শক্নাইরবা ফিজিওলোজিস্ত অমসুং স্পোর্তস সাইন্স এক্সপার্ত দাঃ জেনাদিজুস সোকোলোভাসনা সি.এ.সি. বেঙ্গলোরনা চহি অসিগী জানুৱারী ১১দগীনা ফেব্রুৱারীগী ২১ ফাওবা পাংথোক্কদবা নেস্নেল শ্বীম্মিং কেম্পতা লাক্কদৌরি। মহাক্না লাকপা অসিদা সেনিয়র নেস্নেল কেম্পরশিংগী ত্রেনিং অমসুং শেম-শাবদা হেন্না চাওখৎপা অমা পুরক্লগনি হায়না আসা তৌনরি। অমসুং তি.ও.পি.এস.কী শ্বীম্মরশিং মদুদি শ্রীহরি নাতরাজ, কুশাগ্রা রাৱাত অমসুং মিহির অন্ব্রে মখোয়না মালেমগী ওইনা শক্নাইরবা এক্সপার্ত অসিদগী খুদোংচাবা কয়া অমা ফংলগনি।

দাঃ সোকোলোভাস য়ু.এস.এ. শ্বীম্মিং ফেদেরেসনগী ফিজিওলোজি অমসুং স্পোর্ত সাইন্স দিপার্তমেন্তকী চহি ৮ মকোক ওইদুনা লাক্লি অমসুং য়ু.এস. স্বীম্মর, ৱাতর পোলোগী শান্নরোই অমসুং ত্রাইএথেলেৎসশিংবু য়েংশিল্লি। শক্নাইরবা রিসর্স মেথোদোলোজি দাঃ সোকোলোভাসনা মকোক চিংলিবা শ্বীম্মর লোয়ননা ২৮লক ওলেম্পিক মেদালিস্ত ওইরিবা মাইকেল ফেলপ য়াওনা খন্নবা কয়া অমা ফংলি।  

মহাক্না লাক্কদৌরিবা ২০২১গী ফেব্রুৱারীগী ২দগী ৭ফাওবদা মখাগী পান্দমশিং অসি ফংগনি:

১. শ্বীম পাৱর তেস্ত

২. লেক্তেৎ ক্লিয়ারেন্স সেস্ত

৩. লেক্তেৎ হার্ত প্রোফাইল

৪. সিজনেল ত্রেন্নিং দিজাইন

৫. কোচেস ৱার্কশোপ

মহাক্না লাকপা অসিদা শ্বীম্মর খক্তা নত্তনা কোচশিং অসিসু তেক্নোলোজি শিজিন্নদুনা ত্রেন্নিংশিং অসি চাওখৎপা অমসুং এথেলেৎশিংগীদমক তুং-কোইবা থৌরাং কয়া অমা ফংলগনি।

শ্বীম্মিং ফেদেরেসন ওফ ইন্দিয়াগী সেক্রেতরী জেনেরেল, মোনাল চোকশিনা সোকোলোভাসবু কেম্প অসিদা পুরকপগীদমক হরাওবা ফোংদোক্লি অমসুং শ্বীম্মরগীদমক তুং-কোইনা চাওখৎপদা মতেং ওইরগনি হায়না আসা তৌরি অমসুং মহাক্না হায়খি মদুদি, “ঐহাক্না এস.এ.আই.বু এস.এফ.আই.গী হায়জবা তাবিদুনা মালেমগী ওইনা ময়াম্না থাগৎনরিবা স্পোর্তস সাইন্তিস্ত দাঃ জেনাদিজুস সোকোলোভাসগুনাব অমা ইন্দিয়া পুবিরকপা অসি অদুক্কী মতিক থাগৎপা ফোংদোকচরি। খোঙচৎ অসিদা পুরক্লিবা পাওজেল অসিনা ইন্দিয়াগী শ্বীম্মরশিংদা অওনবা অমা পুরক্তুনা ঐখোয়গী হেন্না থোইনা ফরবা শ্বীম্মরশিংদা মালেমগী ওইবা থাক্তা স্পোর্ত সাইন্সকীদমক মতেং ওইরগনি অমসুং ২০২৪ অমদি ২০২৮অসিগীদমক অফবা শান্নরোই পুথোকপা ঙম্লগনি।    

দাঃ জেনাদিজুস সোকোলোভাসনা লাক্লিবা অসি অপুনবা লুপা লাখ ৮.৭৮ চংগদৌরি অমসুং মসিনা ওলেম্পিক পোদিয়ম স্কীমগী পান্দম থম্লিবা অসিনা কোনগনি। হায়রিবা অসিদা প্রোফেসনেল চার্জ, এয়রফিয়র, লৈবগী, ভিজা অমসুং চৎথোক-চৎশিনশু য়াওরি।

*******