নহারোল অমসুং শান্ন-খোৎনবগী মন্ত্রালয়
চহি লোইরকপগী হঙ্গৎনা য়েংশিনবাঃ শান্ন-খোৎনবগী বিভাগ
ফিৎ ইন্দিয়া মুবমেন্তকী অহানবা চহি ফারকপগী থৌরম পাংথোকখ্রে; প্রধান মন্ত্রীনা ফিৎ ইন্দিয়া দাইলোগ পাংথোকখ্রে, চহিগা চান্নবা ফিৎনেশকী কাঙলোন হৌদোকখ্রে
দবল্যু.ঐচ.ও.না ‘ফিতনেশ কা দোজ, আধা ঘন্তা রোজ’ কেম্পেনবু থাগৎখ্রে
খেলো ইন্দিয়া সেন্তর ১০০০ হাংদোক্কনি লাউথোকখ্রে
শান্ন-খোৎনবগী কোতাদা অনৌবা দিসিপ্লিন ২০দগী সরকারগী থবক চঙবা য়ারগনি
য়োগআসনাবু চাংয়েংনবগী স্পোর্ত ওইনবা ওফিসিএল ওইনা শকখঙখ্রে
নেস্নেল স্পোর্ত এৱার্দকী শেনফম লাউথোকখ্রে
Posted On:
08 JAN 2021 10:35AM by PIB Imphal
ইং ২০২০গী মনুংদা শান্ন-খোৎনবগী বিভাগকী মশক থোকপা থৌওংশিং মখাদা পীরিঃ
ফিৎ ইন্দিয়া মুবমেন্তকী চহি ফাবগী অহানবা থৌরমঃ প্রধান মন্ত্রী, শ্রী নরেন্দ্র মোদীনা জি.ও.এ.এল.এস. (গোলস ফোর এক্তিব লাইফ স্তাইল) হায়না মীংথোনবা চহি ৫-১৮, ১৮-৬৫ অমসুং ৬৫+কী ওইনা তোঙান-তোঙানবা চহিগী থাক্কী ওইবা ফিৎনেসকী চহিগা চান্নবা কাঙলোন অমা ফিৎ ইন্দিয়া মুবমেন্তকী চহি ফাবগী অহানবা থৌরমদা ভিদিও কনফরেন্সিংগী খুত্থাংদা সেপ্তেম্বর ২৪, ২০২০দা লোঞ্চ তৌখি। প্রধান মন্ত্রীনা তোঙান-তোঙানবা শান্নরোই, ফিৎনেস এক্সপর্ত অমসুং অতোপ্পা মীওইশিংগা থৌরম অসিগী মনুং চন্না পাংথোকপা ফিৎ ইন্দিয়া দাইলোগকী মনুংদা ৱারী শাখি। ভর্চুএলগী খুত্থাংদা পাংথোকপা দাইলোগ অসিদা শরুক য়ারিবা মীওইশিংনা প্রধান মন্ত্রীদা মখোয়গী পুন্সি থেংনরকপশিং অমসুং ফিৎনেসকী মন্ত্রাশিংগী মতাংদা পাউদমখি। য়ুথ এফিয়র্স অমসুং স্পোর্তকী কেন্দ্র মন্ত্রী, শ্রী কিরেন রিজিজুসু ভর্চুএলগী থৌরম অসুদা শরুক য়াখি।
![http://static.pib.gov.in/WriteReadData/userfiles/image/image001G6PB.jpg](http://static.pib.gov.in/WriteReadData/userfiles/image/image001G6PB.jpg)
ফিৎ ইন্দিয়া মুবমেন্তকী মখাদা পায়খৎপা থবক/খোঙথাংশিং
ফিৎ ইন্দিয়া সাইক্লোথোনঃ কেন্দ্রগী য়ুথ এফিয়র্স অমসুং স্পোর্ত মন্ত্রী, শ্রী জিরেন রিজিজুনা সোসিএল মীদিয়াগী খুত্থাংদা অনিশুবা ফিৎ ইন্দিয়া সাইক্লোথোন হৌদোকখি। মসিগী সাইকলগী চাউরবা থৌরম অসি দিসেম্বর ৭, ২০২০দা হৌদুনা নুমিৎ ২৫নি চেন্দুনা দিসেম্বর ৩১, ২০২০ ফাওবা পাংথোকখি। থৌরম অসি লৈবাক শিনবা থুংবগী জিলা খুদিংদা পাংথোকখি অমসুং লৈবাক মীয়াম্না ফিৎ ইন্দিয়াগী ৱেবসাইত্তা রেজিস্তর তৌদুনা শরুক য়াখি। মীওই লাখ ৪৮ হেনবনা অনিশুবা ফিৎ ইন্দিয়া সাইক্লোথোন অসিদা শরুক য়ানখি। অহানবা সাইক্লোথোন অসি জনুৱারি, ২০২০দা মীওই লাখ ৩৫না শরুক য়াদুনা পাংথোকখিবনি।
ফিৎনেশ কা দোজ, আধা ঘন্তা রোজঃ প্রধান মন্ত্রী শ্রী নরেন্দ্র মোদীনা ভারত মচা খুদিংদা “ফিৎনেশ কা দোজ, আধা ঘন্তা রোজ”কী খোল্লাও লাওখিবা অদুবু ৱর্ল্দ হেল্থ ওর্গনাইজেসন্না য়াম্না থাগৎখি। ত্বীৎ অমদা দবল্যু.ঐচ.ও.না অসুম্না হায়খি, “দবল্যু.ঐচ.ও.না ভারতনা ‘ফিৎনেশ কা দোজ, আধা ঘন্তা রোজ’ কেম্পেনগী খুত্থাংদা হকচাং শাজেল তৌববু খুমাং চাউশিলহন্নবা খোঙথাং অমা পায়খৎলিবা অসিবু য়াম্না থাগৎলি”। কেন্দ্রগী য়ুথ এফিয়র্স অমসুং স্পোর্ত মন্ত্রী, শ্রী কিরেন রিজিজুনা দিসেম্বর ১দা লৈবাক শিনবা থুংনা পাংথোক্লিবা ফিৎ ইন্দিয়া কেম্পেনগী শরুক অমা ওইদুনা হৌদোকখিবা কেম্পেন অসিদা তোঙান-তোঙানবা হীরমদা ফাউরবা মীওইশিংনা নুমিৎ খুদিংগী ওইনা মিনিৎ ৩০গী ফিৎনেশকী মন্ত্রা ইনবীয়ু হায়না হায়নরকপগা লোইননা শৌগৎনরকখি। ফিৎ ইন্দিয়া প্রভাৎ ফেরী অসি দিসেম্বর ১-৬, ২০২০তা চয়োল অমা চুপ্না পাংথোকখিবা থৌরম অমনি অমসুং মসিদা নেহরু য়ুবা কেন্দ্র সংগথনগী (এন.ৱাই.কে.এস.) নহাশিংনা লুচিংদুনা ‘ফিৎনেশ কা দোজ, আধা ঘন্তা রোজ’কী ৱাখল্লোনবু শন্দোকপা ওইনা লৈবাক শিনবা থুংনা প্রভাৎ ফেরী শীন্দুনা পাংথোকখি।
ফিৎ ইন্দিয়া ৱাল্কাথোনঃ নেস্নেল য়ুনিতী দে (সর্দার বল্লব ভাই পতেলগী মপোক নুমিত)গী থৌরমদা য়ুথ এফিয়র্স অমসুং স্পোর্তকী কেন্দ্র মন্ত্রী, শ্রী কিরেন রিজিজুনা বোলীৱুদকী এক্তর, বিদ্যুৎ জামৱালগা লোয়ননা ওক্তোবর ৩১, ২০২০দা কিলোমীতর ২০০ শাংবা ‘ফিৎ ইন্দিয়া ৱাল্কাথোন’ লম্থাখি। থৌরম অসিনা ভারত্তা হকশেল ফনা লৈবা পুন্সি মহিং অমা হিংবগী ৱাখল্লোন অমা মীয়ামদা শন্দোকখি।
![https://static.pib.gov.in/WriteReadData/userfiles/image/image001W2RW.jpg](https://static.pib.gov.in/WriteReadData/userfiles/image/image001W2RW.jpg)
ফিৎ ইন্দিয়া স্কুল ৱীকঃ য়ুথ এফিয়র্স অমসুং স্পোর্তকী কেন্দ্র মন্ত্রী, শ্রী কিরেন রিজিজুনা নবেম্বর ২৫, ২০২০দা অনিশুবা ‘ফিৎ ইন্দিয়া স্কুল ৱীক’ হৌদোকখি। মসিগী থৌরম অসিগী ৱাখল্লোন অসি ইং ২০১৯দা ফিৎনেসকী ৱাফম অসিবু মহৈরোইশিংদগী হেন্দোক্তুনা মখোয়গী ওজাশিং অমসুং স্কুলগী স্তাফশিংদসু য়ৌহনবগী তঙাই ফদবা অদু খন্নরবা মতুংদা লাকখিবনি। মসিগী মপুং ওইবা থোওংদি হকশেল অমসুং হকশেল ফনা লৈবা হীরমশিংগা মরী লৈনবা শাজেল তৌবগী থৌওংশিং নত্ত্রগা লাই-য়েকপা, সীম্পজিয়মনচিংবা থৌওং কয়া অমা চয়োল অমগী নুমিৎ ৪দগী ৬ ফাওবদা পাংথোকপনি। অনিশুবা ফিৎ ইন্দিয়া স্কুল ৱীক অসি দিসেম্বর ৩১, ২০২০ ফাওবা চত্থখি অমসুং মসিদা স্কুল লাখ ২.৫ হেনববা শরুক য়াখি।
ফিৎ ইন্দিয়া তোল্কঃ কেন্দ্রগী এজুকেসন অমসুং স্পোর্তকী মন্ত্রীনা স্কুলগী অঙাংশিংদা ইথিল পীবগী পান্দমগা লোয়ননা লৈবাক অসিগী শক্নাইরবা শান্নরোইশিংগা ৱারী শাবগী সেসন পরিং অমা য়াওবা ফিৎ ইন্দিয়া তোল্ক হৌদোকখি। মসিগী থৌরম অসি স্পোর্ত ওথোরিতী ওফ ইন্দিয়া অমসুং এজুকেসন মন্ত্রালয়গা খুৎশম্নদুনা পাংথোকপনি।
ফিৎ ইন্দিয়া ফ্রীদম রনঃ য়ুথ এফিয়র্স অমসুং স্পোর্তকী কেন্দ্র মন্ত্রী, শ্রী কিরেন রিজিজুনা ঐখোয়গী নিংতম্বগী ৭৪শুবা চহিবু হরাওবা পাংথোকপা ওইনা ওগস্ত ১৫দগী ওক্তোবর ২, ২০২০ (মহাত্মা গান্ধীগী ১৫১শুবা মপোক কুমওন) ফাওবা পাংথোকপা ‘ফিৎ ইন্দিয়া ফ্রীদম রন’ হৌদোকখি। মসিগী থৌরম অসি মমাংদা অমুক্তা থোকখিদ্রিবা কোবিদকী লাইচৎ অসিদা সোসিএল দিস্তেন্সিংগী কাঙলোন ইন্না-ইন্না হকশেল ফনা লৈবগী তঙাই ফদবা অদুবু ফংনবগীদমক্তা খন্দুনা হৌদোকখিবনি অমসুং ভর্চুএল রনগী ৱাখল্লোন্দা য়ুম্ফম ওইবনি। তোঙান-তোঙানবা খোঙলোইশিং (সরকার অমসুং প্রাইভেৎ সেক্তর)না ফিৎ ইন্দিয়া রন অসিদা পার্ত্নর ওইনবা থোক্নরকখি। সরকারগী পার্ত্নরশিংগী মনুংদা সি.আর.পি.এফ., বি.এস.এফ., আই.তি.বি.পি., ইন্দিয়ন রেলৱেজ, এন.এস.এস., এন.ৱাই.কে.এস. অমসুং এজুকেসনগী বোর্দকী মনুংদনা সি.বি.এস.ই. অমসুং সি.আই.এস.সি.ই. য়াওখি। মীওই করোর ৭ হেনবনা শরুক য়াদুনা কিলোমীতর করোর ১৮গী অশাংবা চেনখি। কেম্পেন অসিনা সোসিএল মিদিয়াদা মীওই করোর ৩০ হেন্না য়ৌবা ঙমখি।
![https://static.pib.gov.in/WriteReadData/userfiles/image/image001U3VX.jpg](https://static.pib.gov.in/WriteReadData/userfiles/image/image001U3VX.jpg)
ফিৎ ইন্দিয়া য়ুথ ক্লবঃ য়ুথ এফিয়র্স অমসুং স্পোর্তকী কেন্দ্র মন্ত্রী, শ্রী কিরেন রিজিজুনা লৈবাক অসিগী ৭৩শুবা নিংতম্বগী নুমিৎকী হরাওবা ফোংদোকপগী থৌরমদা ওগস্ত ১৫, ২০২০দা ফিৎ ইন্দিয়া য়ুথ ক্লব হৌদোকখি। প্রধান মন্ত্রীনা খঞ্জবা ফিৎ ইন্দিয়া মুবমেন্তকী শরুক অমা ওইরিবা ফিৎ ইন্দিয়া য়ুথ ক্লব অসিনা নহাশিংগী শক্তিবু শিজিন্নদুনা হকশেল ফনা লৈবগী কান্নববু লৈবাক শিনবা থুংনা খঙহন্নবা হোৎনবগী পান্দম থম্বনি। য়ুথ ক্লব ৪৭,১৩৩না মখোয় মশাবু “ফিৎ ইন্দিয়া য়ুথ ক্লব”নি হায়না রেজিস্তর তৌরকখি।
ফিৎ ইন্দিয়া য়োগা নুমিৎ অসি য়ুথ এফিয়র্স অমসুং স্পোর্তকী কেন্দ্র মন্ত্রী, শ্রী কিরেন রিজিজু অমসুং ফিৎনেশকী শক্নাইরবা মীওইশিংগা লোয়ননা জুন ২১, ২০২০দা ওনলাইন প্রোগ্রাম অমা ওইনা পাংথোকখি।
![https://static.pib.gov.in/WriteReadData/userfiles/image/image001DXXS.jpg](https://static.pib.gov.in/WriteReadData/userfiles/image/image001DXXS.jpg)
মন্ত্রালয়না গৎকা, কলারিপায়ত্তু, থাং-তা অমসুং মাল্লাখম্বাবু খেলো ইন্দিয়া য়ুথ গেম্স ২০২১দা য়াওহনখ্রেঃ মরিশুবা খেলো ইন্দিয়া য়ুথ গেম্স অসি ইং ২০২১দা হরিয়ানাদা পাংথোক্নবা থৌরাং তৌরি। ইং ২০২১দা হরিয়ানাদা পাংথোক্কদবা খেলো ইন্দিয়া য়ুথ গেম্সতা লমদমশিংগী ওইবা মনাৎকী ওইবা মশান্না ৫ য়াওহন্নবা ৱারেপ লৌখ্রে।
মশান্না ৫ অদুদিঃ
- কলারিপায়ত্তু
- গৎখা
- থাং-তা
- মালখম্ব
- য়োগআসনা
![https://static.pib.gov.in/WriteReadData/userfiles/image/image001NFSX.jpg](https://static.pib.gov.in/WriteReadData/userfiles/image/image001NFSX.jpg)
মেজর ধ্যাঞ্চান্দ নেস্নেল স্তেদিয়মদা মালেমগী থাক্তা লৈবা স্ক্বাস কোর্ত ৬ লৈরগনিঃ এক্সতর্নেল এফিয়র্সকী কেন্দ্র মন্ত্রী, দাঃ এস. জয়সঙ্করনা য়ুথ এফিয়র্স অমসুং স্পোর্তকী কেন্দ্র মন্ত্রী, শ্রী কিরেন রিজিজু য়াওবা থৌরম অমদা দিসেম্বর ১৬, ২০২০, নই-দিল্লীদা লৈবা মেজর ধ্যাঞ্চান্দ নেস্নেল স্তেদিয়মদা স্ক্বাশ কোর্ত ৬কী উরেপ-উয়ুং তমখ্রে। প্রোজেক্ত অসি অপুনবা শেনফম লুপা করোর ৫.৫২ কায়থদুনা অমসুং থা ৬ তরুক্কী মনুংদা লোইশিনবগী মতম পাবগা লোয়ননা অয়াবা পীখিবনি। ফেসিলিতী অসিদা স্ক্বাশ কোর্ত ৬ লৈগনি অমসুং মসিগী মনুংদগী ৩দি লেংথোক-লেঙশিন তৌবা ফক্লাং য়াওহন্দুনা দবল কোর্ত ওইনা ওন্থোকপসু য়াগনি।
য়োগআসনাবু চাংয়েংনবগী মশান্না ওইনা ফোর্মেল ওইনা শকখঙবাঃ আয়ুশ মন্ত্রালয় অমসুং য়ুথ এফিয়র্স অমসুং স্পোর্ত মন্ত্রালয়না পুন্না পাংথোকমিন্নবা প্রেস কনফরেন্স অমদা য়োগআসনাবু চাংয়েংনবগী মশান্না ওইনা ফোর্মেল ওইনা শকখঙলে হায়না লাউথোকখি। মসিগী অপুনবা প্রেস কনফরেন্স অসি কেন্দ্রগী আয়ুশকী রাজ্য মন্ত্রী (আই./সি.) শ্রী স্রিপদ নায়ক অমসুং য়ুথ এফিয়র্স অমসুং স্পোর্তকী কেন্দ্র মন্ত্রী, শ্রী কিরেন রিজিজুনা নই-দিল্লীদা দিসেম্বর ১৭, ২০২০দা পাংথোকখিবনি। য়োগআসনা হায়রিবা শান্নবগী মওং অসিদা ইভেন্ত ৪ অমসুং থাক ৭তা মেদল ৫১ লৈরবা য়াই। নুপা অমসুং নুপীনা শরুক য়ানবগীদমক্তা হৌদোক্লবা মশান্নশিংগী মনুংদা ত্রেদিস্নেল য়োগআসনা, আর্তিস্তিক য়োগআসনা (সিঙ্গল), আর্তিস্তিক য়োগআসনা (জুরা), রিদ্মিক য়োগআসনা (জুরা), ফ্রী ফ্লো/গ্রুপ য়োগআসনা, ইন্দিভিজুএল ওল রাউন্দ – চেম্পিয়নশিপ অমসুং তীম চেম্পিয়নশিপ য়াওরি।
তোঙান-তোঙানবা স্পোর্তশিংগী পেরা এথলেৎ ৪বু তার্গেৎ ওলীম্পিক পোদিয়ম স্কিম (তি.ও.পি.এস.)দা য়াওহনবাঃ তি.ও.পি. স্কিমগী মখাদা তোক্যো ওলীম্পিক ২০২১গীদমক্তা এথলেৎ ১০৫ অমসুং নুপা অমসুং নুপীগী হোক্কী তীমদা তেংবাংনবা থৌওং লৈখ্রে। মখা তাবা ওইনা, পেরিস ২০২৪ অমসুং লোস এঞ্জেলেস ২০২৮ ওলীম্পিক গেম্সকী ওইনা নহা ওইরিবা এথলেৎ ২৬৯সু তি.ও.পি.এস. দিভেলপমেন্ত গ্রুপকী মখাদা লৌশিনখ্রে।
নেস্নেল কোচিং কেম্পশিংসু এস.এ.আই.না শেম্বা এস.ও.পি. অমসুং সরকার অমসুং লোকেলগী হকশেলগী কাঙলোনশিংগী মতুং ইন্না ওলীম্পিক্তা শরুক য়াগদৌরিবা এথলেৎশিংগী ওইনা মখা চত্থখ্রে। মসিদগী অহেনবা ওইনা, ইন্তর্নেস্নেল ত্রেনিং অমসুং কম্পিতিসন এক্সপোজরশিংসু মখা তানা চত্থবা হৌখ্রে।
পেরা এথলেৎ ৩৪সু তি.ও.পি.এস.কী মখাদা তেংবাংখ্রে। মসিগী অহেনবা ওইনা, লোকদাউন খরা কোমথোকখিবগা লোয়ননা পেরালীম্পিক য়াওগদবা এথলেৎশিংগী নেস্নেল কোচিং কেম্পশিংসু মখা তানা চত্থখ্রে।
কেবিনেৎনা ব্রিক্স লৈবাকশিংগী মরক্তা ফিজিকেল কলচর অমসুং স্পোর্তকী মতাংদা খুৎশম্নবগী এম.ও.য়ু.গী অয়াবা পীখ্রেঃ প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী কেবিনেত্তা ব্রিক্স লৈবাকশিংগী মরক্তা ফিজিকেল কলচর অমসুং স্পোর্তকী মতাংদা খুৎশম্নবগী এম.ও.য়ু. অমা নবেম্বর ২৫, ২০২০দা খুৎয়েক পীনখিবগী মতাংদা পাউদমখি। লৈবাক মঙাগী মনুংদা শান্ন-খোৎনবগী মতাংদা খুৎশম্নবগী য়ানখিবা অদুনা স্পোর্ত সাইন্স, স্পোর্ত মেদিসিন, কোচিং তেক্নিকনচিংবগী মতাংদা লৌশিং অমসুং হৈ-শিংবা হেনগৎহনবদা য়াম্না তেংবাংগনি অমসুং মসিনা ঐখোয়গী শান্নরোইশিংনা মালেমগী ওইবা তুরনামেন্তশিংদা হেন্না নীংথিজনা শান্নবা ঙমহনবগা লোয়ননা ব্রিক্স লৈবাকশিংগী মরমতা মরীসু ফগৎহনগনি।
স্পোর্ত মন্ত্রালয়না প্রাইভেৎ একাদমী ৫০০দা শেল থাদবগী অনৌবা ইন্সেন্তিবকী মওং লাউথোকখ্রেঃ স্পোর্ত মন্ত্রালয়না প্রাইভেৎ একাদমী ৫০০দা এফ.ৱাই. ২০২০-২১দগী হৌদুনা মথংগী চহি ৪গী মনুংদা খেলো ইন্দিয়া স্কিমগী খুত্থাংদা শেলগী তেংবাং পীনবা ইন্সেন্তিবকী মওংশিং হৌদোকখ্রে।
শান্ন-খোৎনবগী কোতাদা অনৌবা দিসিপ্লিন ২০দগী সরকারগী থবক চঙবা য়ারগনিঃ সেপ্তেম্বর ২২, ২০২০দগী হৌদুনা স্পোর্তকী কোতাদা সরকারগী থবক চঙবা য়াবগী অনৌবা দিসিপ্লিন ২০ হৌদোকখ্রে। কেন্দ্র সরকারগী ওফিসশিংদা হৈ-শিংলবা শান্নরোইশিংনা থবক চঙবা য়াবগী মশান্না মশিং অসি ৪৩দগী ৬৩দা হেনগৎখ্রে। দি.ও.পি.তি.না ফোঙবা মসিগী শেমদোক্লবা লিস্ত অসিগী মনুংদা য়াওরিবা অনৌবা দিসিপ্লিন ২০ অদুদিঃ বেজবোল, বোদীবিলদিং (হান্নগী মতমদা জীম্নাস্তিক্কী শরুক অমা ওইনা য়াওরম্বা), সাইক্লিং পোলো, মনা পঙবগী স্পোর্ত, ফেন্সিং, কুদো, মাল্লাখম্ব, মোতোরস্পোর্ত, নেৎ বোল, পেরা স্পোর্ত (পেরালীম্পিক্স অমসুং পেরা এসিয়ন গেম্সকী মনুং চনবা দিসিপ্লিনশিং), পেনকাক সিলাৎ, রোল বোল, রগবী, সেপাক তাক্রাউ, সোফ তেন্নিস, শুতিং বোল, তেনপিন বোলিং, ত্রাইথলোন, থৌরী চিংবী অমসুং ৱুশুনি। মসিনা মসিগী মশান্নশিং অসিদা লৈবাক্কী থাক্তা শান্নরিবা শান্নরোইশিংদা পুক্নিং থৌগৎপদা নত্তনা লৈবাক অসিদা স্পোর্ত চাউখৎপগী অফবা অকোয়বা অমা শেম্বদা য়াম্না তেংবাংগনি।
![https://static.pib.gov.in/WriteReadData/userfiles/image/image002ZGNU.jpg](https://static.pib.gov.in/WriteReadData/userfiles/image/image002ZGNU.jpg)
সরকারনা শান্নবদগী পোত্থারবা মীওইশিংবু তেংবাংনবগীদমক্তা খেলো ইন্দিয়া সেন্তর ১০০০ হৌদোক্লগনিঃ শান্নরোইশিংনা শান্নবদগী পোত্থারবা তুংদা মখোয়বু পুক্নিং থৌগৎনবা অমসুং তেংবাংনবা তোঙান-তোঙানবা পোলিসী অমসুং খোঙথাং কয়া অমা পায়খৎখ্রে। স্পোর্ত মন্ত্রালয়না লৈবাক শিনবগী জিলাগী থাক্তা খেলো ইন্দিয়া সেন্তর (কে.আই.সি.) ১০০০ লিংখৎনবা ৱারেপ লৌখ্রে। মসিগী সেন্তরশিং অসি মমাংদা চেম্পিয়ন ওইখিবা মীওইশিংনা চলায়বা নত্ত্রগা মখোয়না কোচ ওইনা লৈগনি। মসিগী ৱারেপ অসিনা স্পোর্তকী গ্রাস-রুৎ লেভেলবু মপাঙ্গল কনখৎহনবগা লোয়ননা মমাংদা চেম্পিয়ন ওইরম্বা মীওইশিংনা ভারতপু শান্ন-খোৎনবগী লমদা মালেমগী শক্তি অমা ওইহনবদা তেংবাংবগা লোয়ননা শান্ন-খোৎনবগী খুত্থাংদগী পুন্সি মহিং তানবগী খুদোংচাবসু পীগনি। খেলো ইন্দিয়া সেন্তর ১০০০গী মনুংদগী হৌজিক লৈরিবা কে.আই.সি. ৪৬ অসি ২০২০-২১দা লাউথোকখিবনি। মসিগী মথক্তা, এস.এ.আই. এক্সতেন্সন সেন্তর ৬০না য়ারবা মতুংদা মখোয়বু কে.আই.সি.দা ওন্থোকখ্রে।
ইং ২০২০দা খেলো ইন্দিয়া স্কিম্না পাংথোকখিবা তোঙান-তোঙানবা খোঙথাংশিং
- এস.এল.কে.আই.সি.: খেলো ইন্দিয়া স্তেৎ সেন্তর ওফ এক্সেলেন্স (কে.আই.এস.সি.ই.) ২৪গী অয়াবা পীখ্রে অমসুং কে.আই.এস.সি.ই. ৮ লোঞ্চ তৌখি।
- অহানবা খেলো ইন্দিয়া য়ুনিভর্সিতী গেম্স অসি ওরিশাগী ভুবনেস্বরদা লৈবা কে.আই.আই.তি. য়ুনিভর্সিতীদা মাই পাক্না পাংথোকখি।
- অহানবা খেলো ইন্দিয়া ৱিন্তর গেম্স অসি মার্চ ২০২০দা জম্মু অমসুং কশ্মিরগী গুল্মার্গতা পাংথোকখি।
- গ্রাস রুত জোনেল তেলেন্ত আইদেন্তিফিকেসন কম্মিত্তী অমসুং তেলেন্ত সর্চ এন্ড দিভেলপমেন্ত কম্মিত্তীশিং অসি গ্রাস-রুৎ অমসুং ইন্তর্মেদিএৎ থাক্তা শেমখ্রে।
- য়ু.-১৭ খেলো ইন্দিয়া বাস্কেৎবোল গর্ল্স লীগ অমসুং য়ু.-২১ খেলো ইন্দিয়া ৱিমেন হোক্কী লীগকী খোঙথাং কয়া পায়খৎখ্রে অদুবু লীগশিং অসি কোবিদকী লাইচৎ লাকপদগী য়ৈথোক্তুনা থম্লি।
- “এক ভারত, শ্রেস্থ ভারত”কী মখাদা লৈবা ভিদিও সেরিজ, ইন্দিজিনিয়স স্পোর্ত ওফ ইন্দিয়া অসি ফিৎ ইন্দিয়া মুবমেন্তকী ফেসবুক পেজ, য়ু-ত্যুব চেনেল অমসুং মাইগোব ইন্দিয়াগী য়ু-ত্যুব চেনেলদা জুন ২০২০দগী দিসেম্বর ৩১, ২০২০ ফাওবা থা খুদিংগী ওইনা লাইব স্ত্রীম তৌখি অমসুং মসিনা ঐখোয়গী ইন্দিজিনিয়স গেম্স অসিবু খুমাং চাউশিলহন্নবা চাউরাক্না মীওই মিলিয়ন ১.৭তা য়ৌবা ঙমখি। হৌজিক ফাওবগী ওইনা, সেরিজ অসিগী মখাদা লম-লমগী মশাগী মনাৎকী গেম্স ২০ হেন্না উৎখ্রে।
দীন্দয়াল উপাধ্যায় ফন্দগী মখাদা শান্নরোইশিংগী য়াইফ-য়ুম্বালগীদমক্তা পায়খৎপা খোঙথাংশিং: মখাদা পীরিবা মরমশিং অসিগীদমক্তা ‘পন্দিৎ দীন্দয়াল উপাধ্যায় নেস্নেল ৱেলিফ্যার ফন্দ তু স্পোর্তপর্সন্স’কী মখাদা শেল তাংবাং পীরিঃ
- লায়রবা শান্নরোইশিংদা তেংবাংবা
- লৈখিদ্রবা শান্নরোইশিংগী ইমুং-মনুংদা তেংবাংবা, শান্নরোইশিংগী নত্ত্রগা মহাক্কী ইমুং-মনুংগী লাইয়েংবগী তেংবাং
- ত্রেনিং তৌরিঙৈ নত্ত্রগা স্পোর্তকী কম্পিতিসন য়াওরিঙৈ মনুংদা অশোক-অপন নঙখিবগী তেংবাং
- ত্রেনিং, খুৎলাই লৈবা অমসুং লৈবাক্কী থাক্তা নত্ত্রগা মালেমগী থাক্তা লৈবা স্পোর্তকী থৌরমশিংদা য়াওবা চৎপগী তেংবাং
- কোচ অমসুং সপ্পোর্ত পর্সোনেলশিংদা তেংবাংবা
- কোচ অমসুং সপ্পোর্ত পর্সোনেলশিংদা লাইয়েংবগী তেংবাংবা
স্কিম অসিগা মখাদা লুপা করোর ১গী শেনফমগী তেংবাংগা লোয়ননা শান্নরোই ২৫দা মসিগী শেলগী তেংবাং অসি পীখ্রে।
শান্নরোইশিংগী ওইনা কোবিদকা মরী লৈনবা খোঙথাং: এস.এ.আই.গী সেন্তর খুদিংদা এস.ও.পি. শেমদুনা য়েন্থোকখ্রে। ওফিসর অমসুং কোচ খুদিংদা ভিদিও কনফরেন্সকী খুত্থাংদা কোবিদকী কাঙলোনগী পাউতাক পীখি। তোঙান-তোঙানবা নেস্নেল সেন্তর ওফ এক্সেলেন্স (এন.সি.ও.ই.)শিংদা চত্থবা ত্রেনিংশিং তাঙ্কক নায়না মখা চত্থখি। শান্নরোইশিংদা খুদোংচাদবা লৈহন্দনবা হায়দুনা নীংথিনা চেকশিনবগী থবক পাংথোকখি। ত্রেনিং মখা চত্থরবা মতুংদা য়াওবা লাকখিবা কিলোমীতর ৫০০দগী হেন্না লাপ্না লৈবশিংদা প্লেনগী তিকেৎ অমসুং কিলোমীতর ৫০০গী মনুংদা লৈবশিংদনা ত্রেনগী তিকেৎশিং পীনবা এস.এ.আই.না শিন লাঙখি। মখোয়গী লৈফম চাফমগীদমক্তা খ্বাইদগী নীংথিবা মওংদা শিনখি উমসুং মখোয়বু তেক্ত-কায়দবা অকোয়বদা লৈহন্নবগীদমক্তা এয়র ববল শেমখি অমসুং মখোয়না তঙাই-ফদবা খুদিংমক য়ারিবমখৈ ফংহন্নবা হোৎনখি।
কোবিদ লাইচৎকী লুরবা মতমসিদা খেলো ইন্দিয়াগী এথলেৎশিংবু তেংবাংনবা হায়দুনা আউৎ ওফ পোকেৎকী মরী লৈননা থা অমদা লুপা ১০,০০০গী শেলগী তেংবাং পীখি।
****
(Release ID: 1687149)
Visitor Counter : 130