তাপাসকী রীত্রেক্তেবল লেন্দিং গ্যার সীস্তেম অমসুং স্বিফৎ য়ু.এ.ভি. অমসুং পি.-৭৫ সবমেরিনগী ফিল্তর মখল ১৮ য়েন্থোকপগী থৌরম অমা পার্লিয়ামেন্তকী মেম্বর, দাঃ কালানিধি ভীরাস্বামী, দিফেন্সকী পার্লিয়ামেন্তরী স্তেন্দিং কম্মিত্তীগী মেম্বর, দাঃ জি. সতীশ রেদ্দী, দি.দি.আর. অমসুং দি.গী সেক্রেতরী অমসুং দি.আর.দি.ও.গী চেয়রমেন অমসুং শ্রী পি.কে. মেহতা, এ.সি.ই.গী দি.জি. য়াওদুনা জনুৱারি ১০, ২০২১দা চেন্নৈগী কোম্বেত ভেহিকল রিসর্চ অমসুং দিভেলপমেন্ত ইস্তাব্লিশমেন্ত (সি.ভি.আর.দি.ই.), দি.আর.দি.ও.গী লেবোরেতরীদা পাংথোকখ্রে।

সি.ভি.আর.দি.ই.না তাপাস য়ু.এ.ভি.গী থ্রী তোন রীত্রেক্তেবল লেদনিং গ্যার (আর.এল.জি.) সীস্তেম অসি লমদম অসিদা শেম-শাখিবনি। মওং শেম্বা, মসিবু পুথোকপা অমসুং গ্যার সীস্তেম অসিগী চাংয়েং তৌবগী থৌওং অসি সি.ই.এম.আই.এল.এ.সি. অমসুং দি.জি.এ.ক্যু.এ.গা খুৎশম্নদুনা চাংয়েং তৌদুনা সর্তিফাইসু তৌখি। ত্রাইসাইকল নোজ হ্বীলগী মওং চেনবা মল্তিদিসিপ্লিনরী, হাইদ্রো-ইলেক্ত্রিক-মেকানিকেল সীস্তেম অসি হৌজিক হৌজিক কোইম্বাতোরদা লৈবা ইন্দস্ত্রী অমনা শারি। রীত্রেক্তেবল লেন্দিং গ্যার সীস্তেমগী অহানবা সেত অসি ইন্দস্ত্রী অসিনা শাদুনা চেন্নৈগী সি.ভি.আর.দি.ই.গী দাইরেক্তরনা বেঙ্গালুরুগী এ.দি.ই.গী দাইরেক্তরদা খুৎশিন্নখি।

সি.ভি.আর.দি.ই.না স্বিফৎ হায়না খঙনবা তোঙানবা য়ু.এ.ভি. মখল অমগী ৱান তোন রীত্রেক্তেবল লেন্দিং গ্যার সীস্তেম অমসু শেম-শাখি। মসিগী পথাপ অসি অকক্নবা বে ভোল্যুমগী মনুংদা লেন্দিং গ্যার শিজিন্নবা য়ানবা শেম-শাখিবনি। মসিগী পথাপ অসি নীংথিনা য়েংশিনবগা লোয়ননা ভারতকী ইনিদস্ত্রীগী মতেং লৌদুনা শাখিবনি অমসুং সি.ই.এম.আই.এল.এ.সি. অমসুং দি.জি.এ.ক্যু.এ.গী সর্তিফিকেসন্সু ফংখি। মসিগী সীস্তেম অসিসু বেঙ্গালুরুগী এ.দি.ই.দা খুৎশিন্নখ্রে।

পি.-৭৫ সবমেরিনগী লৈবাক অসিদা শাজবা হাইদ্রোলিক, লুব্রিকেসন, সীৱাতর অমসুং ফুএল ফিলতরগী মখল ১৮ অসিসু সি.ভি.আর.দি.ই.না শেম-শাখি। মসিগী ফিলতরশিং অসি হাইদ্রবাদ অমসুং চেন্নাইদা লৈবা ভারতকী ইন্দস্ত্রীশিংগী মতেং লৌদুনা শাখিবনি। মসিগী লৈবাক অসিদা শাজবগী প্রোজেক্ত অসি দি.আর.দি.ও. অমসুং নেভীনা পুন্দুনা শেল থাদখি অমসুং মসিগী তেক্নোলোজী অসি ইন্দস্ত্রীশিং অসিদা মাই পাক্না পীবা ঙমখ্রে। দি.ক্যু.এ. (এন.)না অয়াবা পীরবা মসিগী ফিলতর অসিগী সেৎ অনি অমসু ইন্দিয়ন নেভীদা খুৎশিন্নখ্রে।

দি.দি.আর. অমসুং দি.গী সেক্রেতরীনা লমদম অসিদা শাজনবা হোৎনবগী মরু ওইবগী মতাংদা মিৎয়েং চঙলদুনা মসিগী মরু ওইবা পোৎলমশিং অসিবু শাবা য়াবা মেন্যুফেকচরিং ফেসিলিতী শেম্লিবা ইন্দস্ত্রীশিংবু থাগৎপা ফোংদোকখি।

*****