হ্যুমেন রিসোর্স চাউখৎ-থৌরাংগী মন্ত্রালয়
পি.এম.না ২শুবা নেস্নেল য়ুথ পার্লিয়ামেন্ত ফেস্তিবেলগী লোইশিনবগী থৌরমদা ৱা ঙাংখ্রে
ন্যু এজুকেসন পোলিসীনা অফবা মীওই অমা ওইহনবদা মীৎয়েং থম্লি: পি.এম.
পি.এম.না নহাশিংদা নেস্নেল এজুকেসন পোলিসী- ২০২০না ফংহল্লিবা ফ্লেক্সিবিলিতী অমসুং ইন্নোবেতিব লর্নিং ফোর্মেৎকী কান্নবা লৌনবা হায়খ্রে
Posted On:
12 JAN 2021 5:20PM by PIB Imphal
প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সিংগী থোংদা অনিশুবা নেস্নেল য়ুথ পার্লিয়ামেন্ত ফেস্তিবেলগী লোইশিনবগী থৌরমদা ৱা ঙাংখ্রে। থৌরম অসি সেন্ত্রেল হোলদা পাঙথোকখি অমদি প্রধান মন্ত্রীনা ফেস্তিবেল অসিদা নহা ওইরিবা নেস্নেল ৱিনর অহুমনা ফোঙদোকখিবা ৱাখল্লোনসু তাখি। থৌরম অসিদা লোক সভাগী ৱাঙাংলোই শ্রী ওম বির্লা, কেন্দ্রগী এজুকেসন মন্ত্রী শ্রী রামেশ পোখ্রিয়ল ‘নিশঙ্ক’ অমসুং য়ুথ এফির্স অমসুং স্পোর্তসকী কেন্দ্রগী এম.ও.এস.(আই/সি) শ্রী কিরেন রিজিজুনা শরুক য়াখি।
প্রধান মন্ত্রীনা নহা ওইরিবা পার্লিয়ামেন্তরিয়নশিংদা ৱা ঙাংলদুনা মখোয়দা অমসুং লৈবাক অসিগী নহাশিংদা নেস্নেল এজুকেসন পোলিসী- ২০২০না ফংহল্লিবা ফ্লেক্সিবিলিতী অমসুং ইন্নোবেতিব লর্নিং ফোর্মেৎকী কান্নবা লৌনবা হায়খ্রে। লৈবাক অসিদা ইকোসিস্তেম অমা শেমগৎনবা হোৎনরি মসি য়াওদবনা অয়াম্বা মতমদা নহাশিংনা মপাল লৈবাক্তা চৎহনখি, মফম অদুদা হেন্না ফবা এন্তর্প্রাইস, খুদোংচাবশিং, শক খঙবিবা অমসুং ইজৎ ফংহনখি হায়না প্রধান মন্ত্রীনা ফোঙদোকখ্রে।
স্বামী বিবেকানন্দবু মহাক্কী মপোক কুমওন্দা নীংশিংলদুনা, প্রধান মন্ত্রীনা হায় মতমগী খোঙচৎকা ইরোইননা, ঐখোয়গী লৈবাক অসিদা স্বামী বিবেকানন্দগী শাফু অমসুং ইথিল অদুমক লেংদনা লৈরি। মহাক্কী লৈবাক নীংবগী অমদি লৈবাক শেমগৎপগী ৱাখল্লোন অমসুং মহাক্না মীয়ামগী থৌগৎ অমদি মালেমগী থৌগৎ তৌবগী মতাংদা তাকপী রম্বীরম্বা অসিনা ঐখোয়বু মখা তানা ইথিল পীরি। প্রধান মন্ত্রীনা স্বামীজীনা ইন্দিবিজ্যুএল অমদি ইন্সিতিত্যুসনদা শরুক তমখিবগী মতাংদা ৱা ঙাংখি। ইন্দিবিজ্যুএলশিংনা স্বামী ইবেকানন্দগা নকশিন্নখি অমদি ইন্সিতিত্যুসনশিং শেমগৎখি অমসুং মখোয়না অমুক অনৌবা ইন্সিতিত্যুসন-বিল্দরশিং শেমগৎখি। অসুম্না লোইবা নাইদ্রবা সাইকল অমদা ইন্সিবিজ্যুএল দেবেলপমেন্তদগী ইন্সিতিত্যুসন-বিল্দিং অমসুং ভাইস-ভর্সা হৌখি।
কেন্দ্রগী এজুকেসন মন্ত্রী শ্রী পোখ্রিয়লনা স্বামী বিবেকানন্দনস নহাশিং অসি লৈবাক অমা হেক্তগী ওইনা খ্বাইদগী অচৌবা পাঙ্গলনি অমদি লৈবাক অদুগী তুংলমচৎ অসি নহাশিংনা শেম্মী হায়বা পাউজেল অদু নৌহৌনা নীংশিংখি। নহাশিংনা দেমোক্রেতিক্কী সিস্তেমদা মরু ওইবা থৌদাং অমা লৌরি হায়না ফোঙদোক্লদুনা মহাক্না মীপুম খুদিংদা স্বামী বিবেকানন্দগী ৱাখল্লোনশিং অমসুং মমল নাইদ্রবা পাউতাকশিং অদু মখোয়গী পুন্সিদা শীজিন্নদুনা মথৌ মশক খঙবা প্রজা ওইনবা অমসুং লৈবাক শেমগৎপদা শরুক য়ান্নবা অপাম্বা ফোঙদোকখি।
শ্রী পোখ্রিয়লনা হায় মালেমদা খ্বাইদগী চাওনা দেমোক্রেসী চৎলিবা ভারতনা ঐখোয়গী কন্সতিত্যুসন্দগী থৌনা ফংলি, সমাজগী খ্বাইদগী শোত্থরবা মীওইবু এম্পাৱর তৌনবা লম্বেল শেম্লি। মহাক্না হায় প্রিএম্বল অসি ঐখোয়গী কন্সতিত্যুসনগী খ্বাইদগী মরুওইবা শরুক অমনি। প্রিএম্বলগী অহানবা ৱাহৈ অসি ‘ৱী” হায়বদি “ৱী দি পিপল ওফ ইন্দিয়া”নি। মহাক্না হায় মসিগী ৱাহৈ পরেং অসি ভারতকী সমাজদা মরা তাখ্রে মরৈবাক নিংবগী ৱাখলোন অমদা সমাজ অসিবু পুন্না পুনসিল্লি।
মহাক্না নহাশিংদা মখোয়গী অকনবা পাঙ্গল, অনিংবা, অপাম্বশিং শিজিন্নদুনা লৈবাক অসিগী তুংদা ওইরক্কদবা মওং মতৌ শেম্বদা অচৌবা থৌদাং লৌবীয়ু হায়না অপিল তৌখি। মহাক্না হায় “তৌবা ঙম্বা প্রধান মন্ত্রী শ্রী নরেন্দ্র মোদীগী লুচিং মখাদা ২১শুবা চহিচাগী নহাশিংনা স্বার্নিম ভারতকী অচেৎবা য়ুম্ফম থোনবা ঙম্লগনি হায়না ঐহাক্না থাজৈ।
ঙসি নেস্নেল য়ুথ পার্লিয়ামেন্ত ফেস্তিবেলদা পি.এম.না থমখিবা ৱারোলদা এজুকেসনগা মরী লৈনবা অতেনবা ৱারোলশিং মখাগী অসিদগী ফংবীগনি:https://pib.gov.in/PressReleseDetail.aspx?PRID=1687901
******
(Release ID: 1687989)
Visitor Counter : 109