ফিশরীশিংগী মতাংদা ইন্দিয়া-শ্রি লঙ্কা জোইন্ত ৱার্কিং গ্রুপগী ৪শুবা মীফম অদু ভর্চুৱল মোদকী খুত্থাংদা ঙসি পাংথোকখ্রে। ইন্দিয়ন দেলিগেশন অদু দা. রাজীব রঞ্জন, সেক্রেতরী, দিপার্তমেন্ত ওফ ফিশরীজ, মিনিস্ত্রী ওফ ফিশরীজ, এনিমল হসবেন্দ্রী অমসুং দেরীয়িংনা লুচিংখি। ইন্দিয়ন দেলিগেশনগী অতোপ্পা মেম্বরশিং অদুগী মনুংদা মিনিস্ত্রী ওফ ফিশরীজ, এনিমল হসবেন্দ্রী অমসুং দেরীয়িং, মিনিস্ত্রী ওফ এক্সতর্নেল এফিয়র্স, তামিল নাদুগী সরকার, পুদুচেরীগী সরকার, ইন্দিয়ন নেভী অমসুং ইন্দিয়ন কোস্ত গার্দকী মীহুৎশিংসু য়াওখি।

শ্রি লঙ্কাগী দেলিগেশন অদু সুকুমারি আর.এম.আই. রথনায়াকে, সেক্রেতরী, শ্রি লঙ্কা সরকারগী মিনিস্ত্রী ওফ ফিশরীজনা লুচিংখি। শ্রি লঙ্কাগী দেলিগেশনগী অতোপ্পা মেম্বরশিং অদুদি মখোয়গী ফোরেন মিনিস্ত্রী, দিপার্তমেন্ত ওফ ফিশরীজ অমসুং ইক্বাতিক রিসোর্চসেস, নেভী, কোস্ত গার্দ অমসুং দিপার্তমেন্ত ওফ এতোর্নী জেনরেলদগী সেনিয়র ওফিসিয়েলশিং ওইখি।

মীফম অদুদা চহি কয়াদগী ইন্দিয়া অমসুং শ্রি লঙ্কাগী মরক্তা বাইলেতরেল দিস্কশনশিংগী এজেন্দাগী মনুং চল্লিবা ঙামী অমসুং ঙা ফানা হিশিংগা মরী লৈনবা ইশুশিং পুম্নমক অদু তানখি। নিংশিংবা য়াবদি ২০২০গী সেপ্তেম্বর ২৬তা প্রধান মন্ত্রী নরেন্দ্র মোদী অমসুং শ্রি লঙ্কাগী প্রধান মন্ত্রী, মহিন্দ্র রাজাপক্সাগী মরক্তা পাংথোকখিবা ভর্চুৱল বাইলেতরেল সম্মিতকী মননুংদা লুচিংবা অনিমক্না “চাং নাইনা কন্সল্তেশন তৌদুনা অমসুং বাইলেতরেল চেনেলশিংগী খুত্থাংদা ঙামীশিংগা মরী লৈনবা ইশুশিং অদু কোকহন্নবা মখাতানা এনগেজমেন্ত তৌনবা” য়ানখি।

সেক্রেতরী, ফিশরীজ, ভারত সরকারনা হাইলাইত তৌরকখি মদুদি হ্যুমেনিতেরিয়ান ওইবা মওংদা অমসুং মমাংদা লৈনখিবা অন্দরস্তেন্দিংশিং অদুগী মতুং ইন্না ঙামীশিং অমসুং মখোয়গী হিংনবগী লম্বিশিং অদুগা মরী লৈনবা ইশুশিং পুম্নমক কোকহন্নবা ভারতকী মায়কৈদগী শ্রি লঙ্কাগা কন্সত্রক্তিব ওইবা মওংদা থবক তৌনবা লেপ্তুনা লৈরি।

শ্রি লঙ্কাগী নেভীনা ঙামী ৪০ অমসুং হি ৬ হন্দক্তা ফাজিনখিবা অদুগী মতাংদা পল্লদুনা, ইন্দিয়ন দেলিগেশনগী লুচিংবা অদুনা শ্রি লঙ্কাগী মায়কৈদা মখোয়শিং অদুবু অথুবা মতমদা থাদোকহন্নবা হায়খ্রে অমসুং মতম অদু ফাওবগী কন্সুলার এক্সেস অমসুং মথৌ তাবা মতেংশিং য়াওনা মথৌ তাবা ফেসিলিতেশন পীনবা হায়খি। ভারতকী  মায়কৈনসু অমুক্কসু হন্না শ্রি লঙ্কাগী কস্তদীদা লৈরিবা ঙা ফানবা হিশিং অদু থাদোকপা তঙাইফদে মরমদি হায়রিবা অসি শ্রি লঙ্কাগী প্রসিদেন্তনা ২০১৯গী নোবেম্বরদা ভারত্তা লাক্লম্বা মতমদা পীরম্বা কমিৎমেন্ত অদুগী মতুং ইন্ননি।

মায়কৈ অনিমক্না পেত্রোলিং তৌবদা লৈবাক অনিমক্কী নেভী অমসুং কোস্ত গার্দকী মরক্তা লৈনরিবা কোওপরেশন, কোস্ত গার্দশিং অমসুং মরী লৈনবা ওপরেশনগী ৱাফমশিংগী মরক্তা লৈরিবা হোতলাইন, মেরিন এনভাইরনমেন্ত  ঙাক-শেন্দুনা থম্বদা তেংবাং পীনবগা লোইন-লোইননা জে.দবল্যু.জি.গী মঙশুবা মীফমগী মতমগী মতাংদা  লৈরিবা ফিভম অদুগী মতাংদা ৱাখল্লোনশিং অদু এক্চেঞ্জ তৌনখি। মায়কৈ অনিমক্তা ফিশরীজকী মিনিস্তরশিংগী মীফম ঙন্না পাংথোক্নবগীদমক্তা ভারতকী মায়কৈদগীসু শ্রি লঙ্কাগা কন্সত্রক্তিব ওইবা ৱাখল্লোনগা লোইননা থবক তৌনিংবগী মতাংদা থমোই শেংনা ফোংদোকখি।

মায়কৈ অনিমক্না কোবিদ-১৯ লাইচৎনা থোকহল্লকপা অথিংবা-অপনবশিং অদু লৈহন্দনবা ভর্চুৱল মেদিয়মদা জে.দব্ল্যু.জি. পাংথোক্নবা য়ারিবা অসিনা ঙামীশিংগা মরী লৈনবা ইশুশিং পুম্নমক কোকহন্নবা হৌজিক লৈরিবা বাইলেতরেল মেকানিজমশিং অদু শিজিন্নদুনা অমসুং কন্সত্রক্তিব ওইবা মওংদা থবক তৌনিংবগী অপংম্বা অদু ময়েক শেংনা উৎলি।

সেক্রেতরী, ফিশরীজ, ভারত সরকারনা অনৌবা প্রধান মন্ত্রী মতস্যা সমপদা য়োজনা মখাদা ভারতনা লৌখৎখিবা অনৌবা খোংথাংশিং অমসুং পাক বেদা দাইভর্সিফাই তৌনবা অমসুং ঙা ফাবদা প্রেসর হন্থহন্নবা ভারত সরকার অমসুং তামিল নাদু অমসুং পুদুচেরী সরকারগী অতোপ্পা স্কীমশিং অদুগী মতাংদা পনখি। মহাক্না মরু ওইনা পাক বে এরিয়াগী ঙামীশিংনা দীপ-সী ফিশিংদা দাইভর্সিফিকেশন তৌনবগীদমক্তা লৌখৎখিবা খোংথাংশিং, দীপ-সী ফিশিং ফেসিলিতেত তৌনবা শেমখিবা ইনফ্রস্ত্রকচর, সীৱীদ কল্তিভেশন, মেরিকলচর অমসুং এক্বাকলচরগী থবক-থৌওংশিংগী মখলশিং খুত্থাংদা হিংনবগী অতোপ্পা পাম্বৈ প্রোমোত তৌবা।

নিংশিংবা য়াবদি জোইন্ত ৱার্কিং গ্রুপকী অহানবা মীফম অদু নই দিল্লীদা ২০১৬কী দিসেম্বর ৩১দা পাংথোকখি। অনিশুবা জোইন্ত ৱার্কিং গ্রুপনা ২০১৭গী এপ্রিল ৭তা কোলোম্বোদা পাংথোকখি অদুগা অহুমশুবা মীফম্না ২০১৭গী ওক্তোবর ১৩দা নই দিল্লীদা পাংথোকখি।

*****

(Release ID: 1684983) Visitor Counter : 136