প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সিংগী থোংদা অনিশুবা নেস্নেল য়ুথ পার্লিয়ামেন্ত ফেস্তিবেলগী লোইশিনবগী থৌরমদা ৱা ঙাংখ্রে। থৌরম অসি সেন্ত্রেল হোলদা পাঙথোকখি অমদি প্রধান মন্ত্রীনা ফেস্তিবেল অসিদা নহা ওইরিবা নেস্নেল ৱিনর অহুমনা ফোঙদোকখিবা ৱাখল্লোনসু তাখি। থৌরম অসিদা লোক সভাগী ৱাঙাংলোই, কেন্দ্রগী এজুকেসন মন্ত্রী অমসুং য়ুথ এফির্স অমসুং স্পোর্তসকী কেন্দ্রগী এম.ও.এস.(আই/সি) শরুক য়াখি।

স্বামী বিবেকানন্দবু মহাক্কী মপোক কুমওন্দা নীংশিংলদুনা, প্রধান মন্ত্রীনা হায় মতমগী খোঙচৎকা ইরোইননা, ঐখোয়গী লৈবাক অসিদা স্বামী বিবেকানন্দগী শাফু অমসুং ইথিল অদুমক লেংদনা লৈরি। মহাক্কী লৈবাক নীংবগী অমদি লৈবাক শেমগৎপগী ৱাখল্লোন অমসুং মহাক্না মীয়ামগী থৌগৎ অমদি মালেমগী থৌগৎ তৌবগী মতাংদা তাকপী রম্বীরম্বা অসিনা ঐখোয়বু মখা তানা ইথিল পীরি। প্রধান মন্ত্রীনা স্বামীজীনা ইন্দিবিজ্যুএল অমদি ইন্সিতিত্যুসনদা শরুক তমখিবগী মতাংদা ৱা ঙাংখি। ইন্দিবিজ্যুএলশিংনা স্বামী ইবেকানন্দগা নকশিন্নখি অমদি ইন্সিতিত্যুসনশিং শেমগৎখি অমসুং মখোয়না অমুক অনৌবা ইন্সিতিত্যুসন-বিল্দরশিং শেমগৎখি। অসুম্না লোইবা নাইদ্রবা সাইকল অমদা ইন্সিবিজ্যুএল দেবেলপমেন্তদগী ইন্সিতিত্যুসন-বিল্দিং অমসুং ভাইস-ভর্সা হৌখি। প্রধান মন্ত্রীনা ইন্দিবিজ্যুএল ওন্তপ্রিনোরশিপ অমসুং অচৌবা কম্পনীশিংগী মরক্তা লৈনরিবা মরীশিং অদু থম্লদুনা মসি ভারতকী অচৌবা পাঙ্গল অমনি হায়না ফোঙদোকখ্রে। মহাক্না নহাশিংদা হন্দক্তা নেস্নেল এজুকেসন পোলিসীগী ফ্লেক্সিবিলিতী অমসুং ইন্নোবেতিব লর্নিং ফোর্মেৎকী কান্নবা লৌনবা হায়খ্রে। লৈবাক অসিদা ঐখোয়না ইকোসিস্তেম অমা শেমগৎনবা হোৎনরি মসি য়াওদবনা অয়াম্বা মতমদা নহাশিংনা মপাল লৈবাক্তা চৎহনখি হায়না প্রধান মন্ত্রীনা ফোঙদোকখ্রে।

প্রধান মন্ত্রীনা হায় থাজবা, পুকচেল শেংবা, অকিবা লৈতবা অমসুং থৌনা লৈবা নহাশিং অসি লৈবাক্কী য়ুম্বীনি হায়না স্বামী বিবেকানন্দনা শকখঙলমখি। শ্রী মোদীনা নহাশিংগীদমক্তা স্বামী বিবেকানন্দগী লাইৱাশিং অদু খুদোল তমখি। হকচাং ফনা থম্নবা “য়োৎকী তোংশা অমসুং স্তীলগী শিংলি-নাওরি’ ওইহনবা তাই, পর্সনেলিতী দেবেলপমেন্তগীনা ‘ইশাদা থাজবা থম্বা’; লুচিংবা ওইবা অমসুং তীমৱার্ক্কনা স্বামীজিনা ‘পুম্নমক্তা থাজবা থম্বা’ হায়না তাকপীরমখি।

প্রধান মন্ত্রীনা নহাশিংদা রাজনিতিদা ইশাগী ওইজবা থাদোক্তুনা অমদি কান্নগদবা মওংদা শরুক য়ান্নবা ফোঙদোকখ্রে অমসুং মহাক্না হায় ঙসি পুকচেল শেংবা মীওইশিংনা তাঞ্জা ফংহল্লি, পথাপ-নাইদবা থবক থৌরমশিং চত্থরম্বা মফম অমা ওইরিবা রাজনিতীগী অরিবা থৌওং অসি হোংহল্লক্লি। ঙসি পুকচেল শেংবা অমসুং মথৌ ফজনা তৌবা অসিনা খ্বাইদগী মরু ওইবা ওইরক্লি। হিরম অসিদা প্রধান মন্ত্রীনা শাগৈগী ওইবা রাজনিতীদা শাংনা ৱা ঙাংখি। মহাক্না হায় শেঞ্জা-থুমজা হায়বা অসি মীয়াম্না পুরিবা পোৎলুম অমদি মসি হৌখিবা মতমদা শেঞ্জা-থুমজা তৌখিবগী মহৈনি। মহাক্না নহাশিংদা শাগৈগী ওইবা চৎনবী অসি মরু ফংনা মুত্থৎনবা ফোঙদোকখ্রে। শাগৈগী ওইবা রাজনিতী তৌবনা দেমোক্রেতিক লৈরিবা পথাপ অসিদা মতিং হন্থহনবগী ফীভম অমদা লোয়ননা মীয়ামগী লৈঙাক্তা শুপ্নম লৈঙাক পুরকই মরমদি অসিগুম্বা মীওইশিং অসিনা ইমুংগী রাজনিতী অমসুং ইমুং অদুদা রাজনিতী লৈহন্নবা হোৎনৈ। “ঙসিদি শাগৈগী মিংদা মীখল কারম্বগী মতম লোইশিল্লক্লে, অদুবু রাজনিতিদা শাগৈগী মরী অসি হৌজিকসু মপুং ফানা লোইশিনদ্রি....শাগৈগী রাজনিতীনা লৈবাক্না মাঙদা থমবগী মহুৎ ঐ অমসুং ঐগী ইমুং মনুং হায়বা ৱাখল্লোন হান্না পুশিল্লকই। মসিনা ভারত্তা খুন্নাইদা শেঞ্জা থুমজা থোকহনবগী য়াম্না মরুওইবা মরম অমসু ওইরি” হায়না প্রধান মন্ত্রীনা হায়খি।

ভুজ জ্বার হাখিবা মতুংগী শেমগৎ শাগৎপগী থবক্তা খুদম পীরদুনা প্রধান মন্ত্রীনা নহাশিংদা হায় মহৌশাগী ওইবা খুদোংথীবা থোকপা মতমদা মখোয়গী মশাগী ওইবা পাম্বৈ পুথোকচবা সমাজ অদুনা মখোয়গী মশাগী পন্থুংফম শেমজৈ। মরম অদুনা ঙসিদি ভারত মচা করোর ১৩০না মখোয়গী মশাগী পন্থুংফম শেমজরি। প্রধান মন্ত্রীনা হায় ঙসিগী নহারোলশিংগী হোৎজবা, ইনোবেসন, পুকচেল শেংনা ৱাশকপা পুম্নমক্না ঐখোয়গী তুংগী অকনবা উরেপ উয়ুং অমা য়ুংলি।

****