শেল-থুম মন্ত্রালয়

কেরলানা ইজ ওব দুইং বিজিনেস রিফোর্মশিং মপুং ফাবা ৮শুবা রাজ্য ওইরে; অহেনবা লুপা করোর ২,৩৭৩ পুবগী অয়াবা পীখ্রে

হৌজিক ফাওবদা রাজ্য ৮দা ইজ ওব দুইং বিজিনেস রিফোর্মশিং পায়খৎনবগীদমক লুপা করোর ২৩,১৪৯ পুবগী অয়াবা পীখ্রে

Posted On: 13 JAN 2021 1:22PM by PIB Imphal

কেরলানা দিপার্ত্মেন্ত ওব এক্সপেন্দিচর, শেল থুম মন্ত্রালয়না শেমখিবা "ইজ ওব দুইং বিজিনেস" রিফোর্মশিং মায় পাক্না পায়খৎপা রাজ্য ৮শুবা ওইরে। অসুম্না রাজ্য অসি হৌজিক্তি ওপন মার্কেৎ বোরোইংগী মখাদা লুপা করোর ২,৩৭৩গী অহেনবা শেল থুম থাদবা য়ারে। হায়রিবা অসিমক য়াবগী অয়াবা অসি দিপার্ত্মেন্ত ওব এক্সপেন্দিচরনা জনুৱারী ১২, ২০২১দা পীখিবনি। কেরলাসু হৌজিক্তি অতোপ্পা রাজ্য তরেৎকী মনুংদা চনবা ঙম্লে, রাজ্যশিং অদুদি, অন্ধ্র প্রদেশ, কর্নাতাকা, মধ্য প্রদেশ, ওরিশা, রাজস্থান, তমিল নাদু অমসুং তেলঙ্গানানি, হায়রিবা রাজ্যশিং অসিনা রিফোর্ম অসি মপুং ফানা লোইশিনখ্রে। ইজ ওফ দুইং বিজিনেস রিফোর্ম মায় পাক্লবা মতুংদা, হায়রিবা রাজ্য নিপান অসিদা অহেনবা শেনফম লুপা করোর ২৩,১৪৯ পুবা য়াবগী অয়াবা ফংখ্রে। রাজ্যগী ওইনা পুবা য়ারবা শেনফমশিং মখাদা পীরিঃ

সেরিএল নম্বর

রাজ্য

শেনফম (লুপাদা)

১.

অন্ধ্র প্রদেশ

২৫২৫

২.

কর্নাতাকা

৪৫০৯

৩.

কেরলা

২২৬১

৪.

মধ্য প্রদেশ

২৩৭৩

৫.

ওরিশা

১৪২৯

৬.

রাজস্থান

২৭৩১

৭.

তমিল নাদু

৪৮১৩

৮.

তেলঙ্গানা

২৫০৮

 

ইজ ওব দুইং বিজিনেস হায়বসি লৈবাক অসিদা ইনভেস্তরশিংগা মরুপ মপাং ওইদুনা লল্লোন ইতীক্কী থবক পায়খৎপা য়াই হায়বগী খুদম অমনি। ইজ ওব দুইং বিজিনেস্তা ফগৎপনা রাজ্যগী শেন্মিৎলোন্দা ফগৎহনগনি। মরম অসিনা ভারত সরকারনা মে ২০২০দা ইজ ওব দুইং বিজিনেস ফগৎনবা রিফোর্মশিং পায়খৎনবা হোৎনরিবা রাজ্যশিংদা অহেনবা শেনফম পুবা য়াবগী অয়াবা পীখিবনি। রিফোর্মশিং অসি মখাগী কাংলুপশিং অসিদা খায়দোক্লিঃ

(১) 'দিস্ত্রিক্ত লেবেল বিজিনেস রিফোর্ম এক্সন প্লান'গী অহানবা এসেসমেন্ত মপুং ফাবা।

(২) তোঙান-তোঙানবা এক্তশিংগী মখাদা বিজিনেসশিংনা সর্তিফিকেৎ/এপ্রুবেল/লাইসেন্সশিংগী রেজিস্ত্রেসনগী রিন্যুএলগী তঙাইফদবা কোকপা

(৩) কম্প্যুতর শীজিন্নরবা সেন্ত্রেল রেন্দম ইন্সপেক্সন সিস্তেম অমা এক্তশিং অসিগী মখাদা ইন্সপেক্তরশিং থাবগী থবকনা সেন্ত্রেলনা তৌনবা পায়খৎপা, হায়রিবা ইন্সপেক্তর অসি থংনবা চহীদা হায়রিবা য়ুনিৎ অসিমক্তদা লৈহন্দবা, ইন্সপেক্সনগী নোতিস্কী মাংজৌননা কর্বার ৱালাশিংদা খঙহনবা অমসুং ইন্সপেক্সন রিপোর্ত অদুবু ইন্সপেক্সনগী পুং ৪৮গী মনুংদা থাগৎপা।

কোবিদ-১৯ লাইচৎনা পীরিবা খুদোংচাদবশিং কোক্নবগী তঙাইফদবা রিসোর্সশিং য়েংদুনা, ভারত সর্কারনা মে ১৭, ২০২০দা রাজ্যশিংনা পুবা য়াবগী অরোইববু মখোয়গী জি.এস.দি.পি.গী চাদা ২ হেনগৎহনখি। হায়রিবা অখন্নবা কাইথরিবা শেনফম অসিগী তংখাই অমদি রাজ্যশিংনা নাগরিকশিংগীদমক খনবা থবকশিংদা শম্নগনি। নাগরিকশিংগীদমক খনবা রিফোর্ম মরিদিঃ (অ) লৈবাক অমা রাসন কার্দ অমগী পথাপ হৌদোকপা, (আ) ইজ ওব দুইং বিজিনেস রিফোর্ম (ই) অর্বান লোকেল বোদী/য়ুতিলিতী রিফোর্মশিং অমসুং (ঈ) পাৱর সেক্তর রিফোর্মশিংনি।

হৌজিক ফাওবদা রাজ্য ১০দা লৈবাক অমা রাসন কার্দ অমগী চৎনবী হৌদোকখ্রে, রাজ্য ৮না ইজ ওব দুইং বিজিনেস রিফোর্ম পায়খৎখ্রে, অমসুং রাজ্য ৪না লোকেল বোদী রিফোর্ম পায়খৎখ্রে। রিফোর্মশিং অসিবু পায়খৎখ্রবা রাজ্যশিংদা কাইথখ্রবা অপুনবা অহেনবা পুবা য়াবগী অয়াবনা লুপা করোর ৫৬,৫২৬ ওইরে।

******



(Release ID: 1688232) Visitor Counter : 92