রোদ ত্রান্সপোর্ত অমসুং হায়ৱেজগী য়ুনিয়ন মিনিস্তর শ্রী নিতিন গদকরীনা কিলোমিতর ১.৫ শাংবা লেন অহুমগী কোইলৱার থোং বিহারগী তুরেল সোনগী মথক্তা ভিদিও কনফরেন্সকী খুত্থাংদা ঙসি শঙ্গাখ্রে। থোং অসি শাবদা শেনফম ওইনা লুপা করোর ২৬৬ চাদিং তৌখি। রেল অমসুং লম্বীগী হাননা লৈরিবা লেন অনিগী থোং অসি চহি ১৩৮শুরে। লেন ৬কী শারিবা থোং অসিদা গারী লম্বী লেন অহুম অমদি মীয়ামগীদমক হাংদোক্লে। অতোপ্পা গারী লম্বী অসি লোইশিনবগা, এন.ঐচ.-৯২২ অমসুং এন.ঐচ.-৩০ অসিদা ত্রাফিক অসি খর কোম্লগনি। থোং অসি বিহার অমসুং য়ু.পি. অনিগী মরুওইবা পোৎ পুথোক পুশিন তৌবগী লম্বীনি।

থৌরম অসিদা ৱা ঙাংলদুনা, শ্রী গদকরীনা লাওথোকখি মদুদি বিহারগী মুখ্য মন্ত্রী শ্রী নিতিশ কুমার অমসুং লোকেল এম.পি. শ্রী রাজীব প্রতাপ রুদীনা হায়জরকপদগী মিনিস্ত্রী অসিনা লেন-মরি ওইবা ভারৌলি (বুক্সার) দগী হাইদারিয়া ফাওবা পুর্বানচল এক্সপ্রেসৱে শম্ননবগী লম্বী শাংদোক্নবা অয়াবা পীখ্রে। কিলোমিতর ১৭ শাংবা শম্নগদবা লম্বী অসিগী দি.পি.আর. অসি মথং চহিগী জুন্দা হৌরগনি। মিনিস্ত্রী অসিনা কিলোমিতর ৭০ শাংবা মোকামা-মুঙ্গর লম্বী পাকথোকপা অসিশু অয়াবা পীখ্রে- হায়রিবা অসি মথং এপ্রিলদা দি.পি.আর. লোইশিল্লগনি। মসিগা মান্ননা মুজাফপুর-বারৌনিগী লম্বী পাকথোকপা অসিনা য়াম্না অথুবা মতমদা হৌরগনি। খাগারিয়া-পুর্নিয়া (এন.ঐচ.-৩১)গী লেন মরিগী লম্বী অসিশু অয়াবা পীখ্রে অমসুং হায়রিবা অসি মথং এপ্রিলদা দি.পি.আর. লোইশিল্লগনি। লেন মরিগী লম্বী  মুজাফপুর-সিতামার্হি-সোনেৱার্সা লম্বী (এন.ঐচ.-৭৭), হায়রিবা অসি রামজানকিগী শরুক অমা ওইরিবা, মসিনা জাকনপুর ধাম (নেপাল)অসি লায়না য়ৌরগনি অমসুং মসি মথং চহিগী মে থাদা দি.পি.আর. অসি হৌরগনি।

য়ুনিয়ন মিনিস্তরনা বিহারগী লম্বী শেমগৎনবগী য়ুনিয়ন মিনিস্তর শ্রী আর.কে. সিংহনা থারকপা প্রোপোজেল অসি রিফর তৌখ্রে। মহাক্না হায়, মহাক্কী অপাম্বশিং অসি য়েংলগা সাসারাম-আরাহ-পত্না গ্রীনফীল্দ প্রোজেক্তকীদমক শেম শারে। আরাহ লম্বীগী রিংরোদ অসিদা ৯০% অমদি হান্ননা লৈরম্বা প্রোজেক্ত অহুম্না কোনগনি হায়না মহাক্না হায়খি। পাৱর অমসুং রিনেৱেবল ইনর্জিগী য়ুনিয়ন মিনিস্তর ওফ স্তেত (আই/সি) শ্রী আর.কে. সিংহনা থোং অসি শঙ্গাবদা নুঙাইবা ফোংদোকখি। মহাক্না প্রধান মন্ত্রী অমসুং রোদৱেজ মিনিস্তর শ্রী নিতিন গদকরীবু বিহারগী আরাহগী মফমশিংদা লম্বী অমসুং হায়ৱেশিং অসি শেজিনবা অসিগীদমক থাগৎপা ফোংদোকখি।

শ্রী গদকরীনা খংহনখি মদুদি লুপা করোর ৩০০০০ চংগদবা লম্বীগী থবক কয়া অমা বিহারদা হৌজিক পায়খৎলি। শেনফম ওইনা লুপা করোর ৪৬০০ অমসু লম লৈবগী কম্পেসেসনগীদমক থাদোকখ্রে। পি.এম. পেক্কেজগী মখাদা, কিলোমিতর ১৪৫৯গী প্রোজেক্ত ২৪ য়াওরি, মসিদা কিলোমিতর ৮৭৫গী থবকশিং লোইশিনখ্রে। মহাক্না হায়খি মদুদি সি.আর.এফ.কী মখাদা লুপা করোর ২০৮৭ চংবা থবক অসি চহি ৬ অসিদা বিহারদা পীখি, হায়রিবা অসিদা লুপা করোর ১২৮১ অমদি হৌজিক ফাওবদা থাদোকখ্রে। 

মিনিস্তরনা খংহনখি মদুদি কিলোমিতর ৭ শাংবা লুপা করোর ১৪৭৮ চংগদবা কোশি থোং অসি লাক্লিবা চহি ২০২৩ অসিদা লোইশিল্লবা য়ানা লৈরি। কিলোমিতর ৪ শাংবা লুপা করোর ১১১০ চংগদবা বিক্রমশিলা থোং অসিগী তেন্দর অসি পীখ্রে অমসুং মসি ২০২৪ ফাওবদা শাবা লোইশিনবা য়ানা লৈরি। কিলোমিতর ৪৮ শাংবা লম্বীগী প্রোজেক্ত, বুক্সার থোংগী থবক অসি মসি মথং চহি ফাওবদা শাবা লোইশিনবা য়ানা লৈরি। কিলোমিতর ৬ শাংবা লুপা করোর ১৯০০ চংগদবা সাহিবগঞ্জ থোং অসিনা বিহার অমসুং ঝরখন্দ অনিগী শম্ননবা তেন্দর পীখ্রে, অমসুং মসি ২০২৪গী সেপ্তেম্বরদা লোয়শিন্নবা পান্দম থম্লি।পত্নানাদা লৈরিবা গঙ্গা তুরেল মথক্কী লেন অনি ওইবা থোং অসিগী থবক অসি মথং চহিদা লোইশিল্লগনি। কিলোমিতর ৫.৫ শাংবা হন্না শাগদবা থোং অসি লুপা করোর ১৭৪২গী শেনফম চাদিং তৌখি। মহাক্না অমুকশু লাওথোকখি মদুদি অনৌবা লেন মরি ওইবা, কিলোমিতর ৫ শাংবা পত্নাগী গঙ্গা তুরেলগী মথক্তা হান্না লৈবা থোং শানবা  হন্দক্কী ওক্তোবর অসিদা য়ান্নবগী সহি তৌনখি। হায়রিবা অসি মিতর ২৪২ শাংবা তোপ-তোপ্পা থোং ওইদুনা মখাদা জহাজ চৎপা য়াবগী খুদোংচাবা লৈরি। মহাক্না মখা তানা হায় মদুদি রামজানাকিমার্গ অসি বিহারদা অয়োধ্যা অমসুং জনাকপুরী (নেপাল) অনিগী মরক্তা কিলোমিতর ২৪০ শাংবা লুপা করোর ২৭০০ চংনা শাবনি। মহাক্না হায় মদুদি কিলোমিতর ১৭৭ শাংবা থবক অসি মথং চহিগী জুন্দা লোইশিনগনি। লেমহৌরিবা কিলোমিতর ৬৩ শাংবা অসি ২০২১গী মার্চতগী হৌগনি।  

থৌরম অসিদা মুখ্য মন্ত্রী শ্রী নিতিন গদকরী, দিপুতি সি.এম. শ্রী তারকিশোর প্রসাদ অমসুং শ্রীমতি রেনু দেবী, য়ুনিয়ন মিনিস্তর শ্রী আর.কে. সিংহ অমসুং জেনেরেল (দাঃ) ভি.কে. সিংহ, স্তেতকী মিনিস্তর কয়া অমা, সেন্তর অমসুং স্তেতকী মকোক থোংবা ওফিসর কয়া অমনা শরুক য়াখি।

***