন ওফ দিস্ক্বালিফিকেসন এক্ত) এক্ত, ১৯৫৯না পার্লিয়ামেন্ত অমসুং রাজ্যগী লেজিস্লেচরশিংদা মাই-পাক্লবা মীহুৎশিংগা মরী লৈনবা হীরমশিংগী মতাংদসু য়েংশিল্লি। মসিগী এক্তশিং অসি লো অমসুং জস্তিস মন্ত্রালয়গী লেজিস্লেতিব বিভাগনা চলায়বনি।

সংবিধানগী পনখৈ খায়বা (দিলিমিতেসন)

ভারতকী অহানবা দিলিমিতেসন কম্মিসন অসি ইং ১৯৫২দা লিংখৎখি, অনিশুবনা ইং ১৯৬২দা, অহুমশুবনা ইং ১৯৭৩দা অমসুং মরিশুবনা ইং ২০০২দা লিংখৎখি। ইং ১৯৭১গী সেন্সস্তা য়ুম্ফম ওইবা অহুমশুবা দিলিমিতেসনগী থৌওং অসিনা ইং ১৯৭৫দা লোইশিনখি। হৌজিক্কী দিলিমিতেসন, মরিশুবা দিলিমিতেসন ওইনা পাংথোক্লিবা, অসিগী থৌওং অসিনা ইং ২০০১গী সেন্সস্তা য়ুম্ফম ওইবনি।

জম্মু অমসুং কশ্মিরগী য়ু.তি. অমসুং অৱাং-নোংপোক ভারতকী রাজ্য খরগী সংবিধানগী দিলিমিতেসন

কম্মু অমসুং কশ্মির (রী-ওর্গনাইজেসন) এক্ত, ২০১৯ চৎনখিবগী মতুংদা মমাংদা রাজ্য ওইরম্বা জম্মু অমসুং কশ্মির অসি য়ুনিয়ন তেরিতোরী অনি থোক্না খায়দোকখি, মিং ওইনা পল্লবদা, লেজিস্লেতিব এসেমব্লীগা লোয়ননা জম্মু অমসুং কশ্মিরগী য়ুনিয়ন তেরিতোরী অমসুং লেজিস্লেতিব এসেমবী লৈতবা লদাখকী য়ুনিয়ন তেরিতোরী। মতাং অসিদা পল্লিবা ইং ২০১৯গী এক্ত অসিগী সেক্সন ৬২দা পীরিবা অখন্নবা কাঙলোন অসিগী মতুং ইন্না কোন্না ওইরক্লিবা জম্মু অমসুং কশ্মিরগী য়ুনিয়ন তেরিতোরীগী কন্সতিত্বেন্সীবু এসেমব্লী কন্সতিত্বেন্সীদা শিন্দোকপগী থৌওং অসি হায়রিবা ২০১৯গী এক্ত অসিনা শেমদোকখিবা দিলিমিতেসন এক্ত, ২০০২গী প্রোবিজনগী মখাদা লৈবা দিলিমিতেসন কম্মিসন্না ইং ২০১১গী সেন্সস্তা য়ুম্ফম ওইদুনা পাংথোক্কনি।

মরম অদুনা, হায়রিবা ইং ২০১৯গী এক্ত অসিদা য়াওরিবা মেন্দেৎকী মতুং ইন্না অমসুং দিলিমিতেসন এক্ত, ২০০২গী সেক্সন ৩দা পীরিবা কাঙলোনগী মতুং ইন্না, কেন্দ্র সরকারনা জম্মু অমসুং কশ্মিরগী য়ুনিয়ন তেরিতোরী, অসম, অরুনাচল প্রদেশ, মনিপুর অমসুং নাগালেন্দগী রাজ্যশিংগী এসেমব্লী অমসুং পার্লিয়ামেন্তরীগী মফমশিংগী ঙমখৈ খায়নবগীদমক্তা মার্চ ৬, ২০২০দা থোকখিবা ভারতকী গেজেৎকী ৱারোলগী মতুং ইন্না দিলিমিতেসন কম্মিসন অমা শেমখি।

নুপীগী ফম খাক্তুনা থম্বা

পার্লিয়ামেন্ত অমসুং রাজ্যগী লেজিস্লেচরশিংদা নুপীশিংগী মতিক চাবা মীহুৎ লৈহন্নবা লেপ্তবা ৱাহৌদোক অমা তান্দুনা লাকখি। জেন্দর জস্তিস অসি সরকারগী য়াম্না খোঙফম চেৎপা থৌওং অমনি অমসুং মসিগী মনুং চনবা হীরমশিং অসিগী মতাংদা সংবিধান্দা শেমদোক-শেমজিন তৌদুনা লেজিস্লেতিবকী ওইবা মতিক চাবা থবক অমা পায়খৎত্রিঙৈগী মমাংদা রাজনীতিগী দল খুদিংমক্কী অয়াবা লৌদুনা মদুদা য়ুম্ফম ওইদুনা নীংথিনা খন্ন-নৈনবগী তঙাই ফদবা লৈ।

মীখলগী থৌওংদা শেমদোকপা – ইলেক্ত্রোনিকেল্লী ত্রান্সমিত্তেদ পোস্তেল বেল্লোৎ সীস্তেম (ই.তি.পি.বি.এস.)

মীখলগী পাংথোকপগী কাঙলোন, ১৯৬১ অসি মার্ক তৌরবা পোস্তেল বেল্লোৎ পেপরশিং ফংবগী মতমগী ৱিন্দোবু তেনশিলহন্নবা পান্দমগা লোয়নবা আর্ম্দ ফোর্সকী মীওইশিং য়াওনা মীখলদা ভোৎ থাগদবা মীওইশিংদা অহাঙবা পোস্তেল বেল্লোৎপু ইলেক্ত্রোনিক্কী খুত্থাংদা য়ৌহন্নবা হায়দুনা ওক্তোবর ২১, ২০১৬তা থোকপা ৱারোল অমদা মখা তানা শেমদোকখি।

ভোৎ থাদগদবা মীওই কাঙলুপ খরদা পোস্তেল বেল্লোৎকী খুদোংচাবা ফংহনবা

হৌজিক লৈরিবা ভোৎ থাদবগী পথাপ অসিদা চহি য়াম্লবা অমসুং নাম্মা শোয়বা ভোতরশিং অমসুং মীখলগী নুমিৎ অসিদা মশাগী ওইরিবা ফিভম্না মরম ওইদুনা পোলিং স্তেসন্দা লাকপা ঙমদবা মীওইশিং, শম্না হায়রবদা এভিএসন সেক্তর, ত্রেন, শিপ্পিং সেক্তর, লোং দিস্তেন্স গভর্নমেন্ত রোদ ত্রান্সপোর্ত/কোর্পোরেসন বস, ফাইয়র সর্ভিস, মেদিকেল সর্ভিস, ত্রাফিক, ইলেক্সনগী থৌওংদা শরুক য়াবগী অয়াবা পীরবা মেদিকেল পর্সোন্নেলশিংনচিংবা, অসিনা মখোয়গী ভোৎ থাদবগী হক অদুবু শিজিন্নবা ওইনা হীরম অসিগীদমক্তা শেম্লবা অখন্নবা ফোর্ম মেন্দুনা পোস্তেল বেল্লোৎকী খুত্থাংদা ভোৎ থাদবা য়াহন্নবা শেমদোকপা খরা লৈখি। হীরম অসিগা মরী লৈননা, ভারতকী গেজেত্তা ওক্তোবর ২২, ২০১৯দা মীখল পাংথোকপগী কাঙলোন, ১৯৬১দা শেমদোকপা খরা লৈরগনি হায়বা ৱারোল অমা থোক্তুনা হায়রিবা ভোতর কাঙলুপ অসিদা মথক্তা পনখ্রিবা খুদোংচাবশিং অসি ফংহনখি। মসিগী মখা তারকপা ওইনা, চহি ৮০গী মথক্তা লৈবা ভোতরশিং অমসুং নাম্মা শোয়বা মীওইশিংনা পোস্তেল বেল্লোৎকী খুত্থাংদা ভোৎ থাদবা য়াগনি। মশাগী কন্সতিত্বেন্সীগী ৱাংমদা মতম খরগী ওইবা থবক্কীদমক্তা লৈখিবা মীওইশিংনসু হায়রিবা খুদোংচাবা অসি ফংগনি।

সেদ্যুল কাস্ত অমসুং সেদ্যুল ত্রাবশিংগী ফম খাকপা

ঐখোয়গী সংবিধান শেম্বা মীওইশিং অসিনা সেদ্যুল কাস্ত অমসুং সেদ্যুল ত্রাইবকী মীওইশিং অসি চহি-চা কয়াদগী ঐখোয়গী খুন্নাই অসিদা নম্থদুনা অমসুং খুদোংচাবা কয়া মাঙদুনা লাকখি অমসুং মখোয়গী ফিভমশিংদা য়াম্না চাউনা ফগৎপগী মওং অমা লৈহন্নবা মখোয়গীদমক্তা অখন্নবা কোম্থোকপা খরা লৈফম থোকই হায়বা নীংথিজনা খঙখি। মসিগীদমক্তা, ঐখোয়গী সংবিধান্দা মখোয়গীদমক্তা খুদোংচাবা পীবগী কাঙলোন কয়া অমা হাপখি। মসিগী কাঙলোনশিং অসিগী মনুং চনবা অমদি লোক সভা অমসুং রাজ্যগী লেজিস্লেতিব এসেমব্লীদা হায়রিবা খুন্নাইগী মীওইশিংগী ফম খাকপা অসিনি। মসিগী কাঙলোনশিং অসিনা সংবিধানগী আর্তিকল ৩৩০ অমসুং ৩৩২দা মফম অমা ফংবা ঙমখি।

অহানবগী মতমদা, হায়রিবা খুদোংচাবা অসি সংবিধান অসিনা হেক হৌরকপদগী চহি ১০গী মনুং ফাওবা খক্কী ওইরম্মি। সরকারনা মতম-মতমগী মতুং ইন্না সেদ্যুল কাস্ত অমসুং সেদ্যুল ত্রাইবকী মীওইশিংগী সোসিও-ইকোনোমিক স্তেতস অসি ফগৎহন্নবা খোঙথাং কয়া অমা পায়খত্তুনা লাকখি, অদু ওইরবা ফাওবা মখোয়গী ফিভম অসি অতোপ্পা কাঙলুপ্তগী অদুমক শোত্থদুনা লৈরি। রাজনিতীগী লমদসু, মখোয়না থোক্লক্তুনা মতিক চাবা মশিংদা মাই-পাক্তুনা মখোয়গী কাঙলুপকী মীহুৎ ফাওবা ওইবা ঙমদরি। মখোয়শিং অসিনা হৌখিবা চহি ৭০ অসিদা মশক থোক্না চাউখৎপগী মওং কয়া লৈরবসু, কন্সতিত্বেন্ত এসেমব্লীদা মখোয়গী ফম খাকপগী মরমশিং অদুদি অদুমক লৈরি। মসিনা মরম ওইদুনা, মখোয়গীদমক্তা চহি ১০গী খুদোংচাবা অমা হৌরকপদা পীখিবা অসি মতমগী মতুং ইন্না শাংদোক্তুনা লক্লি। মরম অদুনা, ঐখোয়গী সংবিধানবু হৌদোক্লম্বা ইপা-ইপুশিংনা খল্লবা মখোয়বু মীয়াম পুম্নমক্কী মরক্তা চলহনবগী মঙলান অদুবু কায়দনা লৈহন্নবগীদমক্তা সরকারনা মখোয়গী মফম খাকপগী থৌওং অসি চহি ১০ অমগা, হায়বদি জনুৱারি ২৫, ২০৩০ ফাওবা শাংদোকপগী তঙাই ফদবা লৈরি হায়না খনখি। সরকারনা কন্সতিত্যুসন (১২৬শুবা শেমদোকপা) বিল, ২০১৯ অসি পার্লিয়ামেন্তকী মমাংদা হৌদোক্তুনা পনখ্রিবা মতম অসি চহি তরা ফাওবা শাংদোকহনবগী ৱাফম হৌদোকখি অমসুং মসিবু পার্লিয়ামেন্তকী হাউস অনিমক্না অয়াবা পীরবা মতুংদা রাস্ত্রপতিনসু জনুৱারি, ২০২০দা অয়াবা পীখি। হায়রিবা বিল অসি কন্সতিত্যুসন (১০৪শুবা) এক্ত, ২০২০ হায়না মিংথোনখি।

থাগী চেফোং ফোঙবা

উছতম ন্যায়ালয় নির্নয় পত্রিকা, উছন্যায়ালয় সিবিল নির্নয় পত্রিকা অমসুং উছন্যায়ালয় দন্দিক নির্নয় পত্রিকা কৌবা মথংশিৎনা সুপ্রীম কোর্ত অমসুং হাই-কোর্তকী পাউদম ওইবা ৱায়েল কয়াগী হিন্দিদা ৱাহন্থোক পীবা থাগী চেফোঙ অহুম লেজিস্লেতিব বিভাগ, বিধি সহিত্য প্রকাশন্না ফোঙখি।

সেমিনার, একজিবিসন অমসুং লাইরিক অমসুং চেফোঙ য়োনবা

মালেম শিনবা থুংনা কোবিদ-১৯গী লাইচৎ লৈখিবনা মরম ওইদুনা একজিবিসন/সেমিনার/কনফরেন্স কয়া পাংথোকখিদে। আইনগী লৈশিংবু কয়াবু হিন্দিদা শন্দোকপগী থৌওংগী স্কিমগী মখাদা, ভি.পি.এস.না লো য়ুনিভর্সিতী/কোলেজ লাইব্রেরী, জজকী লাইব্রেরী অমসুং লোগী মহৈরৈশিংদা ইন্দিয়া কোদ অসিবু লেম্না য়েন্থোকখি। জনুৱারি ১, ২০২০দগী নবেম্বর ৩০, ২০২০গী মতমগী মনুংদা বিধি সহিত্য প্রকাশন্না লুপা ১৩,৯৭,৭৬৪গী পোৎলম য়োনখি।

ইন্দিয়া কোদ ইনফোর্মেসন সীস্তেম (আই.সি.আই.এস.)

লেজিস্লেসন কয়া অমা (মপুম ওইবা অমসুং শেমদোকপা এক্তশিং) চহি খুদিংগী লেজিস্লেচরশিংনা অয়াবা পীদুনা লাক্লি অমসুং জুদিসিএরী, উকিলশিং অমসুং মীয়াম্না তঙাই ফদবগী মতুং ইন্না এক্তশিং অসি য়েংখৎলকপদা য়ুম্না অৱাবা অমা ওই। মসিগী হীরম অসি মীয়াম খুদিংনা শিজিন্নবা য়াবা এক্তশিং অসিগী অমত্তা ওইবা থমফম অমা লৈহল্লবা মতুংদা ৱারোইশিন পুরকপা ঙমগনি। মসিগী মতাংদা এক্ত কয়া অসিগী কেন্দ্রগী ওইবা থমফম অমা শেমদুনা স্তেকহোলদর খুদিংমক্না লাইনা ফংবা য়াহন্নবা অমসুং লন্নাইগী পব্লিশরশিংনা মখোয়গী থবক্নি হায়রদুনা লাইরিক ফোংদুনা অতাঙবা মমলদা য়োন্দুনা মীয়াম্বু নম্থাক তৌবগী থৌওং থোকহন্দনবা থবক পায়খৎপগী তঙাই ফদবা লৈরে হায়বা খঙখি। তসেংবদি, ইন্দিয়া কোদপু ইন্তর্নেত্তা ফংহনবগী তঙাই ফদবা লৈরিবা অসি মসিগী মরম অসিননি। হীরমশিং অসি নীংথিনা খন্নরবা তুংদা, লো অমসুং জস্তিস লেজিস্লেতিব বিভাগকী লমজিং মখাদা এন.আই.সি.না তেংবাংবগা লোয়ননা কেন্দ্র অমসুং রাজ্যগী লেজিস্লেসন খুদিংমক অসি মখোয়গী মখা তাবা লেজিস্লেসন য়াওদুনা দিজিতেলগী মওংদা থম্বগী অমত্তা ঙাইরবা মফম অমা ওইরিবা, ইন্দিয়া কোদ ইনফোর্মেসন সীস্তেম (আই.সি.আই.এস.), অসি শেমখি। মসিগী খোঙথাং অসি মীয়াম খুদিংদা আইনগী মপাঙ্গল হাপ্পা অমসুং লৈবাক অমা-প্লেৎফোর্ম অমগী পান্দম ফংবগী য়াম্না মরু ওইরবা থৌওং অমনি। মসিগী পথাপ অসিগী মপুং ওইবা পান্দমদি ভারতকী এক্ত অমসুং লেজিস্লেসন খুদিংবু খ্বাইদগী অনৌবা অমসুং অপদেৎ তৌরবা ফোর্মেত্তা মীয়াম, উকিল, জজ অমসুং মসিদা থৱাই য়াওবা অতোপ্পা কাঙলুপশিংনা তঙাই ফদবা মতমদা মফম অমত্তদা ফংহনবা অসিনি। হৌজিক ফাওবগী ওইনা, ইং ১৮৩৮দগী ২০২০ ফাওবগী সেন্ত্রেল এক্ত অপুনবা ৮৫৭ অসি মীয়াম্না শিজিন্নবা হায়দুনা আই.সি.আই.এস.তা অপলোদ তৌরে।

****