য়াম্না য়াংবা রেল শেমগৎপগী থবক কনখৎলে। ঙসিদগী লিদার(এরিএল গ্রাউন্দ)সর্ভে হৌদুনা দিল্লি-বরানাসী হায় স্পিৎ রেল কোরিদোর শেমগৎপগী থবক কনখৎলে।

ঙসি গ্রেতর নোইদাদগী অফবা মখলগী এরিএল লিদার অমসুং ইমেজরি সেন্সরশিং য়াওরবা হেলিকোপ্তর অমা অহানবা ওইনা পাইদুনা গ্রাউন্দ সর্ভেগা মরী লৈনবা দেতা লৌদুনা দিল্লি-বরানাসী হায় স্পিৎ রেল কোরিদোরগী লিদার সর্ভে হৌখ্রে।

লৈমায়গী অকুপ্পা মরোলশিং খঙনবা নেসনেল হায় স্পিৎ রেল কোর্পোরেসন লিমিতেদনা লাইত দিতেক্সন এন্দ রেঞ্জিং সর্ভে(লিদার)তেক্নোলোজি শীজিন্নরি অমসুং থবক অসি মহৌশাদা থা ১০-১২গী মতম চঙলম্বা অদু হৌজিক থা ৩-৪গী মনুংদা পাংথোকপা ঙম্লে।

লাইনিয়র ইনফ্রাস্ত্রকচর প্রোজেক অমগী ওইনা গ্রাউন্দ সর্ভে অসি য়াম্না মরুওইবা থবক অমনি অমসুং মসিনা পরিং চুম্না শেম্নবগী মফম অমগী অকুপ্পা মরোলশিং ফংবা ঙম্মি। তেক্নিক অসিদা লেজর দেতা, জি.পি.এস দেতা, ফ্লাইদ পেরামিতরশিং চপ চাবা ফোতোশিং সর্ভে দেতাদা পীরি।

এরিয়েল লিদার সর্ভে মনুংদা, রেল লম্বী শেমগদৌরিবা পরিং অদুগী মিতর ৩০০(নাকল অমমমদা মিতর ১৫০)গী অকোয়বা মফমশিং সর্ভে তৌগনি। দেতা লৌরবা মতুংদা, স্কেল ১:২৫০০দা রেল লম্বী শেমগদৌরিবা মিতর ৫০গী কোরিদোর অদুগী ৩-দি তোপোগ্রাফিকেল মেপ পুথোক্কনি অমসুং মসিনা অৱাংবা অমসুং লৈমায়গী ফিবম, স্তেসনশিং অমসুং দিপোতশিং শানবা মফমশিং, কোরিদোরগী দরকার ওইবা লম, প্রোজেক্না শোকহনগদবা মফমশিং খঙদোকপা ঙমহনগনি।

হিরম অসিদা সর্ভে ওফ ইন্দিয়ানা পীবা স্তেন্দার্দ বেঞ্জমার্ক ৯গী মতুংইন্না, মাস্তর কন্ত্রোল পোইন্ত ৮৬ অমসুং সেকেন্দরি কন্ত্রোল পোইন্ত ৩৫০ শেমগৎলে অমসুং হায়রিবা মফমশিং অসি দিল্লি-বরানাসী হায় স্পিৎ রেল কোরিদোর শেম্নবগী এয়রক্রাফ পাইনবা শীজিন্নরে।

য়ুম-কৈশিং, উ পাম্বীশিং অমসুং অতোপ্পা লৈমায়গী অকুপ্পশিংগী ময়েক শেংবা ফোতো লৌনবা লিদার সর্ভেদা মেগাপিকচেল ৬০গী কেমেরাশিং শীজিন্নরে।

হায় স্পিৎ রেল কোরিদোর ৭গী দিতেল প্রোজেক রিপোর্তশিং শেম্নবা এন.ঐচ.এস.আর.সি.এলদা থবক শীন্নরে অমসুং কোরিদোরশিংগী গ্রাউন্দ সর্ভেদা লিদার সর্ভে তেক্নিকশিং শীজিন্নগনি।

অহেনবা অকুপ্পা মরোলশিং:

দিল্লি-বরানাসী হায় স্পিৎ রেল কোরিদোর শেম্নবগী দিতেল প্রোজেক রিপোর্ত ওক্তোবর ২৯, ২০২০দা রেলৱেজ মিনিস্ত্রিদা পীশিনখ্রে। শেমগৎনবা থৌরাং তৌরিবা দিল্লি-বরানাসী হায় স্পিৎ রেল কোরিদোর অসিনা দিল্লিগী নেসনেল কেপিতেল তেরিতোরি(এন.সি.তি)গা মরুওইবা সহরশিং হায়বদি মথুরা, অগ্রা, ইতৱা, লখনৌ, রাইবারেলি, প্রায়াগ্রাজ, ভাদোহি, বরানাসী অমসুং অয়োধ্যাগা শম্নগনি। কিলোমিতর ৮০০ শাংবা দিল্লিদগী বরানাসী ফাওবগী কোরিদোর অসিনা অয়োধ্যাগা শম্নগনি। হায় স্পিৎ রেল কোরিদোর অসিনা উত্তর প্রদেসকী গৌতম বুধা নাগর জিলাদা লৈবা জেৱারদা শেমগৎকদৌরিবা ইন্তরনেসনেল এয়রপোর্তকা শম্নগনি।

ময়েক শেংবা লিদার ফ্লাইদ ভিদিওশিং লৌথনবা লিঙ্ক:

https://drive.google.com/drive/folders/1p1WF3veRiUM2_gKuzgHQY1YynoZl_9RN?usp=sharing

চপ মান্নবা তোপিক অসিগী মমাঙদা থোকখিবা প্রেস রিলিজ য়েংবা য়াগনি:

https://www.nhsrcl.in/en/media/press-release/nhsrcl-adopts-aerial-lidar-survey-technique-conduct-ground-survey-delhi

*****