نئی دہلی،  یکم جنوری2021: ریلوے کی وزارت کے ریلوے بورڈ کے چیئر مین اور سی ای او  جناب وی کے یادو کو  کو ’’سال 2020 کے لئے سرکردہ انجنئیر ایوارڈ ‘‘ سے نواز ا گیاہے۔انجنئیرنگ اور ٹکنالوجی کے ادارے نے ( آئی ای ٹی ) نے  انہیں یہ ایوارڈ ہندوستانی ریلوے کی جدید کاری او ر اصلاحات  کے تئیں  ان کی غیر معمولی خدمات کے لئے دیا ہے ۔

ہرسال انجنئیرنگ اور  ٹکنالوجی کا ادارہ ، دہلی مقامی نیٹ ورک  15ستمبر کو  ، بھارت رتن سرایم وسویسوریا  کی سالگرہ منانے کے لئے’ انجنئیرس ڈے  ‘مناتا ہے۔اس موقع پر تکنیکی سرگرمیوں کے ساتھ ساتھ ، ادارہ  ، انجنئیرنگ اور ٹکنالوجی کے شعبے میں   غیرمعمولی  کارکردگی کے لئے  منتخب انجنئرنگ شخصیات کو   ’ سرکردہ انجنئیر کا ایوارڈ  ‘بھی پیش کرتا ہے۔

انجنئیرنگ اور ٹکنالوجی کے  ادارے کے بارے میں (آئی ای ٹی )   : انجنئیرنگ اور ٹکنالوجی کے ادارہ   ( آئی ای ٹی )، کا قیام 1871 میں   ہوا ۔ یہ ایک کثیر جہتی  پیشہ ورانہ انجنئیرنگ کا ادارہ ہے  اور یہ اس سے قبل انسٹی ٹیوٹ  آف  الیکٹریکل انجنئیرس   ( آئی ای ای ) کے نام سے معروف تھا۔یہ دنیا کے انجئیرنگ کے سب سے بڑے اداروں میں سے ایک ہے ، جس کے  150  ممالک میں 168000سے زیادہ  ممبران ہیں۔ ادارہ  اپنا عظیم الشان  150 واں  یوم تاسیس منارہا ہے۔آئی ای ٹی ،  چیریٹی  ان انگلینڈ اینڈ ویلز ( نمبر 211014) اور اسکاٹ لینڈ  (ایس سی 038698) کے طور پر رجسٹرڈ ہے۔آئی ای ٹی دہلی لوکل نیٹ ورک، جنوبی ایشیا میں   اس طرح کے 9  نیٹ ورکوںمیں سے، ایک ہے ، جو کہ آئی ای ٹی کا انڈین بازو ہے۔

*************

  م ن۔اع ۔رم

2021)-01-01)

U- 16