امور داخلہ کی وزارت
مرکزی وزیر داخلہ جناب امت شاہ نے جموں وکشمیر کی صنعتی ترقی کے لیے سرکاری سیکٹر کی اسکیم کی اقتصادی امور کی کابینہ کمیٹی کی طرف سے منظوری کا خیر مقدم کیا ہے
’’وزیر اعظم جناب نریندر مودی نے دہشت گردی اور علاحدگی پسندی کا قلع قمع کرکے جموں وکشمیر میں ترقی کی شروعات کی ہے‘‘
’’کابینہ کی طرف سے جموں وکشمیر کی صنعتی ترقی کے لیے 28400 کروڑ روپئے کی مرکزی سیکٹر کی اسکیم کی منظوری سے ثابت ہوتا ہےکہ مودی جی کے دل میں جموں وکشمیر کے لیے خصوصی درجہ پنہاں ہے‘‘
’’یہ مودی جی کی پُروژن قیادت ہے جس کے نتیجے میں پہلی مرتبہ ایک اسکیم کے ذریعے صنعتی ترقی کو بلاک کی سطح پر لے جایا جارہا ہے اس کے لیے میں جناب نریندر مودی جی کو مبارکباد دیتا ہوں‘‘
’’یہ اسکیم جموں وکشمیر کی گھریلو صنعت، دستکاری، بہت چھوٹی، چھوٹی اور درمیانہ درجے کی صعنتوں کے لیے ایک نعمت ثابت ہوگی‘‘
’’اس اسکیم سے جموں وکشمیر میں خوشحالی نیا سورج طلوع ہوگا، اس سے بے مثال سرمایہ کاری حاصل ہوگی اور تقریباً ساڑھے چار لاکھ لوگوں کو روزگار ملے گا‘‘
’’اس سے نوجوانوں میں ہنرمندی پیدا ہوگی اور موجودہ صنعتوں کو استحکام ملے گا تاکہ جموں وکشمیر کو بھی وہی صلاحیت حاصل ہو جو ملک کے دیگر علاقوں کو حاصل ہے‘‘
Posted On:
07 JAN 2021 5:32PM by PIB Delhi
نئی دہلی،7/جنوری ،مرکز وزیر داخلہ جناب امت شاہ نے جموں وکشمیر کی صنعتی ترقی کی مرکزی سیکٹر کی اسکیم کی اقتصادی امور کی کابینہ کمیٹی کی طرف سے منظوری کا خیر مقدم کیا ہے۔ کئی ٹوئٹ پیغامات میں جناب امت شاہ نے کہا ہے، ’’وزیر اعظم جناب نریندر مودی نے دہشت گردی اور علاحدگی پسندی کا قلع قمع کرکے جموںوکشمیر میں ترقی کا آغاز کیا ہے۔ کابینہ کی طرف سے جموں وکشمیر کی صنعتی ترقی کے لیے 28400 کروڑ روپئے کی مرکزی سیکٹر کی اسکیم کی منظوری سے ثابت ہوتا ہے کہ مودی جی کے دل میں جموں وکشمیر کو ایک خصوصی حیثیت حاصل ہے‘‘۔
مرکزی وزیر داخلہ نے کہا ہے، ’’یہ مودی جی کی پُروژن قیادت ہے جس کے نتیجے میں پہلی مرتبہ ایک اسکیم کے ذریعے صنعتی ترقی کو بلاک کی سطح پر لے جایا جارہا ہے۔ اس سے داخلی سامان سازی کو فروغ ملے گا اور روزگار کے مواقع کا راستہ بلاک کی سطح تک کھل جائے گا۔ اس کے لیے میں جناب نریندر مودی جی کو مبارکباد دیتا ہوں‘‘۔
جناب امت شاہ نے کہا ہے ، ’’یہ اسکیم جموں وکشمیر میں گھریلو صنعت، دستکاریوں، بہت چھوٹی، چھوٹی اور درمیانہ درجے کی صنعتوں کے لیے ایک نعمت ثابت ہوگی۔ اس سے سامان تیار کرنے اور سروس سیکٹر میں نئے ایم ایس ایم ای یونٹ قائم کرنے میں مدد ملے گی اور موجودہ یونٹوں کی توسیع کی حوصلہ افزائی ہوگی‘‘۔
انھوں نے یہ بھی کہا ہے، ’’اس اسکیم سے جموں وکشمیر میں خوشحالی کا ایک نیا سورج طلوع ہوگا۔ اس کے ذریعے بے مثال سرمایہ کاری کو ترغیب ملے گی اور تقریباً ساڑھے چار لاکھ لوگوں کو روزگار ملےگا۔ اس سے نوجوانوں کی ہنرمندی میں مدد ملے گی اور موجودہ صنعتوں کو استحکام حاصل ہوگا تاکہ جموں وکشمیر بھی ایسا ہی ہوجائے جیسے ملک کے دوسرے علاقے ہیں۔
*******
م ن۔ اج ۔ ر ا
U:189
(Release ID: 1686981)
Visitor Counter : 120