প্রধান মন্ত্রীগী স্পিসিয়েল স্কোলরশিপ স্কিম(পি.এম.এস.এস.এস.)গী মখাদা এ.আই.সি.তি.ই.না লুপা ২০,০০০গী শেনফম মেন্তেনেন্স এলাউৱেন্স ওইনা থাদোক্লগনি

জে. অমসুং কে. অমসুং লদাখকী মহৈরোইশিংদা মতেং পাংনবা এ.আই.সি.তি.ই.না প্রধান মন্ত্রীগী স্পিসিয়েল স্কোলরশিপ স্কিম(পি.এম.এস.এস.এস.)গী  মেন্তেনেন্স এলাউৱেন্স ওইনা লুপা ২০,০০০/গী ইন্সতোল্তমেন্ত অদু থাদোক্নবা ৱারেপখ্রে৷ মহৈরোইশিংনা মখোয়গী ওনলাইন স্তদী অদু মপুং ফাননবগীদমক মহৈরোইশিং অসি সপোর্ত তৌনবা অমসুং য়োকখৎপিনবা ৱেরেপ অসি লৌখিবনি৷

পি.এম.এস.এস.এস. স্কিম অসিগী মখাদা জে. অমসুং কে. অমসুং লদাখতা লৈরিবা নহাশিং অসিবু শরুক অনিদা হায়বদি একাদেমিক ফী অমসুং মেন্তেনেন্স এলাউৱেন্স ওইনা পীদুনা স্কোলরশিপকী ওইবা মওং অমদা মতেং পাংই৷ এ.আই.সি.তি.ই.না ইন্তিত্যুসন পুম্নমক্তা ২০২০-২১ চহীগী একাদেমিক ফী পুম্নমক মাংজৌননা থাদোকখ্রে৷ মমাংগী একাদেমিক চহী ২০১৯-২০ অসি লোইদ্রিবফাওবা স্কিম গাইদলাইনশিংগী মতুং ইন্না মেন্তেনেন্স এলাউৱেন্স অদু মপুং ফানা থাদোকখ্রে৷ মখাতারকপদা কোবিদ-১৯ অসিনা মরম ওইদুনা ভারত অসি শিনবা থুংনা লৈরিবা একাদেমিক ইন্সতিত্যুসনশিং অসি থোং লোনশিনখ্রে অমসুং ওনলাইন ক্লাসতমক মখা চৎথরি৷ অদুবু হোস্তেল অমসুং চানা-থক্নবগী এক্সপেন্দিচরদি য়াওদবনা মরম ওইদুনা মহৈরোইশিং অসিনা ইন্সতিত্যুসন অসি ফিজিকেল্লী জোইন্ত তৌদ্রিবফাওবা মেন্তেনেন্স এলাউৱেন্স অসি সস্পেন্দ তৌখ্রে৷

অদুমওইনমক মহৈরোইশিং অসিনা মখোয়গী ওনলাইন স্তদী অদু মপুং ফাহন্নবগীদমক মখোয়শিং অসিবু সপোর্ত তৌনবা অমসুং এমপৱার তৌননবগীদমক লুপা ২০,০০০/গী ইন্সতোলমেন্ত অদু থাদোক্নবা ৱারেপখ্রে৷ শেনফম অসি ওল্দ সেমিস্তর(জুলাই-দিসেম্বর ২০)দা ক্লাস য়াওরিবা বেনিফিসিয়রিশিং পুম্নমক্তা থাদোক্লগনি৷ মখাতাবা ইন্সতোলমেন্তশিং অদুদি মহৈরোইশিং অসি মশা মশাগী ইন্সতিত্যুসন অসিনা মখাতানা তমথবা য়াবগী সর্তিফিকেৎ অদু বেরিফিকেসন তৌবগী মতুং ইন্না মহৈরোইশিং অসিনা মশা মশাগী ইন্সতিত্যুসনশিং অসিদা ফিজিকেল্লী জোইন্ত তৌরবা মতম খক্তদা থাদোক্লগনি৷

বোক্তগ্রাউন্দ:

জে. অমসুং কে. অমসুং লদাখকী নহাশিংগী মরক্তা থবক ফংহন্নবগী খুদোংচাবা অদু হেন্না লৈহন্নবগীদমক অমসুং পব্লিক অমসুং প্রাইভেৎ সেক্তরশিংদা থবক্কী খুদোংচাবা লৈহন্নবগীদমক প্রধান মন্ত্রীনা এক্সপর্ত গ্রুপ অমা শেমখ্রে৷ মখাতারকপদা প্রধান মন্ত্রীগী স্পিসিয়েল স্কোলরশিপ স্কিম(পি.এম.এস.এস.এস.) অসি ন্যু দিল্লীদা লৈরিবা ওল ইন্দিয়া কাউন্সিল ফোর তেক্নিকেল এদজুকেসন(এ.আই.সি.তি.ই.) অসিনা চৎনহল্লি৷

স্কিম অসিদা জে. অমসুং কে. অমসুং লদাখকী নহাশিংবু নোর্মেল কোর্সতা কম্পিত তৌনবা ঙম্নবা মখোয়শিং অসিবু এদজুকেতিং, ইনেব্লিং অমসুং এমপৱারিং তৌদুনা নহাশিংগী কেপাসিতী অদু শেমগৎনবা পান্দম থম্লি৷ স্কিম অসিগী মখাদা জে. অমসুং কে. অমসুং লদাখতা লৈরিবা নহাশিং অসি শরুক অনিদা হায়বদি একাদেমিক ফী অমসুং মেন্তেনেন্স এলাউৱেন্সতা স্কোলরশিপ পীদুনা সপোর্ত তৌই৷ একাদেমিক ফী অসি এ.আই.সি.কি.ই.না পাংথোক্লিবা ওনলাইন কাউন্সিলিং প্রোসেস অসিগী মতুংদা মহৈরোই অসিনা এদমিসন তৌরিবা ইন্সতিত্যুসন অসিদা থী৷ ত্যুসন ফী অমসুং তোঙান তোঙানবা প্রোফেস্নেল, মেদিকেল অমসুং অতোপ্পা আন্দর গ্রেজুয়েত কোর্সশিং অসিগীদমক ফিক্স তৌরিবা সিলিং অসিগী মতুং ইন্না অতোপ্পা কম্পোনেন্তশিং একাদেমিক ফী অসিদা মনুং চল্লি৷ হোস্তেল একোমোদেসন, চাবা-থকপগী চাদিং, লাইরিকশিং অমসুং স্তেসন্নরীদা চংলিবা চাদিং অদু মেনখৎনবা বেনিফিসিয়রি অসিদা লুপা লাখ ১.০০গী ফিক্স ওইবা শেনফম অমা ফংহল্লি অমসুং মসি মহৈরোইশিংগী একাউন্তদা দাইরেক্লি থা খুদিংগী ওইনা লুপা ১০,০০০-১০,০০০গী চাংদা পী৷

*****