ত্রাইবেল এফেয়ার্সকী য়ুনিয়ন মিনিস্তর শ্রী অর্জুন মুন্দানা ঙসি গুৱাহাতিগী লোকপ্রিয়া গোপীনাথ বোরদোলাই ইন্তরনেসনেল এয়রপোর্তকী দিপর্চর লৌঞ্চতা ভর্চুএল ওইনা অনৌবা ত্রাইবস ইন্দিয়া আউদলেত হাংদোকখ্রে। থৌরম অদুদা ত্রাইবেল এফেয়ার্সকী রাজ্য মন্ত্রী শ্রীমতি রেনুকা সিংহ, ত্রাইফেদকী চিয়রমেন শ্রী রমেস চান্দ মিনা, ত্রাইফেদকী ভাইস চিয়রমেন শ্রীমতি প্রতিভা ব্রহ্মা, ত্রাইফেদকী মেনেজিং দিরেক্তর শ্রী প্রবির কৃষ্ণ অমসুং এয়রপোর্ত ওথোরিতি ওফ ইন্দিয়া, গুৱাহাতিগী দিরেক্তর শরুক য়াখি।

থৌরম অদুদা শ্রী অর্জুন মুন্দানা হায়খি পুন্না চাউখৎমিন্নবা(সবকা সাথ সবকা বিকাস) অসি ঐখোয়গী সরকারগী মরুওইবা পান্দম্নি। মসিদা ত্রাইবেলশিং য়াওনা খুন্নাইগী ফিবম চাদ্রবশিং পুন্না চাউখৎমিন্নবা য়াওরি। ত্রাইবেলশিংগী পোৎথোকশিং য়োনফম ফংহনবা খক নত্তনা ৱাখল মান্নবা লুপশিংগা পুন্না থবক তৌমিন্নদুনা ত্রাইবশিংগী পুন্সি মহিং ফগৎনবা অমসুং হিংনবগী লম্বীশিং পীনবা ত্রাইফেদনা শিংথানিঙাই ওইবা থবকশিং পাংথোকপগীদমক ঐ হরাওই। ত্রাইবেলগী খুৎ-শাগী পোৎথোকশিং অমসুং ইয়োংগী পোৎথোকশিং অমসুং বন ধন ইম্মুনিতি বুস্তরশিং য়োনবদা মতেং পাংনবা গুৱাহাতিদা ১২৬সুবা ত্রাইবস ইন্দিয়া সোরুম অমা হাংদোকপদা ঐ নুংঙাই।

থৌরম অসি ত্রাইবেলশিংগী পুন্সিদা অচৌবা কান্নবা অমা পীগদবা ত্রাইফেদকী অতোপ্পা থবক অমা হৌদোকপনি। ত্রাইবেলশিং চাউখৎহন্নবা মসিগী পান্দমগী শরুক অমা ওইনা, ত্রাইফেদনা ৱাখল মান্নবা লুপশিংগা পুন্না থবক তৌমিন্নবা খুদোংচাবশিং থিরি। হিরম অসিগী মতাংদা ত্রাইফেদনা শ্রী শ্বরনাম দিভাইন প্রদক্স প্রাইভেদ লিমিতেদ(দিভিনিতি), নিউ দিল্লিদা এম.ও.য়ু অমা খুৎয়েক পীনখ্রে।

হৌজিক ফংলিবা ত্রাইবেলগী পোৎথোকশিং অসিগী মথক্তা অফবা মখলগী মমল তাংনা য়োনবা য়াগদবা “ত্রাইফেদ-দিভিনিতি” হায়না মমিং থোনবা পোৎথোকশিং পুথোক্নবা ত্রাইফেদ অমসুং শ্রী শ্বরনাম দিভাইন প্রদক্স প্রাইভেদ লিমিতেদ(দিভিনিতি)না য়ানখিবনি। মতম কুইনা ত্রাইবেল খুৎহৈবশিং কান্নবা ফংনবা হায়রিবা ত্রাইবেলগী পোৎথোকশিং য়োম্বা, য়োনবা অমসুং থিজিনবগী মতাংদা লুপশিংগা পুন্না থবক তৌমিন্নগনি। “ত্রাইফেদ-দিভিনিতি”গী পোৎথোকশিং ত্রাইবস ইন্দিয়া আউদলেতশিং, ই-মার্কেতপ্লেসশিং, কোর্পোরেতশিং, সরকার অমসুং পি.এস.য়ুশিংদা য়োনগনি।

ত্রাইবেলগী পোৎথোকশিং য়োনবদা মতেং পাংদুনা ত্রাইবেল খুৎহৈবশিং হিংনবগী লম্বী হেন্না ফংহন্নবা ত্রাইফেদনা পায়খৎপা থৌরাংগী শরুক অমা ওইনা, মসিগী অনৌবা আউদলেত(গুৱাহাতিদা মরিসুবা) অসি হাংদোকপনি অমসুং ত্রাইফেদনা মখা তানা মসিগী আউদলেতশিং লৈবাক শীনবা থুংনা হাংদোক্লি। ত্রাইবেল মীয়ামগী তুংকোইনা চৎনগদবা হিংনবা লম্বী পীনবা অমসুং শেন তান্নবা খুদোংচাবশিং পীনবা পান্দমদা ত্রাইফেদনা তোঙান-তোঙানবা মিনিস্ত্রিশিং অমসুং দিপার্তমেন্তশিংগা থবক তৌমিন্নরি।

ত্রাইবেল লাইফলিহুদ প্রোগ্রামশিংগা লোয়ন্না স্কিল দিবলপমেন্ত অমসুং মাইক্রো ওন্ত্রেপ্রেনিউয়রসিপ প্রোগ্রামশিং পাকথোক-চাউথোকহন্নবা ত্রাইফেদনা থৌরাং তৌরি। মসি অত্মানির্ভর অভিয়ান, “গো ভোকেল ফোর লোকেল” অমসুং মিনিস্ত্রিশিংগী অতৈ থবকশিংগা পু্ন্না পায়খৎমিন্ননবা থৌরাং তৌরি। হায়রিবা থবকশিং অসি মাইপাক্না পাংথোকপগা লোয়ন্না মখোয়গী হৈশিংবা হেনগৎহন্দুনা অমসুং মখোয়গী শেন্থোক হেনগৎনবা হিংনবা লম্বীশিং ফংহনবদা মতেং পাংদুনা লৈবাক শীনবা থুংনা লৈরিবা ত্রাইবেলশিংগী পুন্সি মপুংফানা অওনবা পুরক্নবা ত্রাইফেদনা থাজবা থম্লি।

*****