হকশেল অমসুং য়াইফ-য়ুম্বাল মন্ত্রালয়

ভারতনা থা ৭কী মনুংদা অনৌবা কেস মশিং খ্বাইদগী য়ামদনা থেংনখি; হৌখিবা পুং ২৪দা মীওই ১২,৫৮৪ পোজিতিব ওইবা থেংনখি

স্তেত/য়ু.তি. ২৫দা হৌজিক নারিবা মীশিং ৫০০০দগী হন্থনা লৈরি

য়ু.কে. মখলগী কোবিদনা নাবা থেংনখিবা অপুনবা মীশিং ৯৬ ওইরি; হৌখিবা পুং ২৪দা অনৌবা মশিং হাপচিল্লকখিদে

Posted On: 12 JAN 2021 2:09PM by PIB Imphal

মালেমগী লাইচৎ অসিগী মায়োক্তা থেংনরিবা লান্থেং অসিদা ভারতনা মরুওইবা মায় পাকপগী য়ুম্বী অমা লান্থোক্লে‍। নুংতিগী নৌনা নারকপা মীশিং ঙসি খ্বাইদগী হন্থনা থেংনখি‍।

থা তরেৎলোমগী মতুংদা হৌখিবা পুং ২৪সিদা নৌনা নারকপা মীশিং ১২,৫৮৪ লৈবাক্কী মশিংদা হাপচিল্লকখি‍। জুন ১৮, ২০২০দা নোংমদা নৌনা নারকখিবা মীশিং ১২,৮৮১ ওইখিবনি‍।

কেন্দ্র লৈঙাক্কী ‘লৈঙাক্কী মপুং ওইবা’ অমসুং ‘খুন্নাইগী মপুং ওইবা’ হায়বা ৱাখল্লোন্দা য়ুম্ফম ওইদুনা লেপ্পা নাইদনা, ইচঙ থৌনা অমদি খোঙথাঙ মান্ননা চঙশিল্লিবা লাল্লোং অসিগা লোয়ননা নোংমদা নৌনা নারকপা মীশিং অসুম অসুম হন্থরক্লি‍। মসিনা নোংমদা শিবগী চাংদসু অসুম অসুম হন্থহল্লক্লি‍। হৌখিবা পুং ২৪দা মীওই ১৬৭ নৌনা শিখিবগী পাউ লাকখি‍।

ঙসি ভারতকী হৌজিক নারিবা মীশিং ২,১৬,৫৫৮তা হন্থখ্রে‍। অপুনবা নাখিবা মীশিংদা হৌজিক নারিবা মীশিংগী শরুক মখা তান হন্থদুনা চাদা ২.০৭দা লৈখ্রে‍।

হৌখিবা পুং ২৪দা হৌজিক নারিবা মীশিংদগী পুন্না মীওই ৫,৯৬৮ হন্থরকখি‍।

লৈবাক্কী ওইনা পুন্না হোৎনমিন্নবা অসিনা মরম ওইরগা স্তেত/য়ু.তি. ২৫দা হৌজিক নারিবা মীশিং ৫,০০০গী মখাদা লৈরি‍।

নাকল অমরোমদা স্তেত/য়ু.তি. ৩২না হৌজিক নারিবা মীশিং ১০,০০০গী মখাদা লৈরি‍।

তেস্তিং ইনফ্রাস্ত্রকচর পাকথোক চাউথোকহনবনা মরম ওইরগা পোজিতিবিতী রেতসু হন্থরক্লি‍।

ভারতকী চয়োলগী ওইবা পোজিতিবিতী রেত অসি চাদা ২.০৬ ওইরি‍। স্তেত/য়ু.তি. ২২দা লৈবাক্কী চাংচত্তগী হন্থবা চয়োলগী পোজিতিবিতী রেত লৈ‍।

অপুনবা ফগৎলকখ্রবা মীশিং ঙসি করোর ১.০১ (১০,১১১,২৯৪) লানখ্রে হায়বদি ফগৎলকপগী চাং চাদা ৯৬.৪৯ ওইরে‍। ফগৎলকখ্রবা মীশিং অমসুং হৌজিক নারিবা মীশিংগী মরক্তা লৈরিবা খেন্নবা অসুম অসুম হেনগৎলক্তুনা হৌজিক ৯৮,৯৪,৭৩৬ ওইরি‍।

হৌখিবা পুং ২৪সিদা মীওই ১৮,৩৮৫ ফগৎলকখি‍।

নৌনা ফগৎলকখ্রবা মীশিংগী চাদা ৮০.৫০দি স্তেত/য়ু.তি. ১০দা নৈশিন্দুনা লৈবা থেংনখি‍।

মহারাস্ত্রনা মীওই ৪,২৮৬ নৌনা ফগৎলক্তুনা নোংমদা মীশিং খ্বাইদগী য়াম্না ফগৎলকপা থেংনখি‍। কেরলানা মীওই ৩,৯২২ নৌনা ফগৎলক্তুনা মতুং ইনখি‍। ছত্তিসগরদা মীওই ১,২৫৫ নোংমদা নৌনা ফগৎলকপা থেংনখি‍।

নৌনা নারকখিবা মীশিংগী চাদা ৭০.০৮তি স্তেত অমসুং য়ু.তি. তরেৎতগীনি‍।

হৌখিবা পুং ২৪দা কেরলানা মীওই ৩,১১০ নৌনা নারক্তুনা নোংমদা মশিং খ্বাইদগী য়াম্না নারকপা ওইখি‍। ঙরাং মহারাস্ত্রদা মীওই ২,৪৩৮ অদুগা ছত্তিসগরদা মীওই ৮৫৩ নৌনা নারকপগী পাউ লাকখি‍।

হৌখিবা পুং ২৪দা মীওই ১৬৭ নৌনা শিখিবগী মনুংদা চাদা ৬২.২৮তি স্তেত/য়ু.তি. তরাদগীনি‍।

মহারাস্ত্রদা মীওই ৪০ শিখিবগী পাউ লাকখি‍। কেরলা অমসুং ৱেস্ত বেঙ্গলদা মথঙশিৎনা মীওই ২০ অমসুং ১৬ শিদুনা মতুং ইনখি‍।

য়ু.কে.গী মখলগী জিনোম্না নাহল্লবা মীগী অপুনবা মশিং ঙসি ৯৬তা লৈরি‍। হৌখিবা পুং ২৪সিদা নৌনা হাপচিল্লকখিবা অমত্তা লৈতে‍।

 

****



(Release ID: 1687941) Visitor Counter : 38