نئی دہلی،  7/دسمبر 2020 ۔  مرکزی وزیر ماحولیات ،جنگلات اور موسمیاتی تبدیلی جناب پرکاش جاوڈیکر کی صدارت میں ہونے والی سینٹرل ژو اتھارٹی کی 37ویں جنرل باڈی میٹنگ میں  دو نئے چڑیا گھروں کو منظوری دی گئی، جن میں سے ایک بہار کے نالندہ میں واقع راجگیر ژو سفاری اور دوسرا اترپردیش کے گورکھپور میں واقع اشفاق اللہ خان پرانی ادیان ہے۔

Congratulations to Rajgir Zoo Safari at Nalanda and Shaheed Ashfaque Ullah Khan Prani Udyaan in Gorakhpur. Approved their recognition in the Central Zoo Authority meeting today. The state-of-the-art facilities in these zoos will help bring people closer to nature. pic.twitter.com/WBa2pDsq2L

— Prakash Javadekar (@PrakashJavdekar) December 7, 2020

وزیر ماحولیات نے ملک کے 15 منتخب چڑیا گھروں کو عالمی معیار کا بنانے کے لیے 10 سالہ وژن پلان کی ترتیب میں ہونے والی اچھی پیش رفت کی بھی تعریف کی جو ہندوستانی اور غیرملکی چڑیا گھروں میں سر فہرست ہوگی اور اس پروجیکٹ کی جدید کاری میں سرمایہ کاری کرنے کے لیے کارپوریٹ سیکٹر کو راغب کرے گی۔وزیر موصوف نے یہ بھی کہا کہ اس ایجنڈہ کو آگے لے جانے کے لیے اگلے سال سرمایہ کاروں کا ایک اجلاس بلایا جائے گا۔

راجگیر ژو سفاری، نالندہ ، بہار

مشرقی ریاست بہار کے راجگیر ژوسفاری کو 7 دسمبر 2020 کو سینٹرل ژو اتھارٹی کی جنرل باڈی کی میٹنگ کے دوران منظوری دی گئی۔اس چڑیا گھر کو روایتی چہاردیواری سے ہٹ کر صرف سفاری چہاردیواری کےساتھ قائم کیا گیا ہے جس کی وجہ سے قید میں رکھے جانے والے جانوروں کو زیادہ بڑی جگہ مل پائی ہے۔اس چڑیا گھر میں پانچ سفاری چہار دیواری اورچلنے کے لیے ایک راستہ دیا گیا ہے۔اس چڑیا گھر میں شیر، بھالو،چیتا، تیندوا اور ہرن کی متعدد نسلوں کو رکھنے کی تجویز ہے۔یہ چڑیا گھر تاریخی طور پر مشہور مقام نالندہ کے قریب واقع ہے اور یہاں پر زیادہ لوگوں کے آنے کی امید کی جاتی ہے۔اس چڑیا گھر کی تعمیر پر ریاست کے وزیراعلی کی ذاتی نگرانی تھی۔یہ چڑیا گھر جانوروں کو ایک قدرتی سفاری کے اندر رکھے گا اور جنگلی جانوروں کے تحفظ کے تئیں بیداری پیدا کرے گا۔

شہید اشفاق اللہ خان پرانی ادیان، گورکھپور،یوپی

شہیداشفا ق اللہ خان پرانی ادیان، گورکھپور، یوپی کو سینٹرل ژو اتھارٹی کی 7 دسمبر 2020 کو ہونے والی جنرل باڈی کی میٹنگ میں منظوری دی گئی۔ اب اترپردیش میں چڑیا گھر کی کل تعداد 9 ہوچکی ہے۔اس چڑیا گھر کی تعمیر کی نگرانی ریاست کے وزیر اعلی خود کررہے ہیں۔یہ چڑیا گھر گورکھپور کی روحانی زمین پر واقع ہے جہاں پر بڑی تعداد میں لوگ آتے ہیں۔یہاں پر پرندوں کے ساتھ ساتھ بڑی تعداد میں گوشت خور اور سبزی خور جانور موجود ہیں۔اس چڑیا گھر کا مقصد لوگوں میں قدرتی چہاردیواری کے بارے میں پیدا کرنا اور انہیں 4ڈی تھیٹر، بیٹری سے چلنے والی ٹرین فراہم کرنے کے ساتھ ساتھ جسمانی طور سے معذور لوگوں کے لیے بھی سہولیات فراہم کرناہے۔

 

******

م ن۔ ق ت۔ج ا

U-NO.7897

(Release ID: 1679008) Visitor Counter : 137