ভারতকী রিজনেলগী নোংথক্কী লম্বেল ফাওনবা হেনগৎনবা খোঙথাং লৌখৎলদুনা স্তার এয়রনা ভারত সরকারগী আর.সি.এস.-উরানগী (রিজনেল কন্নেক্তিবিতী স্কীম – উরে দেশ কা আম নাগ্রিক) মখাদা কর্নাতকাগী কলবুর্গীদগী অন্ধ্র প্রদেশকী তিরুপতি ফাওবগী নুংতিগী পাইগদবা দাইরেক্ত ফ্লাইৎ ঙসিদগী পাইবা হৌখ্রে। উরান স্কীমগী থম্লিবা পান্দম অনি; মীয়ামদা অহোংবা মমলদা এয়র ত্রেবেল তৌহনবা অমদি লৈবাক অসিগী মফম খুদিংদা য়ৌশিনবা হেনগৎহনবা অসিগা লোইননা ঙসি ফাওবদা এলিপোর্ত ৫ অমসুং ৱাতর এরোদ্রোম ২ য়াওনা উরান রুৎ ৩০৫ অমসুং এয়রপোর্ত ৫৩ মথৌ তৌহনখ্রে।

উরান স্কীমগী মখাদা শঙ্গাখিবা কলবুর্গী এয়রপোর্ত অসি হন্দক্তা সর্ভিস তৌরকপা চহি অমা মাই পাক্না মপুং ফাখ্রে। এয়রপোর্ত অসি লৈবাক অসিগী খ্বাইদগী য়াংনা খুমাং চাউশিনবা এয়রপোর্ত ওইখি। এয়রপোর্ত অসিদগী মীওই ৪৩,০০০ হেনবনা তোংবা ফ্লাইৎ ১০০০গ হেন্না পাইখি। মসিদা য়াওরিবা মথৌ তৌরিবশিংনা হোৎনবা কনবা, কত্থোকপা অমসুং অখাং কনবা অসি থাগৎপা ওইনা সিবিল এভিএসন মন্ত্রালয় (এম.ও.সি.এ.) অমসুং এয়রপোর্ত ওথোরিতী ওফ ইন্দিয়া (এ.এ.আই.)গী ওফিসিএলশিংনা রুৎ লোঞ্চ তৌবা অসিদা শরুক য়াখ্রে।

এম.ও.সি.এ.দা রুৎ অসিদা ফ্লাইৎ লৈহন্নবা রিক্বেস্ত মশিং কয়া লাকখি, মসিদা কলবুর্গীদগী তিরুপতি ফাওবা দাইরেক্ত ফ্লাইৎ পাইহনবগী মথৌ তাবগী মতাংদা হাইদরবাদ কর্নাতকা চেম্বর ওফ কম্মর্দ এন্দ ইন্দস্ত্রী (ঐচ.কে.সি.সি.আই.)গী অপীল অমসু য়াওখি। মালেমদা খ্বাইদগী মীশিং য়াম্না লাকপা খুবম অমা ওইবগী খ্বাইদগী মমিং লৈবা অমসুং শেংলবা শ্রী বেঙ্কতেশ্বরা স্বামী তেম্পল ‘তিরুপতি বলাজি’ হায়নসু খঙনরিবা লাইশঙ অসি লৈবা ‘অন্ধ্র প্রদেশকী স্পিরিচ্যুএল কেপিতেল’ হায়না তিরুপতি সহর অসিবু খঙনৈ। নুমিৎ খুদিংগী লাইশঙ অসিদা লাইনিংবা ৫০,০০০দগী ১০০,০০০ ফাওবা লাকই। তিরুপতি বলাজি তেম্পলগী মথক্তা, মফম অসি অতোপ্পা ইতিহাসিক ওইবা লাইশঙশিং, শ্রী বেঙ্কতেশ্বরা নেস্নেল পার্ক, দীয়র পার্ক, তিরুপতি অমসুং তলকোনা ৱাতরফোলস, তিরুপিগীদমক্তা মমিংসু চৎলি। লৈবাক অসিগী লাইনিংবশিংনা চহি ১০০ শুরবা তিরুপতিগী লাইশঙ অসিদা লাকপনা ময়ামদগী হেল্লি। অদুম ওইনমক তিরুপতিগী তিরুমলা হিল্স অসি মালেমগী খ্বাইদগী লিবা রোক মাউন্তেন হিলশিংগী মরক্তা অনিশুবা ওইরি।

সহর অনি অসিগী মরক্তা দাইরেক্ত ত্রান্সপোর্তেসন মোদ অমত্তা লৈতবনা মরম ওইরগা মীয়াম্না মখাগী লম্বী নত্ত্রগা রেলগী লম্বীদা লাকপগা লোইননা রোদ ত্রিপ অমগী খুত্থাংদা চত্থোক-চৎশিন তৌরি, মখাগী লম্বীদা চৎলগনা পুং ১২ হেন্না চংঙি অমদি ত্রেনদা চৎলগনা পুং ২০ হেন্না চংঙি অমসু বসনা চৎপদা কি.মি. ৬৩০গী অশাংবা ওইরি। হৌজিক্তি মীয়াম্না শুপ্নতগী মিনিৎ ৭০ চংদুনা শাংলবা খোঙচৎ অসি দাইরেক্ত ফ্লাইৎ অমদা য়ৌবা ঙমহল্লগনি।

এয়রলাইন, স্তার এয়রনা মমাং চহিদা বিদ্দিংগী থৌওংদা আর.সি.এস.-উরান-৩গী মখাদা কলবুর্গী-তিরুপতিগী রুৎ অসি ফংখিবনি। এয়রলাইন অসিনা রুৎ অসিদা চয়োল অমদা ফ্লাইৎ অহুম পাইগনি অমসুং মখোয়গী ৫০-সীতর ইমব্রেয়র-১৪৫ লকজরী এয়রক্রাফ অদু শীজিন্নগনি। লমথাখিবা অসিগা লোইননা স্তার এয়রনা আর.সি.এস.-উরানগী মখাদা হৌজিক রুৎ ২৪ মথৌ তৌবা ঙমখ্রে।

ফ্লাইৎকী মরমশিং মখাদা পীরি:

****