দি এগ্রিকলচরেল এন্দ প্রোসেস ফুদ প্রদক্তস এক্সপোর্ত দেবেলপমেন্ত ওথোরিতী (এ.পি.ই.দি.এ.)না আই.এফ.এ.দি.না ফন্দ পীথবা এক্সতর্নেলী এদেদ প্রোজেক্ত অমা ওইরিবা অন্ধ্র প্রদেশ দ্রাউৎ মিতিগেসন প্রোজেক্ত (এ.পি.দি.এ.পি.)গা লোইননা মার্কেতিংগী মরীশিং থম্নবা মিলেৎ এক্সপোর্তরশিং অমসুং মিলেৎকী এফ.পি.ও.শিংগা লোইননা ভর্চ্যুএল বায়র সেলর মীৎ অমা পাঙথোকখ্রে।

মিলেৎশিং এক্সপোর্ত তৌবা অমসুং মিলেৎ প্রদক্তশিং পুথোকপা হেনগৎলকপা অমদি সরকারনা ন্যুত্রি সিরিএলগী মিলেৎ সেক্তর চাউখৎহন্নবা মীৎয়েং থম্লিবা অসি য়েংলগা এ.পি.ই.দি.এ.না মিলেৎশিং অমসুং মিলেৎকী প্রদক্তশিং পুথোকপা হেনগৎহন্নবা চহি মঙাগী প্লানিং অমা থম্নবা ইন্দিয়ন ইন্সতিত্যুত ওফ মিলেৎ রিসর্চ (আই.আই.এম.আর.) অমসুং নেস্নেল ইন্সিতিত্যুত ন্যুত্রিসন, সি.এফ.তি.আর.আই. অমসুং ফার্মর প্রদ্যুসর ওর্গনাইজেসনশিং (এফ.পি.ও.শিং)গুম্বা অতোপ্পা স্তেকহোল্দরশিংগা লোইননা কুপ্না ৱারী শাখ্রে। ফমপাক অসিনা এক্সপোর্তরশিং অমসুং এফ.পি.ও.শিং অসি মখোয় মশেল প্রদক্তশিং সপ্লাই তৌবা অমসুং পুথোকপগী মতাংদা ৱারী শাজনবা খুদোংচাবা অমা ফংহনখ্রে।

এ.পি.ই.দি.এ.না পান্দম অসি অকক্নবা মতমগী মনুংদা ফংবা ঙম্নবা মথৌ তাবা থবকশিং মরী লৈনবা স্তেকহোল্দরশিংনা লৌখৎপা ঙম্নবা মিলেৎকী এক্সপোর্ত তৌবা অমসুং মিলেৎকী প্রদক্তশিং পুথোকপা হেনগৎহন্নবা চহি মঙাগী মতমগী ওইবা এক্সন প্লান অমা মদুদি ২০২১-২০২৬ ফাওবগী ওইনা শেম্নবা হোৎনরি।

ওর্গানিক মিলেৎ ক্লস্তরশিং খাইদোক্নবা অমসুং লৈবা য়োনবগী থবক-থৌরমগী ৱারী শান্ননবা অমসুং ভারতকী মিলেৎ অসি প্রমোৎ তৌনবা অনৌবা পতেন্সিএল লৈবা ইন্তরনেস্নেল মার্কেৎশিং খঙদোক্নবগীদমক্তা, মিলেৎকী এফ.পি.ও.শিং অমসুং এক্সপোর্তরশিং এ.পি.ই.দি.এ.না দেবেলপ তৌবা ফার্মর কন্নেক্ত পোর্তেলদা রেজিস্ত্রেসন তৌনবা মখা তানা হোৎনগনি।

চহি খরা অসিদা তোঙান তোঙানবা লৈবাকশিংদা মিলেৎ নৌহৌননা শীজিন্নবা হেনগৎলকপা অসিনা লৈবাক অসিগী মনুংদা লোইননা এক্সপোর্তকীদমক্তা প্রদক্ত অসিগী গ্রোথ হেনগৎহনবদা মতেং পাংলি।

প্রোগ্রাম অসিদা দা. এম. অঙ্গামুথু, চিয়রমেন এ.পি.ই.দি.এ, শ্রী ঐচ. অরুন কুমার, কম্মিসনর এগ্রিকলচর, অন্ধ্র প্রদেশকী সরকার, শ্রী জি. বিনাইচান্দ, সি.ও.ও., এ.পি.দি.এম.পি., এ.পি.ই.দি.এ. অমসুং এ.পি.দি.এম.পি.গী মকোক থোংবা ওফিসিএলশিং, মিলেৎকী এফ.পি.ও.শিং অমসুং এক্সপোর্তরশিংনা শরুক য়াখি।

মিলেৎ অসি ন্যুত্রি-সিরিএলশিং ওইনা অয়াম্বনা খঙনবা অপীকপা মরু পানবা নাপীশিং খাইদোক্লিবা মীয়াম্না খঙনবা ৱাহৈ অমনি, মসিদা সোর্ঘম, পর্ল মিলেৎ, রাগি, স্মোল মিলেৎ, ফোক্সতেল মিলেৎ, প্রোসো মিলেৎ, বর্নয়ার্দ মিলেৎ, কোদো মিলেৎ অমসুং অতোপ্পা মিলেৎশিং য়াওরি। মিলেৎশিং অসি মহৌশানা অপীকপা মরু পানবা সিরিএল ক্রোপশিংনি অমসুং ন্যুত্রিতিব ভেল্যু ৱাংবগীদমক্তা খঙনৈ।

****