২০২০গী চহিগী মনুংদা ফুদ এন্দ পব্লিক দিস্ত্রিব্যুসন বিভাগনা তৌখিবা মরু ওইবা থবক-থৌরমশিং মখাদা পীরি:

১. “পব্লিক দিস্ত্রিব্যুসন সিস্তেমগী মখাদা চেং ফোর্তিফিকেসন তৌবা অমদি মসি য়েন্থোকপগী” কেন্দ্রনা স্পোন্সর তৌখিবা পাইলোৎ স্কীম

লৈবাক অসিবু ফুদ সেক্যুরিতীদগী ন্যুত্রিস্নেল সেক্যুরিতী য়ৌহন্নবা রাজ্য ১৫দা (রাজ্য খুদিংগী জিলা অমা)দা রাইস ফোর্তিফিকেসনগী পাইলোৎ স্কীম অমা ইমপ্লিমেন্ত তৌখি। থৌরাং অসি তপ্না-তপ্না চাউথোরক্তুনা তাঙ্কক নাইবা মওং অমদা লৈবাক অসিগী অতোপ্পা শরুকশিং কোনশিন্নবসু থৌরাং তৌখি।

২. তার্গেতেদ পব্লিক দিস্ত্রিব্যুসন সিস্তেম (তি.পি.দি.এস.)  ইমপ্লিমেন্ত তৌবা

লেপ্পা লৈতনা হোৎনখিবশিংনা মরম ওইরগা রাজ্য/য়ু.তি. পুম্নমক্তা নেস্নেল ফুদ সেক্যুরিতী এক্ত, ২০১৩ (নফসা) মপুং ফানা ইমপ্লিমেন্ত তৌবা ঙমহনদুনা লৈবাক অসিগী মীওই করোর ৮০.৬০ রোমদা য়াম্না সবসিদাইজ তৌরবা চেং-হৱাইশিং মথংশিৎনা  হৱাই/গেঘু/চেং অসি কে.জি.দা লুপা ১/২/৩/দা ফংহনদুনা মখোয়দা কান্নবা ফংহনখি।  মথক্তা পীখ্রিবা চেং হৱাইগী মমলশিং অসি নফসা চৎনখিবা তাং অদুদগী অহানবগী চহি অহুম ফাওবা চৎকনি। মখা তানা, এমেন্দ তৌখিবা মতম মতমগী মতুং ইন্না  থোকখিবা চপ মান্নবা মমল অসি জুন ৩০, ২০১৯ ফাওবা চৎননবা ৱারেপ লৌখি।  মসিগী মতুং তারকপদা নফসাগী মখাদা থোকখ্রিবা মমলশিং অসি মখা তাবা ওর্দরশিং থোক্ত্রিবা ফাওবা হোংদোক্তনবা সরকারনা ৱারেপ লৌখি।

৩. তার্গেতেদ পব্লিক দিস্ত্রিব্যুসন সিস্তেম (তি.পি.দি.এস.)  দা রিফোর্মশিং

• তি.পি.দি.এস. রিফোর্মশিংগী মখাদা মরু ওইবা মাই পাকখিবশিং:

• রাজ্য/য়ু.তি. পুম্নমক্তা নফসাগী মখাদা ১০০% দিজিতাইজ তৌরবা রেসন কার্দশিং/বেনিফিসরীশিংগী দেতা।  রাজ্যশিং/য়ু.তি.শিংগী পোর্তেলশিংদা অরোৎপা লৈতনা বেনিফিসরী করোর ৮০গী ময়া কোনশিল্লিবা রেসন কার্দ করোর ২৩.৫কী অকুপ্পা মরোলশিং ফংহল্লি।

• রেসন কার্দশিংগী ৯০%গী মথক্তা আধার সীদিং তৌখ্রে (য়ামদ্রবদা মেম্বর অমা). অমরোমদনা জাতিগী থাক্তা বেনিফিসরী ৮৬.৪%গী ময়াগী আধার সীদেদসু তৌখ্রে।
• বেনিফিসরীশিংদা সবসিদাইজ তৌরবা চেং হৱাইশিং অরোৎপা লৈতনা অমদি য়েন্থোক্নবগীদমক্তা লৈবাক অসিগী ফিয়র প্রাইস শোপশিং (এফ.পি.এস.শিং)গী ৯১%গী মথক্না ওতোমেতেদ ওইবা ইলেক্ত্রোনিক পোইন্ত ওফ সেল (ই.পি.ও.এস.) শীজিন্নরি।
• লৈবাক্কী ওইনা নফসাগী মখাদা রাজ্যশিং/য়ু.তি.শিংদা থাগী ওইনা ফংফম থোকপা চেং হৱাইশিং অসি বাইওমেত্রিক ওইনা/আধার ওথেন্তিকেতেদ ওইনা য়েন্থোকপা ৬৭%গী ময়াদা ঙমখ্রে।
• মখা তানা ২০১৩দগী হৌনা তি.পি.দি.এস. ওপরেসনশিংদা তেক্নোলোজী শীজিন্নবনা মদুদি রেসন কার্দশিং/বেনিফিসরী দেতাবেজ দিজিতাইজেসন তৌবা, আধার সীদিং, দেতাবেজ দি-দুপ্লিকেসন তৌবা, ইলিজিবল ওইদবা, ইনএক্তিব/সাইলেন্ত রেসন কার্দশিং (বেনিফিসরীশিং শীখিবা/নাইগ্রেৎ তৌখিবনা মরম ওইবা য়াবা) খঙদোকপা অমসুং রন-অপ মনুংদা অমসুং নফসা ইমপ্লিমেন্ত তৌবা পুম্নমক অসিনা  মরম ওইরগা ২০১৩দগী ২০২০ (০৮.১২.২০২০)গী মতম অসিদা রাজ্যশিং/যু.তি.শিংনা রেসন কার্দ করোর ৪.৩৯ ককথৎখ্রে, মসিনা রাজ্যশিং./যু.তি.শিংনা মখোয়গীইলিজিবল ওইবা বেনিফিসরীশিং মপুং ফানা ফংহন্নবা হোৎনবদা শীজিন্নবা য়াহল্লি।
• কোবিদ-১৯গী খুদোংথিবা মনুংদা ফুদ সেক্যুরিতীগী থৌদাং:

কোবিদ-১৯ খুদোংথিবা মনুংদা বিভাগ অসিনা চেং হৱাইগী এল.এম.তি. ৬৮০গী ময়াদা থাদখি। এল.এম.তি. ৩৫০রোমদি মহৌশাগী নফসা/তি.পি.দি.এস.কী মখাদা য়েন্থোক্নবা রাজ্যশিং/য়ু.তি.শিংদা থাদখি। অহেনবা এল.এম.তি. ৩২১না প্রধান মন্ত্রী গরিব কল্যান অন্না য়োজনা (পি.এম.-জি.কে.এ.ৱাই.)গী মখাদা অমসুং এল.এম.তি. ৮না আত্মানির্ভর ভারত স্কীম (এ.এন.বি.এস.)কী মখাদা লেম্না য়েন্থোক্নবা থাদখি।

পি.এম.-জি.কে.এ.ৱাই.গী মখাদা থা ৮ (এপ্রিলদগী নবেম্বর ২০২০)কী মতম অসিদা নফসা বেনিফিসরী (এ.এ.ৱাই অমসুং পি.ঐচ.ঐচ.) পুম্নমক্তা মীওই অমদা থা অমগী কে.জি. ৫গী চাংদা নফসাগী ফংফম থোকপা অদুগী মথক্তা অহেনবা ওইনা লেম্না ফংহনখি অমসুং নফসা মশাগী অমদি পি.এম.-জি.কে.এ.ৱাইগী মখাদা কোবিদ-১৯গী প্রোতোকোল পুম্নমক ঙাকপগা লোইননা শীংনবা কয়া লৈজরবসু থা অমদা চেং হৱাই অসি চাংচৎ ওইনা ৯৩%‌~৯৪%রোম মাই পাক্না য়েন্থোকপা উবা ফংখি।

মসিগা মান্ননা এ.এন.বি.এস.কী মখাদা থা ২গী (মে অমসুং জুন ২০২০) ওইনা ৩১.০৮.২০২০ ফাওবা মাইগ্রেন্তশিং/পন্দুনা লৈখিবা মাইগ্রেন্তশিংদা অমসুং রেসন কার্দশিং পাইদবা লৈজদবা মীওই পুম্নমক্তা মীওই অমদা থা অমগী কে.জি. ৫গী চেং হৱাইশিং লেম্না পীখি। পান্নখিবা মাইগ্রেন্ত/পন্দুনা লৈখিবা মাইগ্রেন্তগী মশিং করোর ২.৮ অসিদা মীওই করোর ২.৭৪ (৯৮%)না আত্মানির্ভর ভারতকী মখাদা লেম্না রেসন ফংখি।

• ৱান নেসন ৱান রেসন কার্দ:

মখা তানা বিভাগ অসিনা রাজ্য/য়ু.তি. সরকার পুম্নমক্কা লোইননা লৈবাক শিনবা থুংনা রেসন কার্দশিংগী পোর্তেবিলিতী য়াহন্নবা খুত্থাংদা লৈবাক অসিগী মফম অমা হেক্তদা নেস্নেল ফুদ সেক্যুরিতী এক্ত, ২০১৩ (নফসা)গী মখাদা কোল্লিবা বেনিফিসরী পুম্নমক্না পি.দি.এস. লেপ্পা লৈতনা ফংহন্নবা অমসুং ফংফম থোকপশা ফুদ-সেক্যুরিতী ফংহন্নবা কান্নরবা ৱান নেসন ৱান রেসন কার্দ (ও.এন.ও.আর.সি.) প্লান অসি ইমপ্লিমেন্ত তৌরি। হৌজিক্কী ওইনা থৌরাং অসি বেনিফিসরী করো ৬৯রোম (নফসাগী মশিংগী ৮৬%গী ময়া) কোনশিনদুনা রাজ্য/য়ু.তি. ৩২গী ক্লস্তর অমদা লেপ্তনা ফংহল্লি। মাইগ্রেন্তশিং মতেং পাংবা ঙম্বনা মরম ওইরগা থৌরাং অসি প্রধান মন্ত্রীগী আত্মানির্ভর ভারত অভিয়ানগী মখাদা তেক্নোলোজী দ্রিবন সিস্তেম রিফোর্মশিংগী শরুক অমসু ওইহনখি।

৪. লৌমীগী মতেং পাংবা

• খারিফ মার্কেতিং সিজন (কে.এম.এস.) ২০১৯-২০গী মনুংদা হান্নগী কে.এম.এস ২০১৮-১৯দা ফৌ (চেং ওইনা) এল.এম.তি. ৪৪৩.৯৯ লৈশিনখিবা অদুগা য়েংনবদা রিকোর্দ ওইনা ফৌ (এল.এম.তি.) ৫১৯.৯৭ (চেং ওইনা) লৈশিনখি। রবি মার্কেতিং সিজন (আর.এম.এস.) ২০২০-২১দা রেকোর্দ ওইনা গেহু এল.এম.তি. ৩৮৯.৯৩ লৈশিনখি।

৫. কে.এম.এস ২০১৯-২০ (রবি) অমসুং কে.এম.এস. ২০২০-২১গী মনুংদা বিভাগ অসিনা কোর্স গ্রেনশিং লৈশিন্নবা তোঙান তোঙানবা রাজ্য সরকারশিংগী লৈশিনবগী থৌরাং অয়াবা পীখ্রে।

অয়াবা পীখিবা কোর্স গ্রেনশিংগী ক্বান্তিতীগী অকুপ্পা মরোলগীদমক্তা মখাদা নম্বীয়ু

৬. ওপন মার্কৎ সেল স্কীম (ও.এম.এস.এস) (দোমেস্তিক)

• ওপন মার্কৎ সেল স্কীম  (দোমেস্তিক) (ও.এম.এস.এস (দি)) ২০২০-২১গী খুত্থাংদা দিসেম্বর, ২০২০গী অনিশুবা তেন্দর ফাওবা মদুদি ০৯.১২.২০২০ ওপন মার্কেৎতা গেহু এম.তি. লাখ ৭.১০ অমসুং চেং এম.তি. লাখ ১১.০২ পুন্না য়োনখি।
• ও.এম.এস.এস (দি) ২০২০-২১ পোলিসীগী মখাদা ০৮.০৪.২০২০দগী চৎনবা হৌদুনা লোকদাউনগী ফীভম অসিনা মরম ওইরগা মাইগ্রেন্ত লেবরশিং/শোত্থরবা কাংলুপশিংগী মতেং পীবগী/কম্ম্যুনিতী কিৎচন চল্লাইবগী থবক তৌখিবা চেরিতেবল/নন-গভর্নমেন্তেল ওর্গনাইজেসন অসিনচিংবা পুম্নমকআ চেং হৱাইশিং সপ্লাই তৌনবা অখন্নবা দিস্পেন্সন তৌখি।
• হায়রিবা দিস্পেন্সন অসি অহানবদা জুন ২০২০ ফাওবা ওইহনখিঅমদি হৌজিক চপ মান্নবা রেৎ, তর্মশিং অমসুং কন্দিসনশিংদা চহি ২০২০-২১ চুপ্না শাংদোকখ্রে। স্কীম অসিগী মখাদা ০৯.১২.২০২০ ফাওবদা ওর্গনাইজেসন ১১২৬না প্রোগ্রেসিব ওইনা অয়াবা পীখিবা ক্বান্তিতী এম.তি. ১১৩১৬কী মনুংদা চেং এম.তি. ১০৪০৮ চিংখি। মসিগা মান্ননা ওর্গনাইজেসন ২৩০না প্রোগ্রেসিব ওইনা অয়াবা পীখিবা ক্বান্তিতী এম.তি. ১৫৫৬কী মনুংদা গেহু এম.তি. ১২৪৬ চিংখি।

৭. চেং হৱাইশিং পুথোক-পুশিন তৌবা

• ঐচ.এল.সি.গী রিকম্মেন্দেসনগী শরুক ওইনা এফ.সি.আই.না অগস্ত ২০১৬দা ছত্তিসগর (রাইপুর)দগী মহারাস্ত্র (তুর্ভে)গী খুত্থাংদা চেং হৱাইশিংগী পুথোক পুশিনগী কন্তেনরাইজ ত্রাইএল অমা পাঙথোকখি, হায়রিবা অসি মখা তানা পঞ্জাব, হরিয়ানা অমসুং এ.পি.দগী ৱেস্ত বেঙ্গল, ঝার্খন্দ, মহারাস্ত্র, কেরেলা, কর্নাতকা, গুজরাতগুম্বা ফংগদবা রাজ্যশিংদা কন্তেনরাইজ তৌদুনা পুথোক-পুশিন তৌহনখি হায়রিবা অসি মহৌশাগী লৈরিবা রেলৱে রেকশিং অসিগা চাংদম্নবদা হেন্না শেল চংখিদে। ২০২০-২১দগী নবেম্বর ২০২০গী মনুংদা চাউরাক্না ফ্রাইৎকী লুপা লাখ ২৬৬ তুংশিনহনদুনা কন্তেনরাইজ রেকশিং পুথোক পুশিন তৌখি।

৮. ফুদ সবসিদী

• ১.১.২০২০দগী ১৫.১২.২০২০ ফাওবদা রাজ্যগী দি.সি.পি.দা ফুদ সেক্যুরিতী ওইনা পুন্না লুপা করোর ৫০৪২১.১৭২ কাইথখি।

কেলেন্দর ইয়র ২০২০দা কাইথখিবা ফুদ সবসিদীগী স্তেতসকীদমক্তা মসিদা নম্বীয়ু (১৫.১২.২০২০ ফাওবদা)

• মখা তানা, ১.১.২০২০দগী ১৫.১২.২০২০ ফাওবদা এফ.সি.আই.দা ফুস সবসিদী ওইনা লুপা করোর ৭৭৯৮০ কাইথখি। মার্চ, ২০২০দা কোবিদ-১৯গী য়েংলগা ক্রেদিৎ বেসিস্তা থা ৩ ফাওবগী ওইনা রাজ্যশিংদা চেং হৱাইশিংগী এদভান্স ওইনা চিংবা অমদি য়েন্থোকপগী অয়াবা পীবদা য়াখি। পঞ্জাব অমসুং হরিয়ানাদা লৌমীশিং অমসুং অতোপ্পা বেন্দরশিংদা শেল থিবগীদমক্তা পি.ই.এম.এস. শুকশোই-শোইদনা শীজিন্নবা হায়বা অসিদা কোমথোকখি।

৯. সুগর সেক্তর

হৌখিবা সুগর সিজন অহুম ২০১৭-১৮, ২০১৮-১৯ অমসুং ২০১৯-২০গী মনুংদা কা হেন্না পুথোপকপা অসিনা চিনিগী এক্স-মিলগী মমল অসি লেপ্তনা হন্থেরকখি। মসিনা মরম ওইরগা চিনি য়োনবা চাউনা অকাইবা পীদুনা সুগর সিজনশিং অসিগী ওইনা লৌমীশিংদা চু মাংবনা শেল পুথখি। সরকারনা হান্নগী সুগর সিজনশিংদগী হৌনা লৌখৎতুনা লাক্লিবা খোঙথাংশিং অসিগী মথক্তা সুগর সিজন ২০১৯-২০দা মখাগী থৌরাং অসি লৌখৎখি:

• • • সরকারনা বফর স্তোকশিংগী মেন্তেনেন্স তৌনবা লুপা করোর ১৬৭৪গী ওইবা শেনফম রিইমবর্স তৌগনি হায়না অগস্ত ১, ২০১৯দগী জুলাই ৩১, ২০২০ ফাওবা চহি অমগী মতমগী ওইনা চিনি এল.এম.তি/ ৪০গী বফর স্তোক শেম্নবা অমসুং মেন্তেন তৌনবা স্কীম অমা ৩১.০৭.২০১৯দা নোতিফাইদ তৌখি।
    • সুগর সিজন ২০১৯-২০দা চিনি মপাল লৈবাক্তা থাদোক্নবা ৱাখল্লোনগা লোইননা তাং ১২.০৯.২০১৯দা সরকারগী নোতিফিকেসন থোক্তুনা সুগর সিজন ২০১৯-২০গী চিনি এল.এম.তি. ৬০ মপাল লৈবাক্তা থাদোকপগী চংখিবা শেল অদু হঞ্জিন্নবা চিনিগী মিলশিংদা মেক্সিমম এদমিসিবল এক্সপোর্ত ক্বান্তিতী (এম.এ.ই.ক্যু.) ফংহন্নদুনা মতেং পাংনবা স্কীম অমা নোতিফাইদ তৌখি।  স্কীম অসিগী মখাদা সরকারনা সুগর সিজন ২০১৯-২০দা চিনিগী মিলশিংনা মপাল লৈবাক্তা থাদোক্নবা এম.তি. অমদা লুপা ১০৪৪৮কী অমুক্তা ফংগদবা শেলগী মতেং পীগনি হায়রিবা অসিদা চংগদবা চাদিং লুপা করোর ৬২৬৮ সরকারনা পুথোক্কনি।

• • • ইথানোল সপ্লাই ইয়র ২০১৯-২০গীদমক্তা (দিসেম্বর, ২০১৯-নবেম্বর, ২০২০) সরকারনা চিনিদগী অমসুং সুগর সীরপ্তগী ইথানওল পুথোকপা য়াহনখ্রে অমসুং ইথানোলগী এক্স-মিলগী মমলগী রিম্যুনরেতিব লেপখি।

মথক্তা লৌখৎখ্রিবা খোঙথাংশিং অসিনা মরম ওইরগা ভারতকী লৌমীশিংগী চুগী মমলগী তোল্লিবা শেন্দোন পুম্নমক হান্না সুগর সিজন ২১৭-১৮দা শেন্দোন লুপা করোর ২৩২৩২ ওইরম্বদগী লুপা করোর ২৪২ হন্থহনখ্রে; সুগর সিজন ২০১৮-১৯দা পুন্না তোনবা লুপা ৮৬৭২৩দগী লুপা ৫৩৪ হন্থহনখ্রে অমসুং সুগর সিজন ২০১৯-২০দা পুন্না তোনবা লুপা ৭৫৮৪৫তগী লুপা ৩৫৭৪দা হন্থহনখ্রে।

১০. হেন্দ-সেনিতাইজর পুথোকপা

• • কোবিদ-১৯গী মায়োক্তা লান্থেংনবদা সেনিতাইজরনা মরু ওইবা থৌদাং লৌবা অসি য়েংলগা অমসুং সি.ও.এস.গী রিকম্মেন্দেসগী মতুং ইন্না ইন্দস্ত্রীনা হেন্দ সেনিতাইজর পুথোকপা থৌগৎনবা দি.ই.পি.দি.না ইন্দস্ত্রী অমসুং রাজ্য সরকারশিংগা চুংশিন্নখি।  হেন্দ সেনিতাইজর পুথোকনবগী দিস্তিলর/ইন্দিপেন্দেন্ত মেন্যুফেকচর্র ৯১২দা অয়াবা পীখ্রে। নোংমদা লিতর লাখ ৩০ ফাওবা হেন্দ সেনিতাইজর পুথোকপা হেনগৎনবা কেপাসিতী ইন্সতোল তৌখি। ০৮.১২.২০২০ ফাওবদা চাউরাক্না হেন্দ সেনিতাইজর লিতর করোর ৪.০৪রোম পুথোকখি।

১০. অহেনবা চিনি ইথানোলদা দাইবর্জন তৌবা অমসুং ইথানোল ব্লেন্দেদ ৱিথ পেত্রোল (ই.বি.পি.) প্রোগ্রামগী মখাদা  ইথানোল পুথোকপগী চাং হেনগৎহনবা

কেন্দ্র সরকারনা মখোয়গী বাই-ফ্যুএল পোলিসী, ২০১৮দা মোতোর ফ্যুএলদা ইথানোলগী অসি ২০২২ ফাওবদা ১০% ব্লেন্দিং তৌবা অমসুং ২০৩০ ফাওবদা ২০% শোইদনা তৌনবা খঙহনখ্রে। মতুং তারকপা ওইনা দি.এফ.পি.দি.না জিরো লিক্বিদ দিসচার্জ সিস্তেমগা লোইননা অনৌবা দিস্তিলরী প্রোজেক্তকী অমসুং হৌজিক লৈরিবা চাং অসি হেনগৎহন্নবগী কম্মর্সিএল বেঙ্কশিংনা লোনশিংদা ইন্তরেস্ত সবভেন্সনগী খুত্থাংদা মতেং পাংনবা স্কীম নোতিফাইদ তৌখ্রে। মমাংদা নোতিফাইদ তৌখিবা ইন্তরেস্ত সবভেন্সনগী স্কীমশিং অসিগী কান্নবা লৌহৌদবা দিস্তিলরীশিং/সুগর মিলশিংগীদমক্তা তোখাইবা থা অমগী ৱিন্দোসু হাংদোকখি। মসিগা লোইননা ইথানোল পুথোকপগী চাং অসি ২০২০-২১দা লিতর করোর ৪২৬ য়ৌখি অমসুং মার্চ ২০২২ ফাোবদা লিতর করোর ৫২০ য়ৌরবা য়াই।  সুগর দিবেলপমেন্ত ফন্দগী মখাদা সুগর মিলশিংদা পীবা তোঙান তোঙানবা লোনশিং ফংহন্নবা লোন এপ্লিকেসনশিং ওনলাইন্দা পীশিনবা য়ান্নবা ৱেব পোর্তেল অমা লোঞ্চ তৌখ্রে।

১১. নেস্নেল সুগর ইন্সতিত্যুত

• নাইজেরিয়াদা সুগর ইন্সতিত্যুত অমা লিংখৎনবা নেস্নেল সুগর ইন্সতিত্যুত, কানপুরগা নেস্নেল সুগর দেবেলপমেন্ত কাউন্সিল নাইজেরিয়াগী মরক্তা এম.ও.য়ু. অমা খুৎয়েক পীনখি অমসুং মখোয়গী ফেকল্তীগীদমক্তা ত্রেনিং প্রোগ্রামশিংসু পাঙথোক্কনি।  ইন্সতিত্যুত অসিনা মতম অসিগী মনুংদা এসিয়ন সুগর কনফরেন্স ২০২০সু পাঙথোকখি। চিনিগী ক্বালিতী, শীজিন্নবগী মওং-মতৌশিং অমসুং ভেল্যু এদিসনগা মরী লৈনবা মরু ওইবা হিরমশিংদা লেকচরশিং থাইলেন্দ, ইন্দোনেসিয়া, স্রী লঙ্কা, ইরান অমসুং ভারত্তগী মশক নাইরবা এক্সপর্তশিংনা পীখি।

১২. ফুদ কোর্পোরেসন ওফ ইন্দিয়া

• স্তীল সিলোশিং শাবা:

সনগ্রুরদা কেপাসিতী এল.এম.তি. ১ ওইবা সিলোশিং চল্লাইখ্রে অমসুং শীজিন্নহনখ্রে অমদি বর্নালাদা এল.এম.তি. ০.৫০গী রেলৱে সাইদিং লোইশিনখ্রে। সিলো শানবা লেতর ওফ কমেন্সমেন্ত  মফম ৫গী থোকখ্রে (এল.এম.তি. ২.৫০) মদুদি সহনেৱাল (পি.বি.), ছেহ্রিএতা (পি.বি.), জলাবাদ (পি.বি.), অমরেলি (গুজরাত) অমসুং পলানপুর অমসুং সিধপুর (গুজরাত) হায়রিবশিং অসিনি। মফম ১ (এল.এম.তি. ০.৫০)গী কন্সেসন এগ্রীমেন্ত খুৎয়েক পীখ্রে অমসুং ৱেস্ত বেঙ্গলদা মফম ৫ (এল.এম.তি. ২.৫০)গী লেতর ওফ এৱার্দ থোকখ্রে।

• প্রাইবেৎ ওন্তোপ্রিনোর্স গরেন্তী স্কীম (পি.ই.জি.):

জনুৱারী ২০২০দগী ওক্তোবর ২০২০গী মতমগী মনুংদা পি.ই.জি. স্কীমগী মখাদা এল.এম.তি. ০.৪২গী কেপাসিতী শাখ্রে।

• সেন্ত্রেল সেক্তর স্কীম “স্তোরেজ এন্দ গোদাউনস” ২০১৭-২২:

এফ.সি.আই.না আর.ও. মনিপুরগী মখাদা চুরাচানপুরদা এম.তি. ২৫০০গী কেপাসিতী অমা মেতরিএলাইজ তৌখ্রে/শেমখ্রে অমসুং শীজিন্নহনখ্রে।

• সেন্ত্রেল সেক্তর স্কীম “স্তোরেজ এন্দ গোদাউনস”গী মখাদা নগালেন্দগী জুনহেভোতোদা (কেপাসিতী এম.তি. ৫০০০) লম এক্র ২.৯৯ অসি জি.এম (আর), এফ.সি.আই.না ২৪.০৯.২০২০দা লিস্ততা লৌখ্রে।

১৩. সেন্ত্রেল ৱাইয়রহাউসিং কোর্পোরেসন (সি.দবল্যু.সি.)

• সি.দবল্যু.সি. অসি ফেজ নাইবা মওংদা সি.সি.তি.ভি. সর্ভিলেন্স সিস্তেম ইন্সতোল তৌনবা প্রোসেসা লৈরি। সি.সি.তি.ভি. সর্ভিলেন্স সিস্তেমগী মখাদা মফম ৩৮৭ কভর তৌখ্রে।
• সেন্ত্রেল ৱেয়রহাউস ১৪ মার্কেত সব-য়ার্দশিং ওইনা মথৌ তৌনবা লাওথোকখ্রে অমসুং তেলঙ্গনাদা ই-নাম ফেসিলিতীগা লিঙ্ক তৌখ্রে অদুগা মসিগী মথক্তা এ.পি.দা হান্ননা ২৩ লাওথোকখ্রে।
• ফার্মর্স প্রদ্যুস ত্রেদ এন্দ কম্মর্স (প্রমোসন এন্দ ফিসিলিতেসন) এক্ত ২০১০গী মখাদা হরিয়ানাদা ৱেয়রহাউস ২৪  ত্রেদ এরিয়া ওইনা নোতিফাই তৌখ্রে। পুদুচেরীদা ৱেয়রহাউস ১সু ত্রেদ এরিয়া ওইনা লাওথোকখহরে।
• তিরুভোত্তিয়ুরদা ফেসিলিতী চলাইরদুনা ওক্তোবর ২০২০দা তুতিকোন্দা দাইরেক্ত পোর্ত এন্ত্রী (দি.পি.ই.) ফেসিলিতী শঙ্গাখ্রে।
• গুৱাহাতী রিজনগী মখাদা অনৌবা ৱেয়রহাউস মরি হাংদোকখ্রে- i) অসাম – অজারা ওপ য়ার্দ – এম.তি. ৮৩৩৩ (ওপন কন্সত্রক্সন) ii) মনিপুর – বিষ্ণুপুর – এম.তি. ৩৩৩ (হাইয়র) iii) মনিপুর – খাবৈশোই – এম.তি. ২০৮৩ (ওপন হাইয়র) অমসুং গুৱাহাতী –জোনাই- এম.তি. ২৩৩৪ (হাইয়র)

১৪. সেন্ত্রেল রেলসাইদ ৱেয়রহাউস কম্পনী লিমিতেদ

• ৱেয়রহাউস কেপাসিতী এম.তি. ২০৪০০গা লোয়ননা অহেনবা রেলসাইদ ৱেয়রহাউস কম্পলেক্স (আর.দবল্যু.সি.) ফাতুহা (বিহার)দা জুলাই থাদা কম্মিসন তৌখি অদুগা মথৌ তৌবসু হৌখি। ৱেয়রহাউসিং কেপাসিতী এম.তি. ৯৫০০কা লোয়ননা মঞ্চেশ্বর (ওরিশা)দা আর.দবল্যু.সি. শাগৎপগী থবক ওক্তোবর ২০২০দগী হৌখ্রে অদুগা মসি সেপ্তেম্বর ২০২১দা লোইশিল্লবা য়াই হান্না পানরি। গান্ধীধাম (গুজরাত)তা এম.তি. ১৫০০কী কেপাসিতী অমসুং সঙ্করেল (ৱেস্ত বেঙ্গল)দা এম.তি. ১৩৫০০ কেপাসিতীগী অহেনবা রেলসাইদ ৱেয়রহাউস কম্প্লেক্স অনি শেমগৎনবগী অয়াবা রেলৱেজদগী ফংখ্রে।

• আর.দবল্যু.সি. শকুর্বস্তীদা কন্বেয়র বেল্ত মেচিন ১০ ইন্সতোল তৌরগা হেন্দলিং ওপরেসনশিংগী মেকানাইজেসন হৌখ্রে অমসুং মসিগী ৱেয়রহাউস অসিদা মেকানাইজ স্বীপিংসু হৌখ্রে।

• কস্তমরশিংগী ব্যুজিনেস লাইথোকহন্নবা ঐচ.দি.এফ.সি.গী খুত্থাংদা ই-পেমেন্ত গেতৱে ইম্প্লিমেন্ত তৌখ্রে। পেমেন্ত গেতৱেশিংগী পেমেন্তশিং ফংখ্রে। পেমেন্ত খুদিংমক দিজিতেল মোদতসু পাংথোকখি।
• রাজ্য সরকারদগী ১০০% ফাইনান্সিএল এসিস্তেন্সকা লোয়ননা মফম অহুমদা ফার্ম গেত লোজিস্তিক্স শেমগৎনবা সি.আর.দবল্যু.সি.না অরুনাচল প্রদেশ রাজ্য সরকারদগী অয়াবা ফংখ্রে।
• সি.আর.দবল্যু.সি.দা অহেনবা রিভিন্যু পীরদুনা কোত্তন কোর্পোরেসন ওফ ইন্দিয়াগী মপুংফানা কম্প্রেস তৌরবা লশিংশিং পৈশিনবা নভেম্বর ২০২০দগী হৌখ্রে।

১৫. ৱেয়রহাউসিং দিবেলপমেন্ত এন্দ রিগুলেতরী ওথোরিতী

ৱেয়রহাউসিং দিবেলপমেন্ত এন্দ রিগুলেতরী ওথোরিতী (দবল্যু. দি.আর.এ.)দা ৱেয়রহাউস (শিং) রেজিস্ত্রেসনগী সিক্যুরিতী দিপোজিৎকী মথৌ তাবা অদু ০৪.১২.২০২০গী নোতিফিকেসনগী খুত্থাংদা দবল্যু. দি.আর.এ.না হন্থহনখ্রে। 

****