ই.-গভর্নেন্সকী মাইকৈদা খোঙ্কাপ অমা থাংজিনবা অমসুং মীয়াম্বু স্তেকহোলদর ওইনা শরুক য়াহন্দুনা তেক্স থীদবগী থৌওংবু হন্থহন্নবগীদমক্তা পুক্নিং থৌগৎপা ওইনা, সেন্ত্রেল বোর্দ ওফ দাইরেক্ত তেক্সনা বিভাগ অসিগী ই.-ফাইলিং তৌনবা ৱেবসাইৎ অসিদা তেক্স থীদবা, মীরমদা লৈবা হায়দোক্তবা এসেৎশিংগা লোয়ননা বেনামী প্রোপর্তীগী মতাংদা ৱাকৎলকপশিং লৌশিন্নবা অমসুং ৱারোইশিন পীনবা ওতোমেতেদ অমসুং দেদিকেতেদ ই.-পোর্তেল অমা লোঞ্চ তৌখ্রে।

মীয়াম্না হৌজিক্তি বিভাগ অসিগী ৱেবসাইৎ অসিদা পীরিবা ই.-ফাইলিংগী লিঙ্ক https://www.incometaxindiaefiling.gov.in/ অসিগী ‘তেক্স থীদবা/মীরমদা লৈবা তাকথোক্তবা এসেৎ/বেনামী প্রোপর্তীগী কমপ্লেন্ত ফাইল তৌফম’ হায়বা হেদিং অসিগী মখাদা তেক্স থীদবগী পেতিসন ফাইল তৌবা য়ারগনি। মসিগী খুদোংচাবা অসিনা পি.এ.এন./আধার পায়রিবা মীওইশিংগা লোয়ননা পি.এ.এন./আধার পায়দবা মীওইশিংনসু ৱাকৎপা য়াহনগনি। ও.তি.পি.দা য়ুম্ফম ওইবা মীওই মশক খঙদোকপগী থৌওং (মোবাইল নত্ত্রগা ই.-মেলদা) পাংথোক্লবা তুংদা, ৱাকৎলিবা মীওই অসিনা ইনকম তেক্স এক্ত, ১৯৬১, ব্লেক মনী (মীরমদা লৈবা তাকথোক্তবা এসেৎ অমসুং চাগা) ইম্পোজীসন ওফ তেক্স এক্ত, ১৯৬১ অমসুং প্রিভেন্সন ওফ বেনামী ত্রাঞ্জেক্সন এক্ত (শেমদোকখিবগী মতুং ইন্না) অসিবু ইন্দবগী মতাংদা হীরম অসিগীদমক্তা শেম-শারবা তোঙান-তোঙানবা ফোর্ম অহুমদা ৱাকৎপা য়াগনি।

ৱাকৎপগী থৌওং অসি মাই-পাক্না পাংথোক্লবা তুংদা বিভাগ অসিনা ৱাকৎ খুদিংগী ওইনা তোপ-তোপ্পা নম্বর অমা পীগনি অমসুং ৱাকৎলিবা মীওই অসিনা মসিগী হৌজিক্কী ওইরিবা থাকশিং অসিবু বিভাগ অসিগী ৱেবসাইত্তা য়েংবা য়াগনি। মসিগী ই.-পোর্তেল অসি ইনকম তেক্স বিভাগ অসিনা ই.-গভর্নেন্সকী থৌওংবু মপাঙ্গল কনখৎহন্নবা হোৎনরিবা অসিগী মরক্তা বিভাগ অসিগা পাউ ফাওনবা লাইহন্নবা পায়খৎপা অতোপ্পা খোঙথাং অমনি।

****