ঙসি নেসনেল কম্মিসন ফোর মাইনোরিতিসনা “মাইনোরিতস দে” থৌরম পাংথোকখ্রে। থৌরম অদুদা হাওসিং অমসুং অর্বান এফেয়ার্সকী রাজ্য মন্ত্রী(ইন-চার্জ) অমসুং সিবিল এভিএসনগী রাজ্য মন্ত্রী শ্রী হরদিপ সিংহ পুরিনা থৌরম মপু ওইনা শরুক য়াখি। নেসনেল কম্মিসন ফোর মাইনোরিতিসকী ভাইস-চিয়রমেন শ্রী অতিফ রসিদ অমসুং কম্মিসনগী সেনিয়র ওফিসিএলশিংসু থৌরম অদুদা শরুক য়াখি।

লাইচৎ মনুংদা মীয়ামগীদমক মখোয়না পাংথোকখিবা থবকশিংগী শকখঙবা ওইনা মশক খঙলবা অপীকপা ফুরুপ ৬গী কোবিদ লান্মী ১২ থৌরম অদুদা কম্মিসন্না ইকায়খুম্নবা উৎখি।

অপীকপা ফুরুপশিংগী কোবিদ লান্মীশিং ইকায়খুম্নবা উৎপগীদমক নেসনেল কম্মিসন ফোর মাইনোরিতিস থাগৎলদুনা শ্রী হরদিপ সিংহ পুরিনা হায়খি চহি কয়া কৎথোকপগা লোয়ন্না অপীকপা ফুরুপশিং চাউখৎনবা সরকারনা থবক পায়খৎলি অমসুং থাগৎনিঙাই ওইবা ফলশিং ফংলে। অত্মানির্ভর ভারত অসি মশাগী ওক্নবা পুথোকপা ঙম্বা ভারত অমা শেমগৎনবা প্রধান মন্ত্রীগী পান্দমনি। প্রধান মন্ত্রীগী পান্দম “লমদম অসিগী পোৎথোক শীজিন্নবা” অসি মাইপাক্নবা সরকারনা পায়খৎপা স্কিমশিং হায়বদি মেক ইন ইন্দিয়া, স্তার্দ অপ ইন্দিয়া মাইনোরিতিশিংনা শরুক য়ারে। পুন্না চৎমিন্নদুনা, মাইনোরিতি খুদিংমক শেন-থুমগী ফিবম ফগৎহনগনি অমসুং লৈবাক্কী চাউখৎ-থৌরাং অসি মথংগী থাক অমদা পুখৎনবা পুন্না থবক তৌমিন্নগনি।

খুন্নাইগীদমক কৎথোকপগা লোয়ন্না মথৌ পাংথোকপগীদমক কোবিদ লান্মীশিং থাগৎলদুনা নেসনেল কম্মিসন ফোর মাইনোরিতিসকী ভাইস-চিয়রমেন শ্রী অতিফ রসিদনা হায়খি মনা ফংলবশিং অসিনা অৱাবা মতমদা মীয়ামগী য়াইফনবা থবকশিং পাংথোকখিবগুম থৌরম অসি শরুক য়াবা লাক্লিবা খুদিংমক্না খুন্নাইগী য়াইফনবা থবক তৌগদবনি। তোঙান-তোঙানবা ফুরুপশিংগী মরক্তা শান্তি ওইনা লৈমিন্নবা অমসুং খুন্নাইগী নুংশিনবা পুরকপদা সরকারগী থৌদাং য়াম্না চাউই। মাইনোরিতিশিং য়াইফনবা মাইনোরিতি এফেয়ার্স মিনিস্ত্রিনা পায়খৎলিবা থবকশিং অসি খুন্নাই পুন্না চাউখৎমিন্ননবা অমসুং শেন-থুমগী ফিবম ফগৎনবা অচৌবা খোঙথাং অমনি।

*****