নহারোল অমসুং শান্ন-খোৎনবগী মন্ত্রালয়
শ্রী কিরেন রিজিজুনা খেলো ইন্দিয়া স্তত সেন্তর ওফ এক্সেল্লেন্স ৮ ভর্চুএলি ওইনা হৌদোকখ্রে
স্তেত ৮ অসিদা নাগালেন্দ, আরুনাচল প্রদেশ, তেলঙ্গানা, মনিপুর, মিজোরাম, ওরিশা, কর্নাতকা অমসুং কেরলা য়াওরি
Posted On:
22 DEC 2020 8:33PM by PIB Imphal
স্পোর্তস অমসুং য়ুথ এফিয়র্সকী য়ুনিয়ন মিনিস্তর শ্রী কিরেন রিজিজুনা লৈবাক শিনবা থুংনা খেলো ইন্দিয়া স্তত সেন্তর ওফ এক্সেল্লেন্স (কে.আই.এস.সি.ই.শিং) ৮ অসি মশক নাইরবা স্তেতকী স্পোর্তস মিনিস্তর য়াওনা লৈপাকপোকপা নুমিৎতা ভর্চুএলি ওইনা হৌদোকখ্রে। স্তেত ৮ অসিদা য়াওরিবা অসি : মনিপুর, আরুনাচল প্রদেশ, মিজোরাম, কেরলা, তেলঙ্গানা, নাগালেন্দ, কর্নাতকা অমসুং ওরিশানি।
![](https://static.pib.gov.in/WriteReadData/userfiles/image/image001AKQZ.jpg)
কর্নাতকাগী চীফ মিনিস্তর শ্রী বি. এস. য়েদিয়ুরপ্পানা ভর্চুএল ওইনা হৌদোকপা থৌরম অসিদা শরুক য়ারি, মসিদা নত্তনা আরুনাচল প্রদেশকী স্পোর্তস মিনিস্তর শ্রী মামা নাতুং, নাগালেন্দগী, ৱাই.এ.এস. এদভাইজর, ইর জালে নৈখা, মনিপুরগী স্পোর্তস মিনিস্তর শ্রী লেৎপাও হাওলিপ, মিজোরামগী স্পোর্তস মিনিস্তর শ্রী রোবার্ত রোমাৱিয়া রোইতে অমসুং তেলঙ্গানাগী স্পোর্তস মিনিস্তর দাঃ ভি. শ্রীনিভাস গৌদশিং অসিশু য়াওরি। সেক্ত্রেতরী (স্পোর্তস) শ্রী রাবি মিতল অমসুং স্পোর্তস ওথোরিতি ওফ ইন্দিয়াগী দাইরেক্তর-জেনেরেল শ্রী সন্দীপ প্রধানগা লোয়ননা শরুক য়াখি।
![](https://static.pib.gov.in/WriteReadData/userfiles/image/image00295Z8.jpg)
“মসি ইন্দিয়াগী ওইনা স্পোর্তসকী লমদা য়াম্না মরুওইবা অমনি অমসুং মসিনা লৈবাক অসিদা স্পোর্তস চাওখৎনবা অমসুং অৱাংবা থাক্তা পুরক্নবা হোৎনবদা য়াম্না মরু ওইবা হৌরকপা অমনি। ইন্দিয়াদা লৈরিবা নহাশিং অসিনা ইন্দিয়া সরকার অমসুং স্তেত সরকারনা করি খোঙথাং পায়খৎলিবগে হায়বা য়েংদুনা লৈরি। প্রধান মন্ত্রী শ্রী নরেন্দ্র মোদীনা হায় মদুদি শান্ন-খোৎনবা হায়বা অসি ইন্দিয়নশিংগী পুন্সি মহিংগী লম্বী অমা ওইগদবনি অমসুং ইন্দিয়া সরকারনা মীপুম খুদিংদা মসি হৌনবগী খুদোকচাবা পীবা পাম্মী। খেলো ইন্দিয়া স্তত সেন্তর ওফ এক্সেল্লেন্স অসি নেস্নেল সেন্তর ওফ এক্সেল্লেন্সতা হাপচিনবা ওইনা হৌদোকপনি,” হায়না রিজিজুনা হায়খি।
য়ুনিয়ন মিনিস্তরনা হন্না হায়খি মদুদি ২০২৮দা পাংথোক্কদৌরিবা লোস এঞ্জেলেস ওলেম্পিক্স অসিদা ইন্দিয়ানা মকোক থোংবা ১০গী মনুংদা লৈহনবা অসিনি। “সেন্তর অমসুং স্তেত সরকার অনিমক পুন্না থবক তৌমিন্নগনি অমসুং ঐখোয়না মসিদা চংগদবা শেলগী ওইবা মতেং পুম্বা ফংহন্দুনা মতিক চাবা মচাক অমসুং মীওইশি, স্পোর্তস সাইন্স, য়াম্না ফবা মখলগী ত্রেন্নিং অমসুং অতৈ পুম্বা ফংহনগনি। ঐখোয়না মেদল ১-২না পেন্থোকপা ঙম্লোই, ঐখোয়না ২০২৮কী ওলেম্পিক্সতা মকোক ১০গী মনুংদা লৈগদবনি,” হায়না রিজিজুনা মখা তাখি।
![](https://static.pib.gov.in/WriteReadData/userfiles/image/image003C5UK.jpg)
কর্নাতকাগী চীফ মিনিস্তর শ্রী বি.এস. য়েদিয়ুরপ্পানা ভারত সরকারবু কে.আই.এস.সি.ই. লিংখৎপগীদমক থাগৎপা ফোংদোরক্লি অমসুং কর্নাতকা সরকারনা লৈবাক অসিগী শান্ন-খোৎনবগী লমদা শেমগৎনবা মপুং ফানা মতেং পীগনি হায়বগী থাজবা থম্লক্লি। “ঐহাক্না ইন্দিয়াগী স্পোর্তস মিনিস্তর শ্রী কিরেন রিজিজুবু মহাক্না শ্রী জয়াপ্রকাশ নারায়ন নেস্নেল য়ুথ সেন্তর বেঙ্গলোরবু খেলো ইন্দিয়া স্তেত সেন্তর ফোর এক্সেলেন্স শিন্নবগীদমক থম্মোয়নুংদগী থাগৎপা ফোংদোক্লি। কর্নাতকা সরকারনা মতম খুদিংদা য়াম্না চাওবা শেনফম অমা মসিগী সেন্তর, হোস্তেল অমসুং অতোপ্পা ওর্গানাইজেসনশিং অসিদা থাদরি। ঐখোয়না মেদল ফংগদবা শান্নরোইশিং মতেং পাংলি অমসুং ঐহাক্না থাজৈ মদুদি কে.আই.এস.সি.ই.না মালেমগী থাক্তা শান্নবা ঙম্বা শান্নরোই কয়া পুথোকপা ঙম্লগনি,” শ্রী য়েদিয়ুরপ্পানা পনখি।
স্পোর্তস মিনিস্ত্রীনা স্তেস ৮দা খেলো ইন্দিয়া স্তেত সেন্তর ফোর এক্সেলেন্স (কে.আই.এস.সি.ই.) অসিগীদমক শেমগৎনবা খন্দোক্লে। খন্দোক্লবা সেন্তরশিং অদুদি:
১. নাগালেন্দ – স্তেত স্পোর্তস একাদেমী, আই.জি. স্তদিয়ম কোহিমা
২. মনিপুর – খুম্মন লম্পাক স্পোর্তস কম্প্লেক্স, ইম্ফাল
৩. আরুনাচল প্রদেশ – সাঙ্গী লাদেন স্পোর্তস একাদেমী, চিম্পু ইতানাগর
৪. মিজোরাম – রাজীব গান্ধী স্তদিয়ম, আইজোল
৫. ওরিশা – কালিঙ্গা স্তদিয়ম, ভুবনেশ্বর
৬. তেলঙ্গানা – রিজনেল স্পোর্তস স্কুল হকিমপেৎ
৭. কর্নাতকা – শ্রী জয়াপ্রকাশ নারায়ন নেস্নেল য়ুথ সেন্তর বেঙ্গলোর
৮. কেরলা – জি.ভি. রাজা সেনিয়র সেকন্দরী স্পোর্তস স্কুল থীরুবনান্থপুরম
ইন্দিয়াবু ২০২৮কী ওলেম্পিক্সতা মকোক থোংবা লৈবাক ১০গী মনুং চন্নবগী পান্দমদা, খেলো ইন্দিয়া স্তেত সেন্তর ফোর এক্সেলেন্সনা মালেমগী থাক্তা ত্রেনিং পীদুনা হৈ-শিংলবা শান্নরোই পুথোক্নবা থাজবা পীরি অমসুং মসিগী সেন্তরশিং অসিবু লৈবাক অসিদা শান্নরোইশিংবু খ্বায়দগী ফবা ত্রেনিং পীবী অসিনি।
সেন্তরশিং অসিদা পীরিবা মতেং অসি ইনফ্রাস্ত্রকচর শেমগৎপা, স্পোর্তস সাইন্স সেন্তর লিংখৎপা অমসুং অফবা মখলগী কোচশিং পীবা অমসুং স্পোর্তস সাইন্স হুমেন রিসোর্স হায়বদি ফিজিওথেরাপিস্ত, অকনবা অমসুং খুৎলোইরবশিং অসিনি। সেন্তর অসি য়াম্না হৈ-শিংলবা মেনেজরশিংনা স্পোর্তশিং অসিগী ফিবম য়েংশিনগনি। কে.আই.এস.সি.ই. লিংখৎপা অসিনা হৈ-শিংলবা খংদোকপদা মতেং পাংলি, হায়রিবা অসিদা স্তেতশিং অমসুং য়ু.তি.শিংনশু মশক খংদোকপা অমসুং চাওখৎহনবগী থবক অসি লাক্লিবা ফন্দ অসিদগী তৌগনি।
*******
(Release ID: 1682929)
Visitor Counter : 169