মালেম শিনবা থুংনা য়োগ শন্দোক্নবগীদমক ঙসি ন্যু দিল্লীদা অয়ুশ মন্ত্রালয় অমসুং ইন্দিয়ন কাউন্সিল ফোর কল্চরেল রিলেসন্স(আই.সি.সি.আর.)গী মরক্তা পাংথোকখিবা কোলাবোরেসন এক্তিবিতীশিংগী হাই লেভেল মীফম অমদা য়োগ অসি মালেম শিনবা থুংনা তোঙান তোঙানবা লৈবাকশিং অসিদা শন্দোক্নবা জোইন্ত ইফর্তশিং অদু হেন্না কন্না হোৎননবা ৱারেপ তাখ্রে৷ রিভিয়ু অদু আই.সি.সি.আর.গী প্রসিদেন্ত দা. ভিনে সহাসরবুধি অমসুং অয়ুশ মন্ত্রালয়গী সেক্রেতরী বাইদিয় রাজেশ কোতিচানা খুৎশম্নদুনা শিনখিবনি৷ মালেম অসি শিনবা থুংনা ওথেন্তিক য়োগ অসি শন্দোক্নবা য়োগ সর্তিফিকেসন বোর্দ(ৱাই.সি.বি.)গী ফ্রেমৱার্ক সর্তিফিকেসন অদু শিজিন্ননবা ৱারেপ তাখ্রে৷

অয়ুশ মন্ত্রালয়গী মখাদা লৈরিবা ইন্সতিত্যুসন অনি য়োগ সর্তিফিকেসন বোর্দ(ৱাই.সি.বি.) অমসুং মোরার্জি দেসাই নেস্নেল ইন্সতিত্যুত ওফ য়োগ(এম.দি.এন.আই.ৱাই.)না য়োগ অসি মালেম শিনবা থুংনা শন্দোক্নবা আই.সি.সি.আর.গা তোঙান তোঙানবা পার্তনরশিপশিং শেমখ্রে৷ আই.সি.সি.আর.বু ৱাই.সি.বি.গী পর্সোনেল সর্তিফিকেসন বোদী(পি.আর.সি.বি.) অমা ওইনা এক্রিদিতিং তৌদুনা ৱাই.সি.বি. অসিনা আই.সি.সি.আর.গা পার্তনর তৌদুনা চৎমিন্নখ্রে৷ ভারতকী কল্চরেল রিলেসনশিংদা য়াওরিবা পোলিসীশিং অমসুং প্রোগ্রামশিং অসি শেম্বদা অমসুং চৎনহনবদা আই.সি.সি.আর. অসিনা এক্তিব্লি ওইনা শরুক য়াদুনা ৱাই.সি.বি.দা নেচরেল পার্তনর অমা ওইনা লৈখ্রে৷ আই.সি.সি.আর. অমসুং এম.দি.এন.আই.ৱাই.গী মরক্তা সহি পীনখিবা এম.ও.য়ু. অসিনা মালেম শিনবা থুংনা য়োগ ত্রেনিং হেন্না পাক শন্না পাংথোক্নবা  পান্দম থম্লি৷

আই.সি.সি.আর. অমসুং ৱাই.সি.বি.গী মরক্তা তৌরিবা কোলাবোরেসন অসিগী শরুক অমা ওইনা ৱাই.সি.বি.গী গাইদলাইনশিং অসিদা য়াওরিবা পি.আর.সি.বি.শিং, য়োগ ইন্সতিত্যুসনশিং অমসুং সেন্তরশিংগী এপ্রুব কেতিগোরী অসিগী মতুং ইন্না সর্তিফিকেসন য়োগ প্রোফেস্নেলশিং অসি লাইহন্নবা মপান্দা লৈরিবা ইন্দিয়ন মিসন্সকী সর্ভিস অদু শিজিন্নরগনি৷ মশা মশাগী লৈবাকশিং অসিদা য়োগগী স্তেন্দর্দাইজেসনগীদমক ৱাই.সি.বি.গী এক্তিবিতীশিং অমসুং ইনফোর্মেসন অদু হেন্না প্রমোত তৌনবা মিসনশিং অসিনা মতেং পাংলগনি৷

মখাতানা এম.দি.এন.আই.ৱাই. অসিগা পার্তনর ওইনা চৎমিন্নদুনা আই.সি.সি.আর. অসিনা য়োগদা ওথেন্তিক প্রেক্তিসশিং মতুং ইনবগী তঙাই ফদবা অদুগী মতাংদা য়োগ প্রফেস্নেলশিং, য়োগ ইন্সতিত্যুসনশিং অমসুং ফোরেন্দ লৈবাকশিংদা লৈরিবা সেন্তরশিং সেন্সিতাইজ তৌরগনি৷ আই.সি.সি.আর.নসু য়োগ ইন্সতিত্যুসন অমসুং মপান্দা লৈরিবা সেন্তরশিং এক্রিদিৎ তৌরগনি৷

য়োগদা ওথেন্তিক ত্রেনিং ইনপ্যুতশিংগী দিমান্দ অসি মালেম অসি শিনবা থুংনা হেঙ্গৎলক্লি হায়বা অসি রিভিয়ু মীফম অসিদা উবা ফংখি৷ মসিনা য়োগগী কম্মর্সিয়েল এক্সপ্লোইতেসন থোকহল্লক্কনি অমসুং ক্বালিতী লৈতবা ত্রেনিং ইন্সতিত্যুসনশিং কয়া অমা হেন্না হেন্না থোক্লক্কনি৷ মখোয়শিং অসিগী মরক্তা অয়াম্বনা ক্বালিফিকেসন লৈতবা ত্রেনরশিং এমপ্লোই তৌই অমসুং সবস্তেন্দর্দ ওইবা ওথেন্তিক ওইদবা য়োগ কোর্সশিং পীরি৷ মসিগী ইসু অসি য়োগ সর্তিফিকেসন বোর্দনা ইন্সতিত্যুসনশিং অসিগা কোলাবোরেসন তৌদুনা, ইন্সতিত্যুসনশিং এক্রিদিতেসন তৌদুনা অমসুং য়োগ প্রোফেস্নেলশিং সর্তিফিকেসন তৌদুনা য়োগগী ওথেন্তিক ইন্দিয়ন ত্রেদিসন অদু ত্রেনিং তৌদুনা অমসুং তিচিং স্তেন্দর্দাইজেসন তৌদুনা থেংনৈ৷ আই.সি.সি.আর. ওইনা লৈরিবা ৱাইদ ইন্তরনেস্নেল নেতৱার্ক অসি লৈবাক ময়াম অমদা য়োগদা সর্তিফিকেসন পীবদা শিজিন্নরগনি৷ মসিনা তম্লিবশিং অসিদা মখোয়দা ইন্সতিত্যুসন অসিনা ফংহল্লিবা ত্রনিং অসি ওথেন্তিক ওইবা অমসুং ক্বালিতী লৈবা ত্রনিং অমনি হায়বা অদু থাজবা পীরগনি৷

ৱাই.সি.বি. সর্তিফিকেসন অসি রিমোতলী ওইনা পাংথোকপা য়ানবগীদমক তোঙান তোঙানবা লৈবাকশিংদা দিপ্লোই তৌবা য়াবা রিমোত এসেস্মেন্ত কিওক্সশিং শেম্লিবা ৱাই.সি.বি.না য়োগ সর্তিফিকেসন পীবা য়াবগী ওইথোকপা, ওথেন্তিক য়োগ লাইরিকশিং সর্তিফাই তৌনবা ৱাই.সি.বি. তঙাই ফদবা অমসুং মালেম শিনবা থুংনা অয়ুর্ভেদা প্রমোত তৌনবগীদমক কোলাবোরেসন তৌবগী ওইথোকপা য়াবা অদু রিভিয়ু মীফম অসিদা পুথোক্তুনা খন্না নৈনখি৷ হায়রিবা ওবজেক্তিবশিং অসিগীদমক তাইম বাউন্দ মেন্নর অমদা পাংথোকপা য়ানবা ৱারেপ লৌখ্রে৷

*****