গৱাদা লৈবা মিনিস্ত্রি অসিগী ইন্দিয়া তুরিজম ওফিসকী খুৎথাংদা ভারত সরকারগী তুরিজম মিনিস্ত্রিনা শীন্দুনা ঙসি গৱাদা দোমেস্তিক তুরিজম রোদসো অমা পাংথোকখ্রে। থৌরম অসি গৱা তুরিজম অমসুং ত্রাবেল এন্দ তুরিজম এসোসিএসন ওফ গৱা(তি তি এ জি)না পুন্না শীনবনি।

কোবিদ-১৯ লাইচৎ মতুংদা তুরিজিম মিনিস্ত্রিনা শীনবা নোংচুপ থংবা অমসুং ময়াই থংবা লমদমগী পরিংনাইনা চৎথরকপা দোমেস্তিক তুরিজম রোদ সোগী অনিসুবা থৌরম অসি তুরিজম মিনিস্ত্রিগী এদিসনেল দিরেক্তর জেনেরেল রুপিন্দর ব্রারনা হৌদোকখি।

রোদসো অসিদা মহারাস্ত্র অমসুং গৱাগী তুর ওপেরেতরশিং উনখি। থৌরম অসি তুরিজম মিনিস্ত্রিগী মুম্বাই ওফিসনা পরিং নাইনা পাংথোকপা রোদসোশিংগী মনুংদা অমনি। তুর ওপেরেতর ১৫না শাবা মহারাস্ত্রা তুর ওপেরেতরশিংগী মীহুৎ কাংবু অমা কংফাল লম্বীদা চৎপগী নুংঙাইবা ফংনবা গৱা ফাওবা গারি তোঙদুনা লাকখি অমসুং হৌজিক লৈবাক শীনবা থুংনা অথিংবশিং লৌথোকখিবদগী মসিগুম্বা অসি য়াম্না পাম্নরে। রোদসো অদুদা ত্রাবেল অমসুং তুরিজম এসোসিএসন ওফ গৱাগী মেম্বর ৩০ শরুক য়াখি।

মহাক্কী মরুওইবা ৱারোলদা তুরিজম মিনিস্ত্রিগী এদিসনেল দিরেক্তর জেনেরেল রুপিন্দর ব্রারনা কমদৌনা লৈবাক অসিগী তুরিজম অসি মালেম থাক্কী তুরিজমগী থাক য়ৌনবা শেমগৎকদগে অমসুং চহি চুপ্পা তুরিজমগী থবকশিং পাংথোক্নবা ভারত্তা ফংলিবা খুদোংচাবশিংগী মতাংদা ফোঙদোকখি। মহাক্না হায়খি লৈফম, চাফম নৎত্রগা লমকোয়বা মীওইশিংগী নুংঙাইনবা মগুন লৈবা থবকশিং হেনগৎহনগদবনি। তুরিজম সেক্তর হান্নগী ফিবমদা হল্লক্নবা তুরিজম মিনিস্ত্রিনা থবক কয়া পায়খৎলে অমসুং দেখো অপ্না দেস কেম্পেন অমসুং মমিং চৎলবা অপ্না দেস ৱেবিনার সেরিজশিং পাংথোক্লে।

গৱা সরকারগী সেক্রেতরি(তুরিজম) শ্রী জে.অশোক কুমারনা হায়খি নবেম্বর ২০২০দা ফোঙখিবা অনৌবা গৱা তুরিজমগী পোলিসি অসিনা সমুদ্র মপানগী তুরিজমদগী হিন্দরলেন্ত তুরিজমদা হোঙলক্নবা পান্দম থম্লি। সমুদ্র মপান শেংদোক্নবা রাজ্য অসিগী অখন্নবা এজেন্সি অমা লৈরে অমসুং সমুদ্র মপানশিংগী অখন্নবা পুলিস ফোর্স অমা লিংখৎলগনি।

গৱা তুরিজম দিবলপমেন্ত কোর্পোরেসন্না গৱাদা লৈরিবা মপান নাইদ্রবা লমকোয়বশিংগী খুদোংচাবশিং উৎখি অমসুং মরুওইনা রাজ্য অসিদা নৌনা শেমগৎপা তুরিজমগী পোৎথোকশিং উৎখি।

গৱাগী হোতেল অমসুং ত্রাবেলগী খ্বাইদগী চাউবা লুপ ওইরিবা ত্রাবেল এন্দ তুরিজম এসোসিএসন ওফ গৱাগী প্রসিদেন্ত নিলেস সাহনা শরুক য়াখিবশিং তরাম্না ওকখি। এসোসিএসন অসিদা হোতেল মপুশিং, ত্রাবেল এজেন্তশিং, তুর ওপেরেতরশিং, এয়রলাইনশিং অমসুং অতোপ্পা মরী লৈনবা লুপশিং য়াওরি।

রোদসো অদুদা গৱা তুরিজম, ইন্সতিতুৎ ওফ হোতেল মেনেজমেন্ত গৱা, তি.তি.এ.জিনা মপুংফানা শৌগৎখি।

*****