২০২০গী দিশেম্বর ২২দগী ২৫ ফাওবা পাংথোক্কদৌরিবা ইন্দিয়া ইন্তরনেসনেল সাইন্স ফেস্তিবেল(আই আই এস এফ)-২০২০ শরুক য়াগদবশিং চেবাউ পীনবা অমসুং নহারোলশিংদা খঙহন্নবা পরিং নাইনা থৌরম কয়া পাংথোক্লে। মপুং ওইবা থৌরমগী মাঙওইন্না অচৌবা সাইন্স ফেস্তিবেল অসি মীয়ামদা খঙহন্নবা পান্দমদা লৈবাক্কী তোঙান-তোঙানবা মফমশিংদা থৌরম কয়া পাংথোকলি।

নেসনেল ইন্সতিতুৎ ওফ ওসিন তেক্নোলোজি(এন আই ও তি)চেন্নাইনা শীন্দুনা ভর্চুএল ওইনা “খুন্নাই চাউখৎনবা, লৈবাক শেমগৎনবা অমসুং অত্মানির্ভর ভারতকীদমক ৱাতর সাইন্স” হায়বা করতেন রাইজর থৌরম অমা পাংথোকখ্রে। নেসনেল ইন্সতিতুৎ ওফ ওসিন তেক্নোলোজি অসি ভারত সরকারগী আর্থ সাইন্সেস মিনিস্ত্রিগী মখাদা লৈবা ওতোনোমস ইন্সতিতুৎ অমনি। থৌরম অদুদা চীফ গেস্ত ওইখিবা ভারত সরকারগী সাইন্স অমসুং তেক্নোলোজি দিপার্তমেন্তগী হান্নগী সেক্রেতরি দোক্তর তি.রমাসামিনা খুন্নাই চাউখৎহন্নবা ৱাতর সাইন্সকী মরুওইবগী মতাংদা ফোঙদোকখি। থৌরম অদুদা বিজনানা ভারতি(বিভা)গী ওর্গনাইজিং সেক্রেতরি, জয়ান্ত সাহাসরাবুধেনা ৱা ঙাংখি। আই.আই.এস.এফ-২০২০ অসি সি.এস.আই.আর-নেসনেল ইন্সতিতুৎ ওফ সাইন্স, তেক্নোলোজি এন্দ দিবলপমেন্ত স্তদিজ(নিসতাদস),নিউ দিল্লিনা শীনবনি। আই.আই.এস.এফ-২০২০গী পান্দমদি “মশাগী ওক্নবা পুথোকচবা ভারত অমসুং মালেমগী য়াইফনবগীদমক সাইন্স” হায়বা অসিনি। মহাক্কী মরুওইবা ৱারোলদা সি.এস.আই.আর-নিসতাদসকী দিরেক্তর, দোক্তর রঞ্জনা অগরৱালনা ভর্চুএল প্লেতফোর্ম অমগী খুদোংচাদবশিং অমসুং কান্নবশিংগী মতাংদা ফোঙদোকখি।

মহাক্না হায়খি ফেস্তিবেল অসি কাউন্সিল ওফ সাইন্তিফিক এন্দ ইন্দস্ত্রিয়েল রিছর্স(সি এস আই আর)না সাইন্স অমসুং তেক্নোলোজি দিপার্তমেন্ত, আর্থ সাইন্সেস মিনিস্ত্রি, বাইওতেক্নোলোজি দিপার্তমেন্ত, ইন্দিয়ান কাউন্সিল ওফ মেদিকেল রিছর্স(আই সি এম আর) অমসুং বিজনানা ভারতি(বিভা)গা লোয়ননা শীনবনি।

হেল্থ রিছর্স কনক্লেপ হায়বা পান্দমদা মসিগী মান্নবা করতেন রাইজর থৌরম অমা য়ু.পিগী গোরাখপুরদা পাংথোকখি। থৌরম অদুদা আই.সি.এম.আর-আর.এম.আর.সি, গোরাখপুরগী দিরেক্তর দোক্তর রাজনি কান্ত; দি.ঐচ.আরগী সেক্রেতরি অমসুং আই.সি.এম.আরগী দি.জি প্রোফেসার বালরাম ভারগাবা; এ.আই.আই.এম.এস,গোরাখপুরগী দিরেক্তর প্রোফেসার(দোক্তর)সুরেখা কিসোর অমসুং বিভাগী ওর্গনাইজিং সেক্রেতরি জয়ান্ত সহাসরাবুধেনা ৱা ঙাংখি। ফেস্তিবেল অসিদা পাংথোক্নবা থৌরাং তৌরিবা তোঙান-তোঙানবা থৌরমশিংগী মতাংদা আর.এম.আর.সি, গোরাখপুরগী দিরেক্তর দোক্তর রাজনি কান্তনা ৱাফম কয়া ফোঙদোকখি অমসুং “হরাও-তয়াম্বা, মশা ফবা অমসুং মশাগী ওক্নবা পুথোকপা ভারতকীদমক হকশেলগী লমদা থিজিনবা” হায়বা পান্দমদা আই.সি.এম.আরনা শীল্লিবা হকশেলগী মীফম অসিগী মতাংদা পাউদমখি।

দি.ঐচ.আরগী সেক্রেতরি অমসুং আই.সি.এম.আরগী দি.জি প্রোফেসার বালরাম ভারগাবানা মহাক্কী ৱারোলদা “জয় জৱান, জয় কিষান, জয় বিগ্যান অমসুং জয় অনুসন্ধান”গী মরুওইবগী মতাংদা পনখি। নিপাহ, সি.সি.ঐ.এফ অমসুং কোবিদ-১৯ য়াওনা তোঙান-তোঙানবা লাইচৎশিং লাকশিন্নবা ভারত খক্তদা নত্তনা মালেম অসিদা আই.সি.এম.আরনা মাইপাক্না পাংথোকখিবা থবকশিং মহাক্না থমখি। লৈবাক অসিগী মশাগী ওক্নবা অমসুং হকশেলগী লমদা থিজিনবা হেনগৎহন্নবা সাইন্স, রিছাস অমসুং ইন্নোবেসন ফগৎহন্নবা কেন্দ্র সরকারনা পায়খৎলিবা থবকশিং দোক্তর ভারগবানা শন্দোক্না থমখি।

থৌরমগী চীফ গেস্ত অমসুং ৱাঙাংলোয় এ.আই.আই.এম.এস,গোরাখপুরগী দিরেক্তর প্রোফেসার(দোক্তর)সুরেখা কিসোরনা মহাক্কী ৱারোলদা সাইন্সকী লমদা ভারতকী শক্তি হেনগৎলক্লিবা অসি মালেমগী মীয়ামদা ফাওহন্নবা “ইন্দিয়া ইন্তরনেসনেল সাইন্স ফেস্তিবেল”গী পান্দমগী মতাংদা ফোঙদোকখি। কোবিদ-১৯ লাইচৎ লাকশিন্নবা হোৎনবদা সাইন্সনা কমদৌনা মতেং পাংবগী হায়বগী মতাংদা মহাক্না শন্দোক্না তাকখি। হকশেলগী থবকশিংদা সাইন্সকী মাইপাকপশিং শীজিন্নবগী মতাংদা শন্দোক্না তাকখি অমসুং ওনলাইন ও.পি.দি, রিপোর্তিং, দিজিতেল দাইগনোস্তিক অসিনচিংবগী মতাংদা “দিজিতেল ইন্দিয়া”গী থৌদাং মহাক্না পনখি।

আর.এ.আর.সি, গোরাখপুরগী দিরেক্তর, দোক্তর রাজনি কান্তনা হায়খি সাইন্স অমসুং থিজিনবা চাউখৎহন্নবা ভারত সরকারনা থবক পায়খৎলে। মালেমগী অৱাবশিং কোকহন্নবা ভারতকী সাইন্তিস্তশিংগী থৌদাং মালেমদা উহনবা মতম য়ৌরে। অঙাংশিংদা তিকা থাবদগী  অমসুং মচি ওইবা চীঞ্জাকশিং পীজবদগী অঙাংশিংগী থকশিং অমসুং অফবা চীঞ্জাক চাবগী চাং ঐখোয়না পাম্লিবা থাক অদু য়ৌবা ঙম্লে। কোবিদ-১৯ লাইচৎ লাকশিন্নবা আই.সি.এম.আরনা পায়খৎলিবা থবকশিংগী মতাংদা মহাক্না শন্দোক্না তাকখি।

ফেস্তিবেল অসিদা শরুক য়ানবা মহাক্না সাইন্তিস্তশিং, রিছর্স তৌবা মীওইশিং, মহৈরোয়শিং, ইন্নোবেতরশিং অমসুং মীয়ামগী য়াইফনবা থবক তৌরিবশিংদা হায়জখি। এ.আই.আই.এম.এস, নিউ দিল্লিগী কম্মুনিতি মেদিসিনগী প্রোফেসার দোক্তর পুনিত মিশ্রাসু থৌরম অদুদা ৱা ঙাংখি।

আর.এম.আর.সি গোরাখপুরগী নোদেল কম্মুনিকেসন ওফিসার অমসুং সেনিয়র সাইন্তিস্ত দোক্তর অশোক পান্দেনা থাগৎ ৱাহৈ পীদুনা থৌরম অদু লোইশিনখি। থৌরম অদুদা ইন্সতিতুৎকী সাইন্তিফিক ওফিসারশিং, স্তাফশিং, গোরাখপুর য়ুনিভর্সিতিগী প্রোফেসারশিং, মহৈরোয়শিং অমসুং লৈবাক অসিগী মেদিকেল ইন্সতিতুৎশিংগী সাইন্তিস্তশিং অমসুং মেদিয়াগী মীওইশিংদা ওনলাইন্দা শরুক য়াখি।

ইন্তর-য়ুনিভর্সিতি সেন্তর ফোর এস্ত্রোনোমি এন্দ এস্ত্রোফিজিক্স(আই য়ু সি এ এ),পুনেনা ভর্চুএল ওইনা ৱেবিনার অমা শীনখি। পুনে নোলেজ ক্লস্তর(পি কে সি)গী প্রিন্সিপাল ইনভেস্তিকেতর প্রোফেসার অজিৎ কেমভাবিনা “অলবার্ত ইন্সতাইন, গ্রেভিতেসনেল ৱেবস অমসুং ভারত” হায়বা হিরমদা ৱা ঙাংখি। প্রোফেসার অজিৎ কেমভাবি অসি ইন্তর-য়ুনিভর্সিতি সেন্তর ফোর এস্ত্রোনোমি এন্দ এস্ত্রোফিজিক্স, পুনেগী হান্নগী দিরেক্তরনি অমসুং হৌজিক ইন্তর-য়ুনিভর্সিতি সেন্তর ফোর এস্ত্রোনোমি এন্দ এস্ত্রোফিজিক্সগী প্রোফেসার ইমেরিতস ওইরি। ইন্তরনেসনেল সাইন্স ফেস্তিবেল অসি মীয়ামদা খঙহন্নবগীদমক ৱেবিনার অসি শীনবনি।

কাউন্সিল ওফ সাইন্তিফিক এন্দ ইন্দস্ত্রিয়েল রিছর্স(সি এস আই আর)না শীন্দুনা ফেস্তিবেল অসিগী করতেন রাইজর অমা দিশেম্বর ১০দা পাংথোকখি। ইন্সতিতুৎ অসিগী ফেসবুক পেজ অমসুং য়ুতুব পেজদা পাংথোকখিবা থৌরম অদুদা ৱাঙাংলোয় কয়ানা মখোয়গী ওইবা ৱাফমশিং ফোঙদোকখি। থৌরম অসিগী পান্দমদি “ভোকেল ফোর লোকেল: হিং স্তোরি”নি। সি.এস.আই.আরগী দি.জি দোক্তর সি.সেখরনা হৌদোকপগী ৱারোল থমখি। বিজননা ভারতিগী প্রসিদেন্ত দোক্তর বিজয় পি.ভাতকরনা গেস্ত ওফ ওনরগী ৱারোল থমখি। সি.এস.আই.আর-ইন্দিয়ান হিমালায়ান বাইওরিছোর্স তেক্নোলোজিগী দিরেক্তর দোক্তর সঞ্জয় কুমার; আই.সি.এ.আর-নেসনেল বিউরো ওফ প্লান্ত জিনেতিক রিছোর্সকী প্রিন্সিপাল সাইন্তিস্ত দোক্তর প্রতিভা ব্রাহমি অমসুং সি.এস.আই.আরগী সাইন্স কম্মুনিকেসন অমসুং দিসিমিনেসন দাইরেক্তোরেতকী মকোক দোক্তর গিতা বানি রায়াসম্না ৱা ঙাংখি।

ফেস্তিবেল অসিগী মতাংদা নহারোলশিংদা খঙহন্নবা ভারতিয়া বিদ্যা ভাবনগী মেহতা বিদ্যলয়া অমসুং হবস স্কুলনা শীন্দুনা থৌরম অমা পাংথোকখি। থৌরম অদুদা লেদি হার্দিং মেদিকেল কোলেজ, নিউ দিল্লিগী নিউরোলোজি দিপার্তমেন্তগী মকোক দোক্তর রাজিন্দর কে. ধামিজা অমসুং ভারত সরকারগী আর্থ সাইন্সেস মিনিস্ত্রিগী দিরেক্তর দোক্তর জগবির সিংহনা ৱা ঙাংখি।সি.এস.আই.আর-নেসনেল ইন্সতিতুৎ ওফ সাইন্স কম্মুনিকেসন এন্দ ইনফোর্মেসন রিছোর্সেস, নিউ দিল্লিগী সাইন্তিস্ত দোক্তর মনিস মোহন্না ইন্দিয়া ইন্তরনেসনেল সাইন্স ফেস্তিবেলগী পান্দম, পুৱারি অমসুং মরুওইবগী মতাংদা ফোঙদোকখি । সাইন্স দিপার্তমেন্তগী মকোক আর্তি চোপ্রানা থাগৎ ৱাহৈশিং থমখি। ভর্চুএল ওইনা পাংথোকখিবা থৌরম অদুদা মহৈরোয়শিং অমসুং ওজাশিং চাউরাক্না ১০০ রোম শরুক য়াখি।

আই.আই.এস.এফ-২০২০গী করতেন রাইজর থৌরম অমা সি.এস.আই.আর-এস.ই.আর.সি, চেন্নাইনা শীন্দুনা পাংথোকখ্রে। থৌরম অদুদা তামিল নাদুনা স্তেৎ কাউন্সিল ফোর সাইন্স এন্দ তেক্নোলোজিগী ভাইস-প্রসিদেন্ত দোক্তর মাইলশ্বামি অন্নদুরাইনা চীফ গেস্ত ওইনা শরুক য়াখি। এন.আই.ও.তিগী দিরেক্তর, দোক্তর পুর্নিমা জালিহালনা গেস্ত ওফ ওনর ওইনা শরুক য়াখি। সি.এস.আই.আরগী দিরেক্তর জেনেরেল, দোক্তর সেখর সি. মান্দেনা প্রসিদেন্তগী ৱারোল পীখি।

*****