কেন্দ্রগী হেল্থ সেক্রেতরীনা মহারাস্ত্র, কেরেলা, ছত্তিসগর, অমসুং ৱেস্ত বেঙ্গলদা চে থাদুনা মখোয়দা কোবিদ১৯ কেসশিং হেনগৎলক্লিবা অসি লাকশিন্নবা থবক পাইখৎনবা খঙহনখ্রে। হৌখিবা নুমিৎ খরনি অসিদা রাজ্যশিং অসিনা নুংতিগী থেংনবা অনৌবা কেসশিংদা মশিং হেনগৎলকপগী রিপোর্ত তৌরকখি।

মরু ওইনা লৈবাক খদা থেংনখিবা ভাইরস অসিগী অনৌবা স্ত্রেন ভারতকী রাজ্য খরদা রিপোর্ত তৌরকখিবা অসি য়েংলগা রাজ্যশিংদা ‘অকনবা মীৎয়েং’ চংনবা অমদি কেসশিং হেনগৎলক্লিবা অসি য়েংশিন্নবা থবক পাইখৎনবা য়াথং পীখি। হকশেল সেক্রেতরীনা রাজ্যশিংনা তেস্ত তৌবগী চাং তাথরকপা অমদি হন্থরকপা অসিদা রাজ্যশিংনা মীৎয়েং চংনবা হায়রদুনা মহাক্না হায় শন্দোকপা লাকশিন্নবা ঐখোয়না পুন্না হোৎনখিবশিং অসিগী ফলশিং অসি অসুক লুরবা তানফম অসিদা লাইথোক্তুনা মাংহনদনবা ফোঙদোকখি। দিস্ত্রিক্ত অমদি সব-দিস্ত্রিক্তকী থাকশিংদা হেনগৎলক্লিবা অসিগী মরমশিং খঙদোক্নবা এনালাইস তৌনবা অমসুং হায়রিবা অসি লাকসিন্নবা প্রোএক্তিব ওইনা থৌরাং মরাং কাইনা পাইখৎনবা মখোয়দা য়াথং পীখি। লৈবাক অসিনা “তেস্ত-ত্রেক-ত্রীৎ”কী লালোং পাইখৎখিবা অসি হৌজিক্না হেন্না অকনবা মওংদা ইমপ্লিমেন্ত তৌনবা কেন্দ্রগী হকশেল সেক্রেতরীনা ফোঙদোকখ্রে। বেক্সিনেসনগী দ্রাইব হৌগদৌরবসু রাজ্যশিংগী হেল্থ ওথোরিতীশিংনসু মাস্ক উপ্পা অমসুং অতোপ্পা কোবিদকা চুনবা চৎন-লোনচৎ ঙাক্না চৎনবা য়াথং পীখি। কোবিদ১৯গী কন্তেনমেন্ত অমসুং মেনেজমেন্গী পুন্না হোৎনরিবশিং অসিদা লাইথোক্তনবা হোৎনবা মরু ওই হায়না হেল্থ সেক্রেতরীনা অকনবা ৱাফম ফোঙদোকখি।

রাজ্যশিংনা লাইচৎ অসি লাকশিনবদা মথৌ তাবা মতেং পুম্নমক হকশেল মন্ত্রালয়না পীগনি হায়না থাজবা পীখি।

লৈবাক অসিগী অপুনবা এক্তিব কেসশিংগী ৫৯%দি রাজ্য মরি অসিদগী ওইখি।

কেরেলাদা লৈরিবা অপুনবা কোবিদ১৯ কেস অসি ৭,৯০,৮৮২ ওইখি হায়রিবা অসিনা অপিনবা কেসকী ৭.৬১% ওই। এক্তিব কেসশিংনা ৬৫,২৫২ (লৈবাক্কী অপুনবা মশিংগী ২৮.৬১% য়াওরি) ওইখি। ফগৎখিবা কেসশিংগী অপুনবা মশিং ৭,২২,৪২১ ওইরি মসিনা নাবা ফগৎলকপগী চাং ৯১.৩৪ ওইহল্লি অমরোমদা রাজ্য অসিদা কেস ফেসতেলিতী রেৎ ০.৪১% ওইদুনা শীখিবগী অপুনবা মশিং ৩,২০৯ শুখ্রে। হৌখিবা নুমিৎ ৭নিদা নুংতিগী থেংনবা কেসকী চাংচৎ অসি ৫,০২৩ ওইখি অমরোমদা হৌখিবা নুমিৎ ৭নিদা নুংতিগী শীবগী চাংচৎ অসি ২৩ ওইখি। কেরেলাগী তেস্ত পর মিলিয়ন (তি.পি.এম.) অসি ১,৯৬,৪৩২ ওইখি অমদি পোজিতিব ওইবগী চাংনা ১১.২৮% ওইখি।

রাজ্য অসিদা তেস্ত তৌখিবগী অপুনবা অসি হৌখিবা চয়োল অনিদা হন্থরকপা লোইননা পোজিতিবিতী রেৎ হেনগৎলকপদা হেল্থ সেক্রেতরীনা নুংনাংবা ফোঙদোকখি। হৌখিবা চয়োল অনিদা চয়োলগী ওইবা পোজিতিবিতী রেৎ অসি লেপ্তনা ১১%গী মথক্তা লৈখি অমরোমদা চপ মান্নবা মতম অসিদা লৈবাক অসিগী পোজিতিবিতী রেৎ অসি ২.৫%দগী তাখি।

মথক্তা পনখ্রিবশিং অসি য়েংলগা কেন্দ্র সরকারনা কেরেলাদা নেস্নেল সেন্তর ফোর দিজিজ কন্ত্রোল (এন.সি.দি.সি.)গী দিরেক্তর দা. এস.কে. সিংহনা লুচিংবা অৱাংবা থাক্কী কেন্দ্রগী তীম অমা থাজিনখ্রে। তীম অসিনা রাজ্য সরকারনা কোবিদ-১৯ মেনেজমেন্তগী পাইখৎলিবা পব্লিক হেল্থকী খোঙথাংশিং য়েংশিনগনি অমসুং খোঙথাংশিং অসি লৌখৎপদা রাজ্যগী হেল্থ ওথোরিতীশিংগী মতেং পাংগনি।

মহারাস্ত্রগী অপুনবা কেস ১৯,৫৪,৫৫৩ শুদুনা লৈবাক অসিগী মশিংগী ১৮.৮০% ওইখি। রাজ্য অসিদা মীওই ১৮,৫২,৭৫৯ ফগৎতুনা ফগৎপগী চাং ৯৪.৭৯% ওইহনখি। রাজ্য অসিগী এক্তিব কেসশিং অসি ৫১,৯৬৯ (লৈবাক অসিগী মশিংদা ২২.৭৯%) ওইরি। সি.এফ.আর. ২.৫৫%গা লোইনা রাজ্য অসিদগী পুন্না শীখিবা ৪৯,৮২৫ রিপোর্ত তৌরকখি। হৌখিবা নুমিৎ ৭নিদা মহারাস্ত্রদা নুংতিগী থেংনবা কেসকী চাংচৎ অসি ৩,৭০৭ ওইখি অমসুং হৌখিবা নুমিৎ ৭নিদা নুংতিগী শীবগী চাংচৎ অসি ৫১ ওইখি।

তি.পি.এম.না ১,০২,৮৭০ ওইখি অমদি পোজিতিব ওইবগী চাংনা ১৫.৪৩% ওইখি।

ছত্তিসগরনা অপুনবা কেস ২,৮৫,৫৮৬ রেজিস্তর তৌখি (অপুনবগী %দা শরুক ২.৭৫% ওই) অমসুং নাবা ফগৎলকপগী চাং ৯৫.৬০% ওইবগা লোইননা পুন্না ফগৎখিবা মশিং ২,৭৩,০৩০ শুখ্রে। ঙসি ফাওবদা এক্তিব কেসশিং অসি ৯,১০৯ (লৈবাক্কী লৈরিবা মশিংদা অরুক ৩.৯৯%) ওইখি। রাজ্য অসিদা শীখিবশিংগী মশিং অসি ৩,৪৪৭ ওইখি অমদি কেস ফেতেলিতী রেৎনা ১.২১% ওইখি। হৌখিবা নুমিৎ ৭নিদা ছত্তিসগরদা নুংতিগী থেংনবা কেসকী চাংচৎ অসি ১,০০৬ ওইখি অমরোমদা হৌখিবা নুমিৎ ৭নিদা নুংতিগী শীবগী চাংচৎ অসি ১৩ ওইখি।

পোজিতিব ওইবগী চাংনা ৮.৩১% ওইবগা লোইননা তি.পি.এম.না ১,১৬,৭৪৪ ওইখি।

ৱেস্ত বেঙ্গলনা অপুনবা কেস ৫,৫৭,২৫২ রিপোর্ত তৌখি (অপুনবা কেসকী %তা লৈরিবা শরুক – ৫.৩৬%), ফগৎপগী চাং ৯৬.৬৪%গা লোইননা পুন্না ফগৎখিবা ৫,৩৮,৫২১ ওইখি। এক্তিব কেস ৮,৮৬৮ ওইদুনা লৈবাক অসিগী লৈরিবা মশিংগী ৩.৮৯% ওইখি। রাজ্য অসিদা পুন্না শীখিবা ৯,৮৬৩ ওইখি অমদি কেস ফেতেলিতী রেৎ ১.৭৭% ওইখি। হৌখিবা নুমিৎ ৭নিদা ৱেস্ত বেঙ্গলদা নুংতিগী থেংনবা কেসকী চাংচৎ অসি ৯০৮ ওইখি অমরোমদা হৌখিবা নুমিৎ ৭নিদা নুংতিগী শীবগী চাংচৎ অসি ২৫ ওইখি।

তি.পি.এম.না ৭১,৭৬২ ওইখি অমদি পোজিতিব ওইবগী চাংনা ৭.৮০% ওইখি।

****