এসিয়ান দিবলপমেন্ত বেঙ্ক (এ.দি.বি.) অমসুং ভারত সরকারগা লোয়ননা ২০২০গী দিসেম্বরগী ৩১দা কর্নাতকা স্তেতকী ইলেক্ত্রিসিতি সপ্লাই হেন্না ফগৎহন্নবা পাৱর দিস্ত্রীব্যুসন সিস্তেম অসিবু মতমগা চুনবা অমসুং হেন্না ফগৎন্নবা দোল্লার মিল্লিয়ন ১০০গী লোনগীদক সহি তৌনখ্রে।

বেঙ্গালুরু স্মার্ত ইনর্জি ইফিসিএন্ত পাৱর দিস্ত্রীব্যুসন প্রোজেক্ত অসিগী সহি তৌনরিবশিং অদুদি ভারত সরকারগী ওইনা ফাইনান্স মিনিস্ত্রীদা ইকোনোমিক এফিয়র্স দিপার্তমেন্তগী এদিসনেল সেক্ত্রেতরী দাঃ সি.এস. মোহাপাত্রা অমসুং এ.দি.বি.গী ওইনা সহি তৌখিবা এ.দি.বি. ইন্দিয়া রেসিদেন্ত মিসনগী ওফিসর ইন চার্জ মিস্তর হৌ য়ুন জিয়োংনি।  

দোল্লার মিল্লিয়ন ১০০গী মথক্তা, এ.দি.বি.না দোল্লার মিল্লিয়ন ৯০ অমসু সোভেরেন গুরান্তি লোন অসি বেঙ্গলোর ইলেক্ত্রিসিতি সপ্লাই কম্পনি লিমিতেৎ (বি.ই.এস.সি.ও.এম.) অসিদা পীগনি।

লোনগী এগ্রীমেন্ত অসি সহি তৌনরবা মতুংদা, দাঃ মোহাপাত্রানা হায় মদুদি মথক্তা পুরম্বা লাইনশিং অসি লৈনুংগী ওইবা কেবলদা পুবনা ইনর্জি য়াম্না হেন্না পীবা নেতৱার্ক অমা ওইগনি, তেক্নিকেল অমসুং কম্মর্সিএল ওইবা অমাং-অতা হন্থগনি অমসুং সাইক্লোন অমসুং মপানগী ওইবা য়ৈখায় থিনগাইবনা ইলেক্ত্রিসিতি ফংদবা হন্থরগনি।

মিস্তর জিওংনা হায় মদুদি প্রোজেক্ত অসিনা অনৌবা শেল-থুমগী ওইবা শিল-লাংবা অমা উৎলি, মসি এ.দি.বি.গী অহানবা মখলনি। হায়রিবা অসি মশক থোক্না অঙম্বা অসি হন্থনবা অমসুং বি.ই.এস.সি.ও.এম.দা কেপিতেল এক্সপেন্দিচরদা ফন্দ হাইগৎপা হন্থরক্নবনি।

লৈনুংগী ওইবা কেবল তিংলিবা অসিগী খমব্রাংননা, কিলোমিতর ২,৮০০রোমগী ওপ্তিকেল ফাইবর অমসু ই-পাও ফাওনবগী নেতৱার্ক কনখৎনবা হাপকদৌরি। কিলোমিতর ৭,২০০রোম তিংগদৌরিবা লৈনুংগী লাইন অসিনা তেক্নিকেল অমসুং কম্মর্সিএল মাংবা অসি ৩০% হন্থহনগনি। ফাইবর ওপ্তিকেল কেবল অসি স্মার্ত মিতরিং সিস্তেম, দিস্ত্রীব্যুসন ওতোমেসন সিস্তেম (দি.এ.এস.) অসি শিজিন্নগনি। প্রোজেক্ত অসি ওতোমেতেৎ রিং ১,৭০০ দি.এ.এস.গা লোয়ননা অমসুং স্বীতচগিয়রশিং অসি কন্ত্রোল সেন্তরদগী তিংলক্কনি। লোন অসিনা বি.ই.এস.সি.ও.এম. কেপাসিতিদা মপাঙ্গল কনখৎহনগনি অমসুং লৈনুংগী কেবলশিং অসি শেন্নগনি, অকোইবা অমসুং সোসিএল সেফগার্দশিং, ফাইনান্সিএল মেনেজমেন্ত অমসুং কম্মর্সিএল ফাইনান্সিএল মপাঙ্গল কনখৎহনগনি।

এ.দি.বি. অসি য়াম্না নুঙাই-য়াইফবা, পুন্না য়াওরবা, অখাং-কনবা অমসুং হন্থবা নাইদবা এসিয়া অমসুং পেসিফিক অমা ওইনবা লেপ্লি অমসুং য়াম্না শাথিনা লাইররবশিং অসি মুথৎনবা হোৎনরি। মফম ৪৯দা মেম্বর ৬৮গা লোয়ননা ১৯৬৬তা লিংখৎখি।

****