ইনকম তেক্স বিভাগনা অসমগী শক্নাইরবা দাক্তর/মেদিকেল প্রোফেস্নেলশিংগী কেসকী মতাংদা ৮/১/২০২১দা থীবা-হুম্বা অমসুং সর্ভে এক্সনগী থৌওংশিং চত্থখ্রে। থীবা-হুম্বগী থবকশিং অসি অসমগী গুৱাহাতী, নালবারী অমসুং দিব্রুগরগী মফম ২৯দা চত্থখি।

কাঙলুপ অসিগী মথক্তা শীরিবা মরালদি মখোয়না মখোয়গী মেদিকেল রীসিপশিং, মশাগী অমসুং মখোয়গী হোস্পিতাল অমসুং নর্সিং হোম, দাইগ্নোস্তিক সেন্তর অমসুং ফার্মাস্যুতিকেল কারবারশিংগী ওইনা, অসি য়াম্না চাউনা শেমদোক্লে হায়বা অসিনি।

থীবা-হুম্বা অমসুং ফাবগী থৌওংশিং অসিগী মনুংদা, কাঙবুশিং অসিনা চেদা ইদনা শেল লৌবগী থৌওং চত্থৈ হায়বা খঙখি। মেদিকেল প্রোফেস্নেলশিং অমসুং হোস্পিতাল/ক্লিনিকশিংনা মখোয়গী তর্ন-ওভর য়াম্না হন্থনা উৎলে তাকপা চে-চাং কয়া অমসুং শেল ফংবগী রিসিপ কয়া অমা ফংবা ঙমখি। কেস খরদদি তর্ন-ওভর হন্থনা উৎলম্বগী চাং অসি লুপা করোর ৫০-৬০ ফাওবগী মনুংদা লৈবসু য়াওখি। মখা তাবা ওইনা, মেদিকেল/ফার্মাগী কারবারশিংদা অপুনবা শেন্দোংগী চাংসু য়াম্না নেম্না উৎলম্বা থেংনখি।

বিভাগ অসিনা তোঙান-তোঙানবা মেদিকেল প্রোফেস্নেল কয়াগী ময়ুম অমসুং কারবারগী মফমশিংগা লোয়ননা মরী লৈনবা অতোপ্পা কারবারগী মফমশিংদগী চাউরাক্না লুপা করোর ৭.৫৪গী শেনফমসু ফাগৎপা ঙমখি অমসুং মসিগী মনুংদগী লুপা করোর ১.৭৬তি অসমগী লাপ্না লৈবা নালবারীদগী ফাগৎখি। ফাগৎলিবা শেমশিং অসিগী মরী মখোঙ খঙদনা তোঙান-তোঙানবা হোস্পিতাল অমসিং মেদিকেল প্রোফেস্নেলশিংগী মফমদা লৈরম্বনি। শেল থিদুনা লৈখিবা য়াম্লবা লম/লেঙবা য়াদবা এসেৎশিংগী য়াম্লবা চে-চাং কয়া অমসু ফাগৎখি। চাউরাকপা লুপা করোর ২০ লোমগী শেম্ফম কয়া লেংবা য়াদবা এসেৎশিংদা থাদখিবগী মতাংদা খুৎনা ইবা চেরোল/দাইরীনচিংবা কয়া অমসু ফাগৎখি। মসিদগী তাল্লকপা শেম্ফমশিং অসিনা অনৌবা হোস্পিতাল শাবা, নর্সিং হোম নৌনা শাগৎপা অমসুং তাকথোক্তবা এসেৎ কয়া লৈশিনখি হায়বসু খঙবা ঙমখি।

একাউন্ত তৌবগী শিজিন্নবা বুক অদুদা য়াওদবা কচ্চা কেস রিসিপ অমসুং শেল শিজিন্নবগী য়াম্লবা খুদম কয়া অমসু থীবা-হুম্বগী মনুং অসিদা খঙবা ঙমখি। অসিগুম্বা থৌদোম অমদদি, লুপা করোর ২০ রোমগী শেনফম অমদি মরী-মখোঙ খঙদনা লৈরম্বা থেংনখি।

মখা তাবা ওইনা, মেদিকেল ক্লিনিকশিংনা এক্সেল অমসুং হার্দ-দিস্কতা নোঙমগী ওইবা রিসিপ কয়া শেন্নবগী ইশিনবা কয়া অমা একাউন্তকী বুক্তা চঙলমদবসু থেংনখি। অতোপ্পা এসেসী অমগী মতাংদদি, চহি অমদা চাউরাক্না লুপা করোর ১৫-২০ ফংখিবা অদু মহাক্কী ওদিৎ তৌরবা বুক্তা লুপা করোর ৫ খক্তমক ফংই হায়না উৎলম্বসু থেংনখি। মরম অদুনা, মসিগী এসেসী অসিগী মতাংদদি, মহাক্না চহিগী ওইনা লোৎলিবা শেনফম অসি লুপা করোর ১০-১৫ ওইবা য়াই।

মসিগী থীবা-হুম্বা অমসুং ফাবগী থৌওং অসিদা অপুনবা ওইনা লুপা করোর ১০০দগী হেনবগী তাকথোক্তনা শেল থাদবা/রিসিপ/চাদিং তৌবগী থৌওং কয়া খঙবা ঙমখি।

মখা তানা থীবা-হুম্বগী থবক চত্থরি।

****