রোদ ত্রান্সপোর্ত, হায়ৱেজ অমসুং এম.এস.এম.ই.এস.গী য়ুনিয়ন মিনিস্তর শ্রী নিতীন গদকারীনা লৈবাক অসিদা লৈরিবা গারী খুদিংমক অনৌবা চহি অসিদগী ফাস্তেগ শোইদনা শিজিন্নবা ঙসি লাওথোকখ্রে। ঙসি ভর্চুএল ওইবা থৌরম অমগী ৱা ঙাংবদা মহাক্না হায় মদুদি ফাস্তেগ ২০২১গী জানুৱারীগী ১দগী শোইদনা চৎনরগনি। মসিগী কান্নবশিং অসি মথং-মথং পল্লদুনা মহাক্না হায় মদুদি, মসিনা কম্ম্যুতরশিংনা তোল প্লাজাদা পৈশা থীবগী মথৌ তাদবা মরম্না মখোয়দা কান্নহল্লি। মসিনা মতম অমসুং থাও মাংহন্দে। 

ফাস্তেগ অসি ২০১৬গী চহিদা হৌদোকখিবনি অমসুং বেঙ্ক মরি পুন্না লাখ অমগী ময়াদা পীখি। ২০১৭দা মখোয়গী মশিং অসি লাখ ৭ য়ৌখি। ২০১৮দা ফাস্তেগ লাখ ৩৪গী মথক্তা পীখি।

রোদ ত্রান্সপোর্ত অমসুং হায়ৱেজগী য়ুনিয়ন মিনিস্ত্রীনা  সি.এম.ভি.আর., ১৯৮৯গী এমেন্দমেন্ত মখাদা অরিবা গারী ২০১৭গী দিসেম্বরগী ১গী মমাংদা য়োনখিবা অসিদা ফাস্তেগ অসি ২০২১গী জানুৱারীগী ১দগী শোইদনা চৎননবা চৎলিবা চহি অসিগী নবেন্বরদা নোতিফিকেসন অমা থোকখি।

সেন্ত্রেল মোতোর ভেহিকল রুলস, ১৯৮৯, গী মতুং ইন্না ২০১৭গী দিসেম্বরগী ১দগী, রেজিস্ত্রেসন তৌখ্রবা অনৌবা মখোঙ মরি পানবা গারী পুম্বা ফাস্তেগ অসি শোইদনা চৎননবা শেমখ্রে অমসুং হায়রিবা অসি গারী শারিবা অমসুং দিলরশিংনা পীরি। মখা তানা পোৎ পুবা গারীগীদমক্না ফিত্নেস সর্তিফিকেৎ অসি রিনেৱেল তৌবদা ফাস্তেগ অসি তৌরবা মতুংদা ওইহল্লি। নেস্নেল পর্মিৎ পীরবা গারীশিংগদমক্তদি ফাস্তেগ অসি ২০১৯গী ওক্তোবরগী ১দগী চৎনহল্লি।

মসি অমগশু চৎনহল্লি মদুদি ফাস্তেগ অসি ফোর্ম ৫১ (সর্তিফিকেৎ ওফ ইন্সুরেন্স) এমেন্দমেন্তগী মখাদা অনৌবা ৩শুবা পার্তি ইন্সুরেন্স ফংলবা মতুংদা ওহল্লি, হায়রিবা অসিদা ফাস্তেগ আই.দি. অসি লৌগনি। মসি ২০২১গী এপ্রিলগী ১দগী চৎনবা হৌগনি।

মসি অচৌবা খোঙথাং অমা ওইদুনা ফী থীবা অসি ১০০% তোল প্লাজাদা ইলেক্ত্রোনিক্কী খক্তদা ওইহনগনি অমসুং গারীশিং ফাওদুনা চৎপা অসি ফী প্লাজাগী খুত্থাংদা অয়েৎপা য়াওদনা চৎপা য়াহনগনি। মসিনা প্লাজাদা ঙাইদুনা লৈররোই অমসুং থাওশু মাংলরোই।

ফাস্তেগ ফংহন্নবগী খোঙথাং কয়া অমা মফম কয়া অমদা শেমদুনা লৈরি অমসুং ওনলাইনগী ওইবা মেকানিজমদা ফংহন্দুনা প্রজাশিংদা মখোয়গী খুদোংচাবা য়েংদুনা থা অনিগী মনুংদা ফংবা ঙমগনি।

***