তুরিজম মন্ত্রালয়গী রিজনেল ওফিস, ইন্দিয়া তুরিজম মুম্বাইনা দিসেম্বর ২৫, ২০২০দগী দিসেম্বর ৩১, ২০২০ ফাওবা চত্থগদবা ‘এক্সপ্লোর ইনক্রেদিবল ইন্দিয়া’ হায়বা হীরমদা মখোয়গী দোমেস্তিক তুরিজম মার্কেতিং কেম্পেন ‘দেখো অপনা দেশ’ ব্রান্দ এক্তিভেসন থৌরম অমগা লোয়ননা মায় পাক্না রিলাইন্স মোল, বোরিবালি, মুম্বাইদা হৌদোকখ্রে‍।

লমদমসিগী লম কোয়বশিং লাক্কদৌরিবা শুতিগী মতম অমদি চয়োল মমৈগী শুতিগী মতমদা মখোয়গী পামজবা লমথুংফমশিং খঞ্জনবগীদমক পুক্নিং চিংশিন্নবা পান্দমদা ভারত্তা লৈবা লমথুংফমশিং হাংদোকপা হৌরকপা মতমসিদা চহী কাঙলুপ খুদিংগী মোলদা লাক্লিবা মীওইশিংদা বোরিবালি, মুম্বাইদা লৈবা প্রমোস্নেল স্তাফ অমসুং লোকেল ত্রাভেল এজেন্তশিং অমদি তুর ওপরেতরশিংনা শেমবা অখন্নবা প্রমোস্নেল পেকেজশিংগী খুত্থাঙদ লম কোয়বগী মরী লৈনবা ই-পাউ ফংহনখি‍।

নুমিৎ তরেৎনি চত্থগদবা থৌরম অদু মুম্বাইগী অকোয়বদা লৈরিবা দ্রাইভিং হোলিদে, চয়োল মমৈগী লমথুংফমশিং য়াওনা ভারতনা পীরিবা শুতিগী লমথুংফম কয়াগী মহাউ অমসুং তোপ তোপ্পা ফীভম লোকশিন্নবা শিন্বনি‍।

রিলাইন্স মোল, বোরিবালিদা খিনখিবা ইনক্রেদিবল ইন্দিয়ানা ভারত লৈঙাক্কী এক ভারত শ্রেস্থ ভারতকী মখাদা মহারাস্ত্রগা জুরা ওইরিবা ওরিসাগী তুরিজমগী মতিংশিংসু উৎকনি‍। ইন্সতোলেসন অসিনা মহারাস্ত্রগী খুৎশা হৈবগী মশক তাক্লিবা ৱাফমশিংগী মরক্তা অমা ওইরিবা সাৱনত্বাদি শান্নপোৎ অমদি ৱার্লি পেন্তিংসু উৎকনি‍। মখোয়সি মীরোল মথং মথং থংথরকপা তেঞ্জিবল কলচরগী মচাকশিংনি‍। অদুগা আর্তকুম্না অতোপ্পা অমত্তনা পুনশিন্নবা ফীভম পুরক্তে‍।

ইন্দিয়া তুরিজম মুম্বাইগী মরমদা: ইন্দিয়া তুরিজম মুম্বাই অসি ভারত লৈঙাক্কী তুরিজম মন্ত্রালয়গী নোংচুফ অমসুং ময়ায়থংবা রিজনগী হেদ ওফিসনি অমদি নোংচুপ অমসুং ময়ায় থংবা রিজনদা ভারত লৈঙাক্কী তুরিজম য়োকখৎনবা প্রোগ্রাম অমসুং পোলিসীশিং স্তেত তুরিজম দিপার্তমেন্তশিং অমসুং স্তেকহোল্দরশিংগা লোয়ননা পায়খৎমিন্নবগী থবকশিং তৌই‍।

*****