কলচর অমসুং তুরিজমগী মিনিস্তর ওফ স্তেত (আই.সি.) শ্রী প্রাহলাদ সিংহ পতেলনা নেতাজী সুবাশ চন্দ্র বোসকী ১২৫শুবা মপোক কুমোনগী নিংশিং থৌরম পাংথোক্নবগী শেম শানবগী মপুং ওইবা মিতিং অমা ঙসি নই দিল্লীদা পাকথোকখ্রে। মিতিং অসিদা নেতাজীগী ইমুংগী মীওইশিং য়াওখি, নেতাজী সুবাশ চন্দ্র বোস আই.এন.এ. থ্রসকী মেম্বরশিং, এজুকেসন্নিস্ত, হিস্তোরিয়ান, অমসুং নেতাজী সুবাশ চন্দ্র বোসকা মরী লৈনবা ওর্গানাইজেসনশিং কয়াগী মীহুৎশিংনা থৌরম অসিদা শররক য়াখি। মিতিং অদুদা শরুক য়ারিবশিং অদুগী মনুংদা নেতাজী সুবাশ চন্দ্র বোস-আই.এন.এ. থ্রসকী ভাইস চেয়রমেন, ব্রীগ. (রিতদ.) আর.এস. ছীকারা; মেজোর জেনেরেল (রিতদ.) শ্রী জি.দি.বক্সি; নেতাদিগী গ্রান্দ নিফ্যু শ্রী চন্দ্র কুমার বোস; নেতাদিগী নিফ্যু শ্রী আর্ধেন্দু বোস; নেতাদিগী গ্রান্দ নিস মিস রেনুকা মালাকর, প্রোফেসর কাপিল কুমার (হান্নগী হিস্ত্রীগী প্রোফেসর), দাঃ জে.এস. রাজপুত (নেতাজী সুবাশ চন্দ্র বোস-আই.এন.এ. থ্রসকী থ্রস্তি), প্রোফেসর সুধীর সিংহ অমসুং শুভম শর্ম্মা অসিনি। সেক্ত্রেতরি কলচর শ্রী রাঘবেন্দ্র সিংহ, মেম্বর সেক্ত্রেতরি আই.জি.এন.সি.এ. দাঃ সছিদানন্দ জোশী অমসুং কলচর মিনিস্তরগী মকোক থোংবা ওফিসরশিংশু শরুক য়াখি। কলচরগী জোইন্ত সেক্ত্রেতরি  শ্রীমতি নিরুপমা কোত্রুনা প্রজেন্তেসন অমশু পীখি। শরুক য়ারিবশিং অসিদা ৱা ঙাংলদুনা কলচর মিনিস্তরনা হায় মদুদি নেতাজগী ১২৫শুবা মপোক কুমোন অসিগী নিংশিং থৌরম অসি ২০২১গী জানুৱারিগী ২৩দগী হৌদুনা মশক নাইরবা লুচিংবা অসিগী মফমদা শ্রদ্ধাঞ্জলী কৎপা হৌগনি। মিতিং অসিদা শরুক য়ারিবশিং অসিনা পীরকপা অপাম্বশিংগী মতুং ইন্না কলচর মিনিস্তরনা হায় মদুদি য়াম্না চাওবা এরে অমা পুৱারীগী ওইবা চে-চাং, ক্লিপ্পিং, ফোতো, ভিদিও অমসুং অতৈ অতোপ্পা পোৎ-চৈশিং অসি নেতাজীগী ইমুংগী মীওইশিং অমসুং আই.এন.এ.গী মেম্বরশিং য়াওনা মফম অমদা উৎকনি। শ্রী প্রহলাদ সিংহনা ফোংদোকখি মদুদি কোলকাতাদা নেতাজী সুবাশ চন্দ্র বোসপু নিংশিংবা ওইনা ম্যুজিয়ম অমা লিংখৎনবা হায়রগনি অমসুং হৌজিক লাল কিলাদা লৈরিবা ম্যুজিয়ম অসিশু চাওথোক্নবা হায়রগনি। মহাক্না শরুক য়ারিবশিংবু মখোয়না পীরকপা অনিং-অপাম্বশিং অদু তরাম্না ওকখি অমসুং থৱায় য়াওনা নিংশিং থৌরম অসিবু পাংথোক্নবগী থৌদাং য়াখি।  

কলচর সেক্ত্রেতরি শ্রী রাঘবেন্দ্র সিংহনা হায় মদুদি ১২৫শুবা নেতাজীগী মপোক কুমোন অসি কোলকাতাগী ভিক্তোরিয়া মেমোরিয়েলদা নেতাজীগী মথক্তা অচৌবা একজিবিসন অমা য়াওহনগদৌরি। থৌরম অসিদা ৱেস্ত বেঙ্গালদা কলচরগী ওইবা থৌরমশিং “এক ভারত শ্রেস্থা ভারত প্রোগ্রাম”, মরুওইনা স্তেত অনি হায়বদি ৱেস্ত বেঙ্গাল অমসুং রাজস্থান অসিনা পাংথোক্কনি।

শরুক য়ারিবশিংনা ফোংদোরকপা অনিং-অপাম্বশিং অসিগী মনুংদা নেতাজীনা ইরম্বা লাইরিকশিং লোয়ননা আই.এন.এ.মেম্বরশিংনা ইরম্বাশিং অসি অমুক হন্না নমথোকপা, স্কুল অমসুং কোল্লেজশিংদা অতেনবা লেকচর পীবা, নেতাজীবু নহাগী শক্তমদা পুখৎপা, অতেনবা ভিদিও অমসুং সোসিএল মেদিয়াদা পুখৎপা, নহাশিংনা অনৌবা তেক্নোলোজি শিজিন্নদুনা থবকশিং তৌবা, নেতাজীদা স্তদি তৌদুনা ফেল্লোশিপ হৌবা অমসুং আই.এন.এ.গী অহলশিংবু রিপব্লিক দে পেরেদকী বার্তোন তৌবা, অতৈশিং।

******