ঙসি ভারতকী রাস্ত্রপতি শ্রী রাম নাথ কোবিন্দনা দিউদা তোঙান-তোঙানবা চাউখৎ-থৌরাংগী প্রোজেকশিং শঙ্গাখ্রে/উরেপ-উয়ুং তমখ্রে। হৌদোকখিবা প্রোজেকশিংগী মনুংদা আই.আই.আই.তি বদোদারা-ইন্তরনেসনেল কেম্পস দিউ অমসুং কামলেশ্বর স্কুল, ঘোগালাগী অহানবা একাদেমিক সেসন; অমসুং উরেপ-উয়ুং তমখিবা প্রোজেকশিংগী মনুংদা সাউদৱারিদা স্কুল অমা শানবা; দিউ সিতি ৱালগী কিলোমিতর ১.৩ শাংবা হেরিতেচ ৱাল্ক-ৱে ফগৎহনবা; হেরিতেচ প্রিসিঙ্কশিং(জাম্পা অমসুং মার্কেত প্রিসিঙ্ক) নৌনা শেমজিনবা; ফোর্ত রোত্তা লৈবা উহৈ-ৱাহৈ অমসুং মনা-মশিংগী কৈথেল ফগৎহনবা; অমসুং দিউ জিলাগী সহর শীনবা থুংনা অমসুং খুঙ্গংগী শরুকশিংগী মিউনিসিপাল ৱেস্ত মেনেজমেন্ত সিস্তেম শেমগৎপা য়াওরি।

থৌরম অদুদা ৱা ঙাংবদা, য়ুনিয়ন তেরিতোরি অসিদা মীয়ামগী দরকার ওইবশিং শেমগৎ-শাগৎপগীদমক রাস্ত্রপতিনা মীয়াম অমসুং দাদ্রা অমসুং নাগর হাভেলি অমসুং দামন অমসুং দিউ লৈঙাক থাগৎখি। মহাক্না হায়খি মখোয়গী থবকশিং অসিনা মরম ওইদুনা হৌখিবা চহি ৪ অসিদা য়ুনিয়ন তেরিতোরি অসিনা খুন্নাইগী চাউখৎ-থৌরাংগী হীরমদা ভারত সরকারগী তোঙান-তোঙানবা মিনিস্ত্রিশিংগী মনা অমসুং ইকায়খুম্নবা ৪০ হেন্না ফংখ্রে। নেচরেল হেরিতেচ অমসুং অকোয়বগী ফিবম ঙাক-শেন্নবা মখোয়না পায়খৎলিবা থবকশিংগীদমক মফম অদুগী লৈঙাক থাগৎলদুনা রাস্ত্রপতিনা হায়খি য়ুনিয়ন তেরিতোরি অসিনা হোৎনবদগী, দিউ সহর অসিগী নুংথিলগী মতমদা দরকার ওইবা মৈ নুমিৎ মঙালদগী চাদা ১০০ শীজিন্নবা ভারতকী অহানবা সহর ওইরে।

য়ুনিয়ন তেরিতোরি অসিদা ‘অত্মানির্ভর ভারত’ অমসুং ভোকেল ফোর লোকেল’গী খোঙজং য়াম্না য়াংনা পায়খৎপদা হরাওবা ফোঙদোক্লদুনা রাস্ত্রপতিনা হায়খি হায়রিবা থবকশিং অসিগী মখাদা মফম অসিগী পোৎথোকশিং য়োন্নবা অকোয়বগী ফিবম শোকহন্দবা অচা-অথক য়োনফমশিং অসিনা মফম অসিগী মীয়াম থবক ফংহনবা খক নত্তনা লমকোয়বা লাকপা মীওইশিংদা লমদম অসিগী চাক-ইন্সাংগী মহাও খঙহল্লগনি।

রাস্ত্রপতিনা হায়খি শ্বাছ ভারত অভিয়ান পায়খৎপদা য়ুনিয়ন তেরিতোরি অসিনা মরুওইবা থৌদাং অমা লৌরি। য়ুনিয়ন তেরিতোরি অসিগী জিলা অহুম লমহাংদা খোঙহামদ্রে হায়না লাউথোকখিবা অসি চাউথোকচনিঙাই ওইবা থবক অমনি। য়ুমথোঙ খুদিংদগী অমোৎ-অকায়শিং খোমগৎপগী থৌদাং লোকেল এদমিনিস্ত্রেসন্না লৌদুনা লৈবাক পুম্নমক্কী ওইনা তমজনফম অমা  ওইরে। মীয়াম্না থৱায় য়াওনা শরুক য়াবা অমসুং লৈঙাক্না চোকথবা নাইদনা হোৎনবদগী ২০১৯গী ‘শ্বাছ সুরভেক্ষান’দা দমান অমসুং দিউনা অহানবা তারে।

য়ুমথোঙ খুদিংদা অফবা থক্নবা ঈশিং ফংহনবা, নুপীশিংদা উজৱালা য়োজনাগী কান্নবা ফংহনবা অমসুং স্কুল কাবা য়ারবা অঙাংশিং স্কুল কাহনবগীদমক রাস্ত্রপতিনা লৈঙাকপশিং, এম.পিশিং,ওফিসিএলশিং, ওন্ত্রেপ্রেনিউয়রশিং অমসুং দাদ্রা অমসুং নগর হাভেলি অমসুং দমান অমসুং দিউগী মীয়াম থাগৎখি।

নুমিদাংৱাইরমদা, রাস্ত্রপতিনা আই.এন.এস খুখ্রি মেমোরিএল হাংদোক্কনি।

*****