ہنر مندی کے فروغ اور صنعت کاری کی وزارت
اسکل انڈیا نے پاور سیکٹر میں ہنرمندی کی ترقی کے لیے ایکسی لینس کا پہلا مرکز قائم کیا
ہندوستان اور فرانس کی حکومت بجلی کے شعبے کے لئے پہلا سینٹر آف ایکسی لینس قائم کرنے کے لئے ساتھ آئے
مرکزی وزیر جناب آر کے سنگھ نے سنٹر آف ایکسی لینس کا فرانس کے وزیر برائے اقتصادی و مالی امور، علاقائی اقتصادی محکمہ برائے ہند-جنوبی ایشیا کے سربراہ جناب ڈینیئل مائٹرے کی موجودگی میں مرکز کا ورچوئل افتتاح کیا
سی او ای تربیت کاروں اور جانچ کرنے والوں کو خصوصی تربیت فراہم کرے گا:سالانہ صلاحیت 300+
Posted On:
18 DEC 2020 6:02PM by PIB Delhi
مہارت کی نشوونما اور پیشہ ورانہ تربیت کی وابستگی کے عین مطابق ایک اہم پیش رفت اور وزارت ہنر ترقی اور صنعت کاری، حکومت ہند، قومی تعلیم و نوجوانان کی وزارت، فرانسیسی جمہوریہ کی حکومت اور شنائڈر الیکٹرک نے آج گور پہاڑی، گورگرام (ہریانہ) میں واقع نیشنل انسٹی ٹیوٹ آف شمسی توانائی (این آئی ایس ای) کے کیمپس میں بجلی کے شعبے میں ہنر کی ترقی کے لیے پہلے سینٹر آف ایکسی لینس (سی او ای) کا ورچوئل افتتاح عمل میں آیا، جس میں ملک بھر میں سند یافتہ ٹرینرز اور جائزہ لینے والوں کا ایک مضبوط کیڈر تیار کیا جائے گا۔
سی او ای کے پاس مستقبل کی ٹکنالوجی کو مدنظر رکھتے ہوئے جدید ترین لیب تیار کی گئی ہیں، جس سے توانائی کے شعبے میں ہندوستان اور فرانس کے تعلقات کو مزید تقویت ملے گی۔ مرکزی وزیر مملکت برائے بجلی (آئی/سی)، نئی اور قابل تجدید توانائی (آئی/سی) اور وزیر مملکت برائے مہارت ترقی اور صنعت کاری جناب راج کمار سنگھ نے مہمان خصوصی کی موجودگی میں، عملی طور پر آج سنٹر آف ایکسی لینس کا افتتاح کیا۔ مسٹر ڈینیئل مائٹرے، وزیر۔قونصلر برائے اقتصادی و مالی امور، علاقائی اقتصادی محکمہ برائے ہندوستان اور جنوبی ایشیاء اس تقریب میں مہمان اعزازی کے طور پر شریک تھے۔
سی او ای کا قیام ایم ایس ڈی ای، فرانس کی وزارت تعلیم اور شنائیڈر الیکٹرک کے مابین پہلے سے دستخط شدہ ایم او یو کا نتیجہ ہے۔ مزید برآں، مرکز کے قیام اور اعلی انجام دینے کے لئے نیشنل اسکل ڈیولپمنٹ کارپوریشن (این ایس ڈی سی)، شنائیڈر الیکٹرک انڈیا فاؤنڈیشن (ایس ای آئی ایف)، پاور سیکٹر اسکل کونسل (پی ایس ایس سی) اور نیشنل انسٹی ٹیوٹ آف شمسی توانائی (این آئی ایس ای) کے مابین ایک آپریشنل ایم او یو پر دستخط ہوئے۔ بجلی اور شمسی توانائی کے میدان میں سطح کی تربیت اور مہارت کی ترقی کے لیے یہ معاہدہ ہوا ہے۔
سی او ای کا افتتاح کرتے ہوئے جناب راج کمار سنگھ، مرکزی وزیر مملکت برائے بجلی (آئی/سی)، نئی اور قابل تجدید توانائی (آئی/سی) اور وزیر مملکت برائے مہارت ترقی نے کہا کہ ہندوستان معاشی ترقی کو تیز کرنے کے لئے قابل تجدید توانائی کی طرف بڑھنے کے لئے تیزی سے اقدامات کررہا ہے، تاکہ ماحولیاتی تبدیلی کے چیلنجوں کو بھی کم کرتے ہوئے توانائی کی حفاظت اور توانائی تک رسائی کو بہتر بنایا جاسکے۔ توانائی کے شعبے میں افرادی قوت کے ایک اچھے پول کے لئے ان تمام اہداف کو حاصل کرنے میں ہماری کامیابی ہندوستان کو دنیا کی قابل تجدید توانائی مارکیٹ میں اعلی قائدین میں شامل کرنے کے لئے آگے بڑھتے رہنے کے لیے ہے۔ قابل تجدید توانائی کے شعبے کی ترقی کو فروغ دینے کی جانب مستحکم کوششیں محترم وزیر اعظم کے ‘آتم نربھربھارت’کے وژن کی تکمیل میں اہم کردار ادا کریں گی۔ سینٹر آف ایکسی لینس کے قیام کے لئے حکومت فرانس کے ساتھ ہماری شراکت داری ممالک کے مابین اپنے طویل المیعاد توانائی کے اہداف کے حصول کے لئے باہمی تعاون کی ایک روشن مثال ہے۔
سی او ای بجلی، آٹومیشن اور شمسی توانائی کے شعبوں میں امیدواروں کی ملازمت کو بڑھانے کے لئے مزید تربیت کے لئے انتہائی ہنر مند ٹرینرز اور جائزہ لینے والوں کا ایک پول بنانے پر توجہ دے گی۔ یہ مرکز بجلی اور شمسی توانائی کے شعبے میں تربیت دہندگان، انسٹرکٹرز، تشخیص کاروں کی تربیت اور دیگر اعلی نوعیت کے پروگراموں کی ترتیب اور ڈیزائن کرے گا۔
4000 مربع فٹ کے علاقے میں قائم، اس منصوبے کو این آئی ایس ای کی جانب سے اپنے کیمپس میں سی او ای کی میزبانی کے لئے اراضی کا حصہ ملا۔ سی او ای میں دو لیب بھی ہوں گے، جنہیں شنائیڈر الیکٹرک نے اپنے سی ایس آر اقدام کے ایک حصے کے طور پر تشکیل دیا ہے۔ ایڈوانس الیکٹریشن لیب گھر اور عمارت کی ترتیب اور صنعت کی تنصیب اور آٹومیشن کے لئے خصوصی طور پر تیار کردہ آلات سے آراستہ ہے۔ سولر لیب شمسی توانائی کے شعبے میں جدید ترین ٹکنالوجی پر عملی تربیت دینے میں مدد فراہم کرے گی۔ سی او ای کے آغاز کے ساتھ ہی، جائزہ لینے والوں کی آن لائن تربیت شروع ہوگی، جس میں ملک بھر سے تربیت دینے والے شامل ہوں گے۔ اس کے علاوہ مرکز میں نوجوانوں کی تربیت پر بھی غور کیا جارہا ہے۔ پاور سیکٹر اسکل کونسل، جو مرکز کا کام سنبھالے گی، سیکھنے کی سہولت کے لیے نسلوں، ترسیل، تقسیم اور بہاؤ والے ذیلی شعبوں میں ملازمت کے مختلف کرداروں کے لئے سیکھنے کے ضروری سامان کو بھی تیار کیا ہے۔ محکمہ تعلیم، فرانس نے مجوزہ سی او ای کے تصور کو، عملی شکل دینے اور ڈیزائن تیار کرنے کے لئے اپنے ایک ماہر کو تین سال کے لئے پہلے ہی ہندوستان بھیج دیا تھا۔ اس نے بجلی کے ڈومین میں لے آؤٹ، رہنما خطوط اور بہترین طریقہ کار کی تجاویز دے کر حصہ لیا ہے۔ نیشنل اسکل ڈیولپمنٹ کارپوریشن، جو تمام اسٹیک ہولڈرز کے لئے سہولت کار ہے اور اس منصوبے کے لئے پیشہ وارانہ رہنمائی بھی فراہم کررہی ہے۔
۔۔۔۔۔۔۔۔۔۔۔
U-8309
م ن۔ ج ق ۔ ت ع۔
(Release ID: 1682618)
Visitor Counter : 185