কেন্দ্রগী এজুকেশন মন্ত্রী, শ্রী রামেশ পোখ্রিয়াল ‘নিশাঙ্ক’না জলন্ধরদা দা. বি.আর. অম্বেদকর নেস্নেল ইন্সতিত্যুত ওফ তেক্নোলোজীগী একাদেমিক বিল্দিং অমসুং স্তুদেন্ত ৱেলফেয়র (এক্তিবিতী) সেন্তর শঙ্গাখ্রে। মহাক্না মসিগী থৌরম অসিদা নুপাশিংগী অমসুং নুপীশিংগী ওইবা হোস্তেলশিংগী উরেপ-উয়ুং তমখি। শ্রী সুবাশ চ্নদর রালহন, বোর্দ ওফ গোবর্নরসকী চেয়র পার্সন, প্রোফেসর ললিত অৱস্থি, দাইরেক্তর, এন.আই.তি., জলন্ধর অমসুং অতোপ্পা ওফিসিয়েলশিংনা থৌরম অদুদা শরুক য়াখি।

থৌরম অদুদা ৱা ঙাংলদুনা শ্রী পোখ্রিয়ালনা হায়খি মদুদি ইঞ্জিনীয়র খুদিংমক্না অনৌবা ঈন্দিয়া অমা শেম্বদা য়াম্না মরু ওইবা থৌদাং লৈ। ইঞ্জিনীয়রশিংনা তৌরিবা ইন্নোভেতিব এক্সপরিমেন্তশিং অমসুং ইনভেন্সনশিং অসিনা অনৌবা খুদোংচাবা কয়া অমা লৈহনবতা নত্তনা লৈবাক অসিগী চাউখৎ-থৌরাংদা য়াম্না মরু ওইবা কন্ত্রিব্যুশন কয়াসু তৌরি। মেন্যুফেকচরিং সেক্তরদা মখোয়গী কন্ত্রিব্যুশন্না ইন্দিয়াগী ইকোনোমীবু মরোদোম লেপচবা ঙম্নবা তশেংবা তেংবাং পীরি হায়না মহাক্না হায়খি। শ্রী পোখ্রিয়ালনা হায়খি মদুদি মখোয়গী হোৎনজমনশিং অদুনা প্রধান মন্ত্রী, শ্রী নরেন্দ্র মোদীগী মঙলান ‘ভোকেল ফোর লোকেল’গী ইহৌ অসিবু মখাতানা মপাঙ্গল কনখৎহনগনি।

মহাক্না হায়খি মদুদি অনৌবা এজুকেশন পোলিসী অসিনা মালমগী থাক্তা লৈবা কন্তেন্ত ফংহনবদা নত্তনা রিসর্চ অমসুং ইন্নভেশনগীদমক্তা ইনেব্লিং ইকোসীস্তেম অমসু শেমগনি। মহাক্না আশা তৌখি মদুদি ইন্দিয়াগী ইঞ্জিনীয়রশিং অসিনা নোলেজতা য়ুমফম ওইবা ইকোনোমী মশক ওইগদৌরিবনি, হায়রিবশিং অসিনা ২০২৪ ফাওবদা ত্রিলিয়ন ৫গী ইকোনোমী অমা ফংবা ঙম্নবা অনৌবা থবক্কী খুদোংচাবশিং পুরকপদা মরু ওইবা থৌদাং লৌগদৌরিবনি।

মহাক্না এন.আই.তি. জলন্ধরবু সরকারগী পোলিসীশিংদা য়াম্না থৱায় য়াওনা থবক তৌবগীদমক্তা থাগৎখি। এন.আই.তি. জলন্ধর অসি মতম অসিগী অনৌবা ইনফ্রস্তরকচ, মতিক চারবা ফেকল্তী, ক্বালিতী লৈরবা লাইরিক তম্বগী থৌওং অমসুং একাদেমিক রিসর্চকীদমক্তা মেরিত্তা য়ুমফম ওইবা  লাইরিক তম্বগী অমসুং রিসর্চকী খ্বাইদগী মরু ওইবা সেন্তরশিংগী মরক্তা অমনি। মন্ত্রী অসিনা এন.আই.তি জলন্ধরনা মশাগী এন.আই.আর.এফ. ররেঙ্কিং অসি মমাং চহিদা ১১৩শুবা মফমদা লৈরম্বদগী ২০২০দা ৫২শুবা রেঙ্কতা হেনগৎলকখ্রে হায়বা খঙবদা হারাওখি।

মহৈরোইশিংগী য়াইফনবগী থবক-থৌরমশিং অমসুং অপুনবগী ওইবা চাউখৎ-থৌরাংশিংগীদমক্তা, স্তুদেন্ত ৱেলফেয়র সেন্তর অসি শাখিবনি। মসিগী বিল্দিং অসিনা লম স্ক্ব্যার মীতর ৯৬৯২ কোল্লি অমসুং মসি লুপা করোর ২৫.৭১৯ চংনা শাখিবনি। মসি মথোল তরু ৱাংবা বিল্দিংনি, গ্রাউন্দ ফ্লোরদা মহৈরোইশিং, স্তাফ অমসুং ফেকল্তীগীদমক্তা কেন্তীনগী প্রোভিজন লৈ। য়োগা হোলগী খুদোংচাবসু লৈ, হায়রিবা অসি ভারত সরকারগী – ফিৎ ইন্দিয়া মুভমেন্তকী মখাদা শেমখিবনি। মসিগী বিল্দিং অসিদা ত্রেনিং অমসুং প্লেসমেন্ত সেলসু থমগনি। মসিদা গেস্ত হাউসকী খুদোংচাবসু লৈগনি, হায়রিবা অসিদা মহৈরোইশিং অমসুং মখোয়গী পেরেন্তশিংনা মখোয়না লৈনবগীদমক্তা শিজিন্নবা য়াগনি।

ইন্সতিত্যুত অসিনা লুপা করোর ৩১ চংনা লম স্ক্ব্যার মিতর ৮৮০০ কোনবা মথোল ৭ ৱাংবা একাদেমিক বিল্দিং অমা শাখ্রে। মসিগী বিলইং অসিদা দিপার্তমেন্ত অনি লৈ – দিপার্তমেন্ত ওফ ইলেক্ত্রোনিক্স অমসুং কম্যুনিকেশন ইঞ্জিনীয়রিং অমসুং দিপার্তমেন্ত ওফ ইন্সত্রুমেন্তেশন এন্দ কন্ত্রোল ইঞ্জিনীয়রিং, মসিদা মহৈরোইশিংগী ওল-রাউন্দ দিবেলপমেন্তকীদমক্তা খুৎলাই মতিকচানা লৈরবা লেবোরেতরীশিং লৈ। মসিগী বিল্দিং অসিদা মসিগী দিপার্তমেন্ত অনি অসিগীদমক্তা হেদ ওফ দিপার্তমেন্তশিংগীদমক্তা তোঙানবা ওফিসশিংগী খুদোংচাবসু লৈ। মসিগী বিল্দিং অসিদা লেকচর হোল অনি, ত্যুতোরিয়েল রুম ৬, দিপার্তমেন্তেল লাইব্ররি অনি, লেবোরেতরী ৩০ অমসুং ফেকল্তী অমসুং স্তাফকীদমক্তা কা ৩০ লৈ। পোস্ত গ্রেজুৱেদ অমসুং পি.ঐচ.দি মহৈরোইশিংগী রিসর্চ তৌনবগীদমক্তা লেব খুদিংমক মতম অসিগী খ্বাইদগী নৌবা খুৎলাইশিং মতিক চানা হাপ্লে।

মসিগী বিল্দিং অসিদা মীমান্নদ্রবা মীওইশিংগীদমক্তা বেরিয়র ফ্রী এনভাইরনমেন্ত অমসুং লিফশিংগী খুদোংচাবসু পীরি। মসিগী বিল্দিং অসি খ্বাইদগী নৌবা ফায়র সেফতী অমসুং বিল্দিং কন্সত্রক্সন নোর্মশিংগী ,তুং ইন্না সি.পি.দবল্যু.দি.না শাখিবনি।