ঙা য়োকপা, শা-শন য়োকপা অমসুং শঙ্গোম পুথোকপা মন্ত্রালয়
কেরলাগী ঙানুশিংদা এভিয়ান ইনফ্লুএঞ্জাগী ফিবমগী রিপোর্ত অমসুং লৈবাক অসিদা লৈরিবা ক্বাক/লমলক্কী শা/লমকোই উচেকশিংগী ওইবা এভিয়ান ইনফ্লুএঞ্জাগী রিপোর্ত
Posted On:
06 JAN 2021 8:12PM by PIB Imphal
মসি কেরলাগী, থালাবাদিগী খা-থংবা খুঙ্গং, অলাপ্পুঝা দিস্ত্রক্তকী থাকাঝি, পাল্লিপদ, কারুবত্তা অমসুং কোত্তায়াম দিস্ত্রীক্তক্কী নিন্দুর খুঙ্গংদা এভিয়ান ইনফ্লুএঞ্জা থিংবা অমসুং লাকশিনবগী অপদেৎকী ফিবম্নি।
রিপোর্ত ফংবগী মতুং ইন্না, অপুনবা আর.আর.তি.এস. ৫ হায়রিবা মথক্কী অলাপ্পুঝা দিস্ত্রক্তকী ইপিসেন্তর ৪দা মফম শেমদুনা লৈখ্রে অমসুং আর.আর.তি.এস. ৮ অমনা কোত্তায়াম দিস্ত্রীক্তক্কী নিন্দুরদা কল্লিং তৌনবা লৈখ্রে।
অপুনবা উচেক ১৭৩২৬ (পল্লিপদতা ৯০৬৬, কারুবত্তাদা ৮২৬০) হাৎখ্রে অমসুং অপুনবা মচিঞ্জাক মশিং কিলোগ্রাম ১৫৭০ অলাপ্পুঝা দিস্ত্রীক্তক্তা মাংহনখ্রে। কোত্তায়াম দিস্ত্রীক্তক্কী ইপিসেন্তরদা উচেক ৪২২৯ হাৎখ্রে অমসুং অপুনবা মচিঞ্জাক কিলোগ্রাম ৮ অমসুং য়েরুম ৪২ অসি ০৬.০১.২০২১দা মাংহনখ্রে। (মরিকচুম্বা এন্নেক্স তৌরি)
মখা তানা, রাজস্থানগী জয়পুরগী নাক্কাদা লৈবা কালে হানুমানজি উমংদগী ক্বাক্কী সেম্পলদা এভিয়ান ইনফ্লুএঞ্জা ভাইরস ঐচ৫এন৮ পোজিতিব ওইবা থেংনখি। লোয়ননা মখা তানা পোলত্রীদা শন্দোক্তনবা স্তেতশিং অসিদা পাউতাক পীখ্রে। হারিয়ানাদা য়ুমদা য়োকপা উচেক মহৌশাগা মান্নদবা মওংদা শিবা ৭১১১ থেংনরি, মধ্য প্রদেশতা উচেক ১৫০, গুজরাত্তা ক্বাক ১০, হিমাচল প্রদেশতা লমকোই উচেক ৩৩৬ শিবা ঙসি থেংনরি।
হারিয়ানাদগী ফংবা পাউ অমদা, নুমিৎ ২৫ অসিগী মনুংদা বার্ৱালা, পানচকুলাদা অপুনবা উচেক ৪৩০২৬৭ শিখি অমসুং সেম্পলশিং অসি মরী লৈনবা লেবতা তেস্তিংগীদমক থাখ্রে, মসিগী রিজল্ত ঙাইরি। স্তেতশিং অসিদা লাকশিন্নবা আর.আর.তি.এস. ৫৯ শেমগৎখ্রে অমসুং লায়না অসি নমথরি।
*****
(Release ID: 1686685)
Visitor Counter : 149