শেল-থুম মন্ত্রালয়
কোবিদ-১৯না শোকহল্লিবা অসিদগী ভারতকী শেন্মীৎলোন ফগৎহনবদা মতেং পাংনবা এম.জি.এন.আর.ই.জি.এস.কী খুত্থাংদা আত্মা নির্ভর ভারত অভিয়ানদা দোলর লিমিয়ন ১,০০০গী মতেং পীনবা ভারত সরকার অমসুং এন.দি.বি.না এগ্রীমেন্তদা খুৎয়েক পীনখ্রে
Posted On:
16 DEC 2020 5:30PM by PIB Imphal
ভারত সরকারগী মহাত্মা গান্ধী নেস্নেল রুরেল ইমপ্লোইমেন্ত গরেন্তী স্কীম (এম.জি.এন.আর.ই.জি.এস.)কী মখাদা নেচরেল রিসোর্স মেনেজমেন্ত (এন.আর.এম.) অমসুং রুরেল ইমপ্লোইমেন্ত জেনরেসনগা মরী লৈনবা রুরেল ইনফ্রাস্ত্রকচরদা চাদিংশিং তৌবদা মতেং পাংদুনা ‘কোবিদ-১৯না শোকহল্লিবা অসিদগী ভারতকী শেন্মীৎলোন ফগৎহনবদা মতেং পাংনবা’ দোলর লিমিয়ন ১,০০০গী মতেং পীনবা ভারত সরকার অমসুং ন্যু দিবেলপমেন্ত বেঙ্ক (এন.দি.বি.)না লোনগী এগ্রীমেন্ত অমা ঙসি খুৎয়েক পীনখ্রে।
কোবিদ-১৯ শন্দোকপা লাকশিন্নবা লৈবাক শিনবা থুংনা মীয়ামগী চত্থোক-চৎশিন্দা অথিংবা থমখিবা অসিগী মথক্তা রাজ্য সরকারশিংনা থমখিবা অকনবা অথিংবশিং অমসুং লোকেলাইজ লোকদাউনশিং থমখিবা অসিনা দোমেস্তিক সপ্লাই অমসুং দিমান্দদা অকাইবা থোকখিবনা শেন্মীৎলোনগী থবক থৌরমদা অপনবা ওইখি। মসিনা মরম ওইরগা খুঙ্গংগী মফমশিং য়াওনা ইনফোর্মেল সেক্তরদা মরু ওইনা থবক তৌরিবা শিন্মীশিংগী থবক অমদি ইনকম লেপখি।
প্রোগ্রাম অসিনা সরকারনা কোবিদ-১৯ লাইচৎনা শেন্মীৎলোনদা পীরিবা চৈথেং অসি হন্থহনবদা মতেং ওইরগনি অমসুং খুঙ্গংগী মফমশিংদা মসিগী খুত্থাংদা শেন্মীৎলোন ফ্গৎহনবা ঙমগনি:
- শেন্মীৎলোনগী থবক-থৌরমশিং ফগৎহনগদবা নেচরেল রিসোর্স মেনেজমেন্তগী থবকশিং অমসুং
- কোবিদ-১৯ শন্দোরকপনা মরম ওইরগা শেন্মীৎলোনগী থবক থৌরমদা হন্থরকপা অসি থেংননবা রুরেল দিমান্দ লৈহন্নবা ইমপ্লোইমেন্ত জেনরেসন।
প্রোগ্রাম অসিনা এন.আর.এম. অমদি খুঙ্গংগী লায়রবশিং মরু ওইনা কোবিদ-১৯গী লাইচৎনা মরম ওইরগা সহরগী মফমশিংদগী হল্লকপা অমদি হিংনবগী লৈত্রবা মাইগ্রেন্ত শিন্মীশিংদা থবক্কী খুদোংচাবশিং পীনবগা মরী লৈনবা মতম শাংনা চৎকদবা রুরেল ইনফ্রাস্ত্রকচর এসসেৎশিং শেম্নবা ৱাফমগী অপাম্বা ফোঙদোকখি।
এগ্রীমেন্ত অসি ভারত সরকারগী মহুৎ শিন্দুনা শেন-থুম মন্ত্রালয়গী দিপার্তমেন্ত ওফ ইকনোমিক এফিয়র্সকী জোইন্ত সেক্রেতরী শ্রী বালদিও পুরুশর্থা অমদি এন.দি.বি.গী মহুৎ শিন্দুনা ভাইস প্রসিদেন্ত, চীফ ওপরেসন ওফিসর ওইরিবা মিস্তর সিয়ন জুগা খুৎয়েক পীনখি।
শ্রী পুরুশর্থানা হায়খি প্রোগ্রাম অসিনা খুঙ্গংগী লায়রবশিংগী পুন্সি মহিং ফগৎহল্লগনি লোইননা কোবিদ-১৯না মরম ওইরগা থবক লৈতদুনা সহরগী মফমশিংদগী হল্লকখিবা মাইগ্রেন্ত শিন্মীশিংদা ইনকমগী খুদোংচাবশিংসু ফংহল্লগনি। শ্রী পুরুশর্থানা মখা তারদুনা হায় এন.দি.বি.গী মতম চানা পাংবীরকপা মতেং অসিনা সরকারনা কোবিদ-১৯ লাইচৎনা থোকহল্লিবা শেন্মীৎলোনগী অপনবশিং অসি থেংনবদা মতেং ওইরগনি অমসুং দিমান্দ লৈহন্নবা খুঙ্গংগী মফমশিংদা থবক্কী খুদোংচাবশিং ফংহল্লগনি।
মিস্তর সিয়ন জুনা হায়খি প্রোগ্রাম অসিনা এন.আর.এম.গী থবকশিং অমসুং ইমপ্লোইমেন্ত জেনরেসনগী খুত্থাংদা সরকারনা কোবিদ-১৯ লাইচৎনা শেন্মীৎলোনদা পীরিবা চৈথেং অসি হন্থহনবা হোৎনবদা মতেং ওইরগনি। এন.দি.বি.গী কোবিদ-১৯গী ফাস্ত-ত্রেক ইমর্জেন্সী রেস্পোন্সকী পোলিসীগী মখাদা ফন্দিং তৌবনা খুঙ্গংগী ইনকম লৈহনবা অমদি খুঙ্গংগী চাদিং হেনগৎহনদুনা শেন্মীৎলোন ফগৎহনবদা মতেং ওইগদবা দিমান্দ হেনগৎহনবা ঙম্লগনি।
এন.দি.বি. অসি ব্রিক্স লৈবাকশিংগী (ব্রাজিল, দি রসিয়া ফেদরেসন, ভারত, চিনা অমসুং খা অফ্রিকা) মরক্তা জুলাই ১৫, ২০১৪দা খুৎয়েক পীনখিবা ইন্তর-গোভর্নমেন্তেল এগ্রীমেন্তদা য়ুম্ফম ওইরগা লিংখৎখিবনি। বেঙ্ক অসিগী থৌদাংদি ব্রিক্সতা অমসুং অতোপ্পা অনৌবা কৈথেলগী শেন্মীৎলোনশিংদা অমদি চাউখৎলক্লিবা লৈবাকশিংগী ইনফ্রাস্ত্রকচর অমদি সস্তেনেবল দিবেলপমেন্ত প্রোজেক্তশিংগী রিসোর্সশিং ফংহনবনি। এন.দি.বি.দগী ফংগদবা দোলর বিলিয়ন ১গী লোন অসিদা চহি ৫গী গ্রেস পিরিয়দ য়াওনা চহি ৩০গী তেনর ওইগনি।
****
(Release ID: 1681317)
Visitor Counter : 138