ইনকম তেক্স দিপার্তমেন্তনা ০৭.০১.২০২১দা শাশিন্নবা ইনপুৎ তেক্স ক্রেদিৎ পী হায়বগী চিংনবা লৈবা ইঙ্ক্বারীশিংগা লোইননা শাশিন্নবা সব-কন্ত্রেক্তর/শেল এন্তাইতীশিংদা য়ুম্ফম ওইরগা থিব-হূম্বা অমসুং ফাগৎপগী থবকশিং চত্থখি।

থিব-হূম্বগী থবক অদু শাশিন্নবা সব-কন্ত্রেক্তর অমসুং শাশিন্নবা বিল্লরশিং শীজিন্নদুনা শেল কাইথবা তেলঙ্গানাদা থবক শুবা মশক নাইবা সিবিল কন্ত্রেক্তর অমগী মথক্তা চত্থখি। থিব-হূম্বগী থবক অদু হায়দরবাদতা লৈবা মফম ১৯দা চত্থখি। শিব-হূম্বগী থবক অদুদা অরানবা বিলশিং শীজিন্নদুনা অচৌবা শেনফম কয়া কাইথোক্লিবা অমসুং চংথোক চংশিন য়াহনবা অরানবা থবক তৌবা মীওই কয়া অমসু খঙদোকপা ঙমখি।

থিব-হূম্বগী থবক চত্থরিবা এন্ত্রী ওপরেতরশিং অসিনা মশিং থারোইদবা শেল অমসুং শাশিন্নবা বিল শীজিন্নদুনা ইনপুৎ তেক্স দ্রেদিৎ (আই.তি.সি.) পাস থৌহন্দুনা শেল লৌথোকপগী থবক তৌহল্লিবা সেল এন্তাইতী/ফার্ম কয়া শীজিন্নরমখি। অসিগুম্বা এন্ত্রী ওপরেতরশিং, মখোয়গী শাশিন্নবা খোঙলোই/এমপ্লোইয়ীশিংগী স্তেৎমেন্ত, কান্নবা ফংলিবশিংগী শেল পায়রিবশিংসু অপুনবা শেলগী লম্বীশিং য়েংশিনবগা লোইননা রেকোর্দ তৌখি।

থিব-হূম্বগী থবক অদুনা মরক্তা লৈবা সেল এন্তাইতীশিংগী থোঙদা শাশিন্নবা সব-কন্ত্রেক্তশিং পীরে হায়বগী খুদমশিং ফাগৎপা ঙমখি। এন্ত্রী ওপরেতর, ইন্তর্মেদিয়ারী, কেস হেন্দলর, কান্নবা ফংগদবা মীওই অমসুং ফার্ম অমসুং কম্পেনীশিং য়াওনা অসিগুম্বা থৌওং শীজিন্নদুনা অচৌবা মরম চাদবা শেল কয়া কাইথোক্লে হায়বগী খুদম চাংদম কয়া ফংবা ঙমখি। পেন দ্রাইব, ফাগৎলবা ই-মেল য়াওনা দিজিতেল দেতাশিং ফোরেন্সিক এনালাইসিস তৌবা মতমদা অসিগুম্বা থৌওং চত্থবগী খুদমশিং ফংবা ঙমখি।

হৌজিক ফাওবদা, লুপা করোর ১৬০ রোমগী এন্ত্রীশিংগী খুদম চাংদম পীগদবা চে-চাংশিং ফংলে অমসুং ফাগৎলে। এসেসী কম্পেনীনা হায়রিবা অসিমক মখোয়গী স্তেৎমেন্ততা য়াজবগী ৱারোল থমখ্রে।

মখা তাবা থিব-হূম্বগী থবক চত্থরি।

******