ইনকম তেক্স দিপার্তমেন্তনা ০৫.০১.২০২১দা কোলকাতাদা রিএল ইস্তেত অহুম অমসুং স্তোক ব্রোক্কীং কাংলুপকী মথক্তা থি-হুম্বা অমসুং ফা-পুনবগী থবক চৎথখ্রে। চৎথরিবা থি-হুম্বা অসি দিপার্তমেন্তেল দেতাবেজ, মখোয়গী ফাইনান্সিএল স্তেতমেন্ত নৈনবা, মার্কেতকী ইন্তিলিজেন্স অমসুং ফিলদা থিজিনবগী দেতা অফংবা অদু য়েংলগা তৌবনি।

থি-হুম্বা অসিদা লান্না তৌবা খুদম কয়া অমা কাংবু অসিনা শাশিন্নবা কেপিতেল/চৎনদবা লোন কয়া অমা শিজিন্নবা থেংনরকখি। বুক্তা য়াওদবা লৈবা য়োনবগী শেনফম কয়া অমা খুদম ওইনা ফংখি। মখা তানা, য়াম্না ময়েক লাবা রেবিন্যুদা বুক তৌদবা ফ্লেতশিং য়োনবগী শেনফম কয়া অমশু ফংখি।  থি-হুম্বগী থবক অসি চৎথরিঙৈ মনুংদা, ৱাহং পাউহং চৎথরিঙৈদা কাংবু অসিগী মীওই খরনা চে/সেল খর মখোয়গী শেনফমশিং অসি হল্লক্নবা থেংনখি। মসিদা অরোৎপা অপুনবা ইনকম লুপা করোর ৩৬৫ অমা ফাওবা থেংনখি. এসেসিশিং অসিনা লান্না শিজিন্নবা লুপা করোর ১১১গী শেনফম অমা য়াজখি।    

থি-হুম্বা অসিনা মরম ওইদুনা মশিং থাদবা শেনফম লুপা করোর ৩.০২ অমা অমসুং লুপা লাখ ৭২রোমগী ওইগদবা লিক-খুজি ফাগৎপা ঙমখি।

মখা তানা থি-হুম্বা চৎথরি।

****