ইন্দিয়া মেতিওরোলোজিকেল দিপার্তমেন্ত (আই.এম.দি.)গী ক্লাইমেৎ রিসর্স এন্দ সর্বিসেস (সি.আর.এস.) না স্তেসমেন্ত ওন ক্লাইমেৎ ওফ ইন্দিয়া দ্যুরিং ২০২০ ফোংখ্রে

হায়লাইতস

চহিগী ওইবা ইন্দিয়া পুম্বগী ২০২০গী মনুংদা লৈবা মিন লেন্দ লৈমাইগী নুংশিৎকী তেম্পেরেচর অসি মহৌশাগুম লৈরি। চহি অসিগী মনুংদা, চহিগী ওইবা লৈবা মিন লেন্দ লৈমাইগী নুংশিৎকী তেম্পেরেচর অসি +০.২৯^০C নি (১৯৮১-২০১০ ফাওবগী দাতাগী মতুং ইন্না)। ২০২০ অসি ১৯০১দগী রেকোর্দ তৌরকপদগী নিপালশুবা খ্বায়দগী শাবা চহি ওইরি। অদুম ওইনমক মসি ২০১৬দদি খর নেম্না (+০.৭১^০C ) তা লৈখি। নোংজুথা অমসুং নোংজুথা মতুং অসি মিন তেম্পেরেচরগা (অশেংবা তেম্পেরেচর-মহৌশাগী তেম্পেরেচর) অসিগা +০.৪৩^০C অমসুং +০.৫৩^০C মথংশিৎনা শাগৎলকপা অসিদা মতেং পাংলি। অদুম ওইনমক, নোংজুথা মমাংদদি তেম্পেরেচর অসি মহৌশাগী মখাদা লৈরি (+০.০৩^০C)।  

২০২০ মনুংগী মালেমগী ওইবা মিন সরফেস তেম্পেরেচর এনোমলি (দবল্যু.এম.ও. স্তেত ওফ দ গ্লোবেল ক্লাইমেৎকী জানুৱারী দগী ওক্তোবর ফাওবা) অসি +১.২^০C নি (লৌফম:https://public.wmo.int/en/our-mandate/climate/wmo-statement-state-of-global-climate)।

২০২০গী চহিগী ওইবা নোংজু অসি লৈবাক অসিগী ওইনা লোং পেরিওৎ এবেরেজ (এল.পি.এ.)গী ১৯৬১-২০১০ ফাওবগী দাতাদা বেজ তৌবদা ১০৯% ওইরি। লৈবাক অসিগী নোংজুথাগী নোংজু অসি মহৌশাদগী মথক্তা লৈ অমসুং এল.পি.এ. অসি ১০৯% ওইরি।

তেম্পেরেচরশিং

চহিগী ওইবা ২০২০গী মনুংদা লৈবা মিন লেন্দ লৈমাইগী নুংশিৎকী তেম্পেরেচর অসি ১৯৮১-২০২০দা +০.২৯^০C মথক্তা লৈরি, অসুম্না ২০২০ অসি ১৯০১দগী খ্বায়দগী শাবা নিপালশুবা চহি ওইনা রেকোর্দ লৈরি (ফিগ.১)। খ্বায়দগী শাবা চহি মঙা অসি মথং-মনাও নাইনা মদুদি: ২০১৬ (+০.৭১^০C), ২০০৯ (+০.৫৫^০C), ২০১৭  (+০.৫৪১^০C), ২০১০ (+০.৫৩৯^০C), অমসুং ২০১৫ (+০.৪২^০C)অসিনি। পনবা য়াই মদুদি খ্বায়দগী শাবা চহি ১৫গী মনুংদা ১২ অমদি হৌখিবা চহি ১৫ (২০০৬-২০২০)অসিগী মনুংদা ওইরি। হৌখিবা দিকেৎ (২০০১-২০১০/২০১১-২০২০) অসি এনোমালি  ০.২৩^০C/ ০.৩৪^০C ওইদুনা খ্বায়দগী শাবা দিকেৎ ওইরি। ১৯০১-২০২০গী মনুংদা লৈবাক অসিগী চহিগী ওইবা মিন তেম্পেরেচর অসি ০.৬২^০C/১০০ (ফিগ.১)দা উৎলি লোয়ননা মশক থোক্না হেনগৎতুনা তেম্পেরেচর অসি (০.৯৯^০C/১০০) অমসুং তপ্না হন্থরক্তুনা (০.২৪^০C/১০০) খ্বায়দগী নেম্বা তেম্পেরেচর ওইরি।     

লৈবাক্কী ওইবা সিজনেল মিন তেম্পেরেচরশিং অসি নোংজু পান্থা নত্তনা অতৈদি চাংগী মথক্তা লৈ। লৈবাক অসিগী এবেরেজ মিন অসি মার্চ অমসুং জুন নত্তনা মহৌশাদগী হেন্না শাই।

মিন তেম্পেরেচর অসি সেপ্তেম্বর (০.৭২^০C, ১৯০১দগী খ্বায়দগী শাবা) মহৌশাদগী হেল্লি, ওগস্ত (০.৫৮^০C,  অনিশুবা খ্বায়দগী শাবা), ওক্তোবর (০.৯৪^০C, ৩শুবা খ্বায়দগী শাবা), জুলাই (০.৫৬^০C, ৫শুবা খ্বায়দগী শাবা) অমসুং দিসেম্বর (০.৩৯^০C, ৭শুবা খ্বায়দগী শাবা)নি।

নোংজু

লৈবাক শিনবা থুংনা চহিগী ওইবা নোংজু অসি ১১৭.৭ সি.এম.এস.গী লোং পেরিওৎ এবেরেজ (এল.পি.এ.)দা ১০৯% ওইখি। মতমগী পরিং ওইনা চহিগী ওইবা নোংজু অসি লৈবাক্কী ওইবা অসি ১৯০১দগী মপুং ওইনা ফিগ.২ দা উৎলি। সিজন অসিদা লৈবাক অসিগী অপাকপা মফম মরি সেন্ত্রেল ইন্দিয়া, খা পেন্নিসুলার, নোংপোক অমসুং অৱাং নোংপোক ইন্দিয়া সিজনগী ওইবা নোংজু অসি ১১৫%,১২৯%, অমসুং ১০৬% মসিগী এল.পি.এ. মথংশিৎনা মরক অসিদা ৮৪% অমনা অৱাং-নোংপোক্তা সিজনেল ওইবা নোংজু লৈ।

লৈবাক অসিগী ২০২০দা অৱাং নোংপোক নোংজু সিজন (ওক্তোবর-দিসেম্বর) অসি মহৌশাগুম লৈ (এল.পি.এ.গী ১০১%) । খা পেন্নিসুলা মফমগী অৱাং নোংপোক্কী নোংজুথাগী নোংজু সিজন (সবদিবিজন ৫ য়াওনা মখোয় অদুদি: কোস্তেল অন্ধ্র প্রদেশ, রায়ালাসিমা, তামিল নাদু অমসুং পুদুচেরী, খা থংবা কর্নাতকা অমসুং কেরলা পুম্বা) অসিশু মহৌশাগুম লৈ(এল.পি.এ.গী ১০১%)। সব-দিবিজন মঙা কেরলা নত্তনা অহেনবা/মহৌশাগী ওইবা নোংজু ফংই।

ইন্দিয়ন শমুদ্রগী ত্রোপিকেল ওইবা নোংলৈ নুংশিৎ

২০২০গী মনুংদা অৱাংথংবা ইন্দিয়ন ওসিন্দা সাইক্লোন ৫ থোকখি। মখোয় অদুদিঅকনবা সাইক্লোনিক ওইবা নোংলৈ নুংশিৎ এমফান, য়াম্না শাথিনা কনবা সাইক্লোনিক ওইবা নোংলৈ নুংশিৎ নিভার অমসুং গাতি, য়াম্না শাথিনা কনবা সাইক্লোনিক ওইবা নোংলৈ নুংশিৎ নিসার্গা অমসুং সাইক্লোনিক ওইবা নোংলৈ নুংশিৎ ‘বুরেবি’নি। হায়রিবা অসিদা নিসার্গা অমসুং গাতিনা আরাবিয়ান শমুদ্রদা থোকখি, অমদি লেমহৌরিবা এমফান, নিভার অমসুং বুরেবিনা বে ওফ বেঙ্গালদা থোকখি। অমাং অতা য়াম্না থোকহনখিবা সাইক্লোন মঙা অসিগী মনুংদা য়াম্না কনবা সাইক্লোন এমফান অসি নোংজু থা মমাং অমসুং ৱেস্ত বেঙ্গালগী শমুদ্র মপাল সুন্দরবন লান্না মে ২০দা থোকখি। মসিদা মীওই ৯০ অশি অনা থোকপা অমসুং চাওরাক্না য়ুমদা য়োকপা শা-উচেক ৪,০০০ রোম ৱেস্ত বেঙ্গালদা মাং-তাকহনখি। য়াম্না শাথিনা কনবা সাইক্লোনিক ওইবা নোংলৈ নুংশিৎ নিসার্গানা নোংজু থা মনুংদা মহারাস্ত্রা লান্না জুনগী ৩দা থোক্তুনা মীওই ৪ অমসুং চাওরাক্না য়ুমদা য়োকপা শা-উচেক ২০০০রোম মহারাস্ত্রাদা শোকখি। অতৈ সাইক্লোন ৩ মদুদি নিভার, বুরেবি অমসুং গাতিনা নোংজুথা মতুংদা থোকখি। য়াম্না শাথিনা কনবা সাইক্লোনিক ওইবা নোংলৈ নুংশিৎ নিভারনা তামিল নাদু অমসুং পুদুচেরীগী শমুদ্র মপাল লান্না লাক্তুনা তামিল নাদু অমসুং অন্ধ্র প্রদেশতা মীওই ১২ অমসুং চাওরাক্না য়ুমদা য়োকপা শা-উচেক ১০৮৩৬ রোম শোকখি। নোংলৈ নুংশিৎ ‘বুরেবি’না তামিল নাদুদা মীওই ৯ অমসুং চাওরাক্না য়ুমদা য়োকপা শা-উচেক ২০০রোম তামিল নাদুদা শোকখি। নোংলৈ নুংশিৎ গাতিনা সোমোলিয়াগী মফম খর শোকখি। চহি অসিদা থোকখিবা সাইক্লোন অসি ফিগর ৩ (এ) অমসুং ৩ (বি) দা উৎলি।    

য়াম্না ৱাংনা শোকখিবা অইং-অশাগী থৌদোক

লৈবাক অসিনা অতৈ অইং-অশাগী ওইবা অকনবা চৈথেং থেংনখি থৌদোকশিং অদুদি অকনবা নোংজু, ঈশিং ইচাওশিং, চীং কিন্থবা, অখাক অরাও য়াওবা নোংলৈ-নুংশিৎ, নোংথাং, য়াম্না কন্না ইংবা, অসিনচিংবা অসিনি (ফিগ. ৪)। খর অমনা মখাদা পীরি। অশি অনাগী পাউ অসি মেদিয়া অমসুং সরকারগী রিপোর্ত মতুং ইন্ননি।

বিহার অমসুং উত্তর প্রদেশ অসি খ্বায়দগী শাথিনা শোকখিবা স্তেতশিংনি মসিদা অকনবা নোংলৈ নুংশিৎ, অখাক-অরাও ব্রজ তাবা অমসুং য়াম্না ইংবা অসিনা অশি অনা ৩৫০গী য়াওবগী রিপোর্ত তৌরি।

অকনবা নোংজু অমসুং ঈশিং ইচাওনা লৈবাক অসিগী মফম কয়াদা নোংজু মমাং, মনুং, অমসুং মতুংদা মীওই ৬০০কী মপুন্সি মাংহনখি। মসিগী মনুংদা পুন্সি ১২৯ অমনা আসামদা, ৭২ অমনা কেরলাদা [মরুওইনা, ৬৫ অমদি মুন্নারগী পেত্তিমুদি, কেরলাগী ইদুকিদা ওগস্তকী ৭তা চীং কিন্থবদা], ৬১ অমনা তেলঙ্গানা (মসিদা, ৫৯ অমনা ওক্তোবরগী ১দগী ২০ ফাওবগী মনুংদা), বিহারদগী ৫৪, মহারাস্ত্রাদগী ৫০, উত্তর প্রদেশতগী ৪৮ অমসুং হিমাচল প্রদেশতগী ৩৮নি। লৈবাক অসিগী মফম কয়াদা নোংথাং অমসুং ব্রজ তাবদা মীওই ৮১৫ লৈখিদগী রিপোর্ত লৈরি। মসিদা বিহারদগী ২৮০, উত্তর প্রদেশতগী ২২০, ঝরখন্দদগী ১২২, মধ্যা প্রদেশতগী ৭২, মহারাস্ত্রীদগী ২৩ অমসুং অন্ধ্র প্রদেশতগী ২০ অসি ময়েং শেংনা তাক্লি।

খ্বায়গী চাওনা থোকখিবা অইং অশাগী থৌদোক অসি ২০২০ মনুংদা থোকখি অমসুং মরী লৈনবা অশি-অনাগী পাউ অসি ফিগ. ৪দা উৎলি।

মরীক চুম্বাগীদমক, চানবিদুনা মফম অসিদা নম্বিয়ু

***