ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਅਤੇ ਇਸਪਾਤ ਮੰਤਰੀ ਸ਼੍ਰੀ ਧਰਮੇਂਦਰ ਪ੍ਰਧਾਨ ਨੇ ਅੱਜ ਆਈਸੀਏਆਈ ਦੀ ਰੁੜਕੇਲਾ, ਸੰਬਲਪੁਰ ਅਤੇ ਝਾਰਸੁਗੂੜਾ ਸ਼ਾਖਾ ਦੁਆਰਾ ਆਯੋਜਿਤ ਵੀਐਸਐਮ ਲੜੀ “ਸੀਏ: ਦਿ ਕੈਟੇਲਿਸਟ — ਲਰਨਿੰਗ, ਅਨਲਰਨਿੰਗ ਅਤੇ ਰੀਲਰਨਿੰਗ” ਵਿਸ਼ੇ 'ਤੇ ਇੱਕ ਵੈਬਿਨਾਰ ਨੂੰ ਸੰਬੋਧਿਤ ਕੀਤਾ।

ਸ਼੍ਰੀ ਪ੍ਰਧਾਨ ਨੇ ਇਸ ਸਮਾਗਮ ਵਿੱਚ ਬੋਲਦਿਆਂ ਕਿਹਾ ਕਿ ਉੜੀਸਾ ਵਿਲੱਖਣ ਆਰਥਿਕ ਹੌਟਸਪੌਟ ਬਣਨ ਲਈ ਵਿਲੱਖਣ ਰੂਪ ਵਿੱਚ ਤਿਆਰ ਹੈ। ਉਨ੍ਹਾਂ ਕਿਹਾ ਕਿ ਅਮੀਰ ਖਣਿਜ ਸਰੋਤਾਂ, ਜਨਸੰਖਿਆ ਦੇ ਲਾਭਅੰਸ਼ ਅਤੇ ਮਾਰਕੀਟ ਨਾਲ, ਉੜੀਸਾ ਵਿਲੱਖਣ ਤੌਰ 'ਤੇ ਆਲਮੀ ਬਾਜ਼ਾਰਾਂ ਵਿੱਚ ਆਉਣ ਵਾਲੇ ਮੌਕਿਆਂ ਦਾ ਲਾਭ ਉਠਾਉਣ ਲਈ ਤਿਆਰ ਹੈ। ਉਨ੍ਹਾਂ ਕਿਹਾ ਕਿ ਦੇਸ਼ ਕੋਵਿਡ -19 ਸੰਕਟ ਵਿੱਚੋਂ ਬਾਹਰ ਆ ਰਿਹਾ ਹੈ ਅਤੇ ਹੌਲੀ-ਹੌਲੀ ਸੰਕਟ ਤੋਂ ਬਾਅਦ ਦੇ ਦੌਰ ਵਿੱਚ ਦਾਖਲ ਹੋ ਰਿਹਾ ਹੈ। ਪਿਛਲੇ ਤਿੰਨ ਮਹੀਨਿਆਂ ਵਿੱਚ, ਅਸੀਂ ਸਾਰੇ ਵੱਡੇ ਆਰਥਿਕ ਸੰਕੇਤ ਵੇਖ ਸਕਦੇ ਹਾਂ ਜੋ ਰਿਕਵਰੀ ਦਿਖਾਉਂਦੇ ਹਨ। ਭਾਵੇਂ ਇਹ ਬਿਜਲੀ ਦੀ ਖਪਤ, ਤੇਲ ਅਤੇ ਗੈਸ ਦੀ ਖਪਤ, ਜੀਐਸਟੀ ਇਕੱਤਰ ਕਰਨ, ਸਭ ਤੇਜ਼ੀ ਨਾਲ ਮੁੜ ਪੈਰਾਂ ਸਿਰ ਹੋਣ ਦੀ ਤਸਵੀਰ ਪੇਸ਼ ਕਰ ਰਹੇ ਹਨ।

ਪੂਰਬੀ ਖੇਤਰ ਦੇ ਵਿਕਾਸ ਦਰਸ਼ਨ ਬਾਰੇ ਗੱਲ ਕਰਦਿਆਂ ਉਨ੍ਹਾਂ ਕਿਹਾ ਕਿ ਮਾਨਯੋਗ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਨੇ ਮਿਸ਼ਨ ਪੂਰਬੋਧਯਾ ਤੋਂ ਲਾਭ ਪ੍ਰਾਪਤ ਕਰਨ ਲਈ ਵਿਲੱਖਣ ਰੂਪ ਵਿੱਚ ਪੂਰਬੀ ਭਾਰਤ ਅਤੇ ਉੜੀਸਾ ਦੇ ਵਿਕਾਸ ਨੂੰ ਬੇਮਿਸਾਲ ਤਰਜੀਹ ਦਿੱਤੀ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਓਡੀਸ਼ਾ ਦੇਸ਼ ਨੂੰ ਕੋਲੇ ਲੋਹੇ ਅਤੇ ਹੋਰ ਚੀਜ਼ਾਂ ਦਾ ਵੱਡਾ ਹਿੱਸਾ ਮੁਹੱਈਆ ਕਰਵਾਉਂਦਾ ਹੈ। ਸਾਨੂੰ ਆਲਮੀ ਸਪਲਾਈ ਲੜੀ ਨਾਲ ਹੋਰ ਵੀ ਏਕੀਕ੍ਰਿਤ ਹੋਣ ਲਈ ਕੰਮ ਕਰਨਾ ਚਾਹੀਦਾ ਹੈ। 

ਓਡੀਸ਼ਾ ਦੀਆਂ ਸ਼ਕਤੀਆਂ ਨੂੰ ਦਰਸਾਉਂਦੇ ਹੋਏ ਮੰਤਰੀ ਨੇ ਕਿਹਾ, “ਓਡੀਸ਼ਾ ਖੇਤੀਬਾੜੀ ਵਿੱਚ ਅਮੀਰ ਹੈ। ਓਡੀਸ਼ਾ ਵਿੱਚ ਸੈਰ-ਸਪਾਟਾ ਵਿੱਚ ਵੀ ਬਹੁਤ ਸਾਰੀਆਂ ਸੰਭਾਵਨਾਵਾਂ ਹਨ। ਸਿੱਖਿਆ ਓਡੀਸ਼ਾ ਦੇ ਲੋਕਾਂ ਦੀ ਅੰਦਰੂਨੀ ਤਾਕਤ ਹੈ। ਓਡੀਸ਼ਾ ਵਿੱਚ ਬਹੁਤ ਸਾਰੀਆਂ ਸੰਸਥਾਵਾਂ ਹਨ ਜੋ ਰਾਸ਼ਟਰੀ ਪੱਧਰ 'ਤੇ ਨਾਮਵਰ ਹਨ। ਟੈਕਨਾਲੋਜੀ ਨਵੇਂ ਮੌਕੇ ਪੈਦਾ ਕਰ ਰਹੀ ਹੈ ਅਤੇ ਓਡੀਸ਼ਾ ਨੂੰ ਵਿਲੱਖਣ ਢੰਗ ਨਾਲ ਸਥਾਪਤ ਕੀਤਾ ਗਿਆ ਜਿਸ ਨਾਲ ਓਡੀਸ਼ਾ ਵਿੱਚ ਰਹਿ ਕੇ ਕੋਈ ਵੀ ਵਿਸ਼ਵ ਵਿੱਚ ਕਿਤੇ ਵੀ ਕੰਮ ਕਰ ਸਕਦਾ ਹੈ। ”

***

ਵਾਈ ਬੀ / ਐਸ ਕੇ