কেন্দ্রগী ত্রাইবেল এফিয়র্সকী মন্ত্রী, শ্রী অর্জুন মুন্দানা ঙসি আদি মহোৎসব-মধ্য প্রদেশকী ভর্চুএল এদিসন হৌদোকখ্রে। দিসেম্বর ১, ২০২০দগী হৌখিবা নুমিৎ ১০নি পাংথোক্কদবা মহোৎসব অসি ত্রাইবস ইন্দিয়া ৱেবসাইৎ (www.tribesindia.com)তা হোস্ত তৌরি। মধ্য প্রদেশকী ক্রাফ অমসুং কলচরদা মরুওইবা মিৎয়েং থম্লি। মধ্য প্রদেশ সরকারদা ত্রাইবেল দিবেলপমেন্তকী মন্ত্রী সুশ্রী মীনা সিংহ অমসুং ত্রাইফেদকী চিয়রমেন শ্রী রমেশ চন্দ মীনানা ঙসি অনলাইন ওইনা হৌদোকপা অসিদা অথোইবা লেংবীরকপা ওইখি।

থৌরম অদুদা ৱা ঙাংলদুনা শ্রী অর্জুন মুন্দানা হায়খি মদুদি “আদি মহোৎসব-মধ্য প্রদেশ”কী ভর্চুএল এদিসন অসি ত্রাইবেলশিংগী পুন্সি অমসুং হিংনবা লম্বীদা অহোংবা পুরকপদা মতেং পাংনবা অতোপ্পা থৌরাং অমনি। লাইচৎ মনুং অসিদসু, ত্রাইফেদ ৱারিয়রশিংগী তীম্না চহিগী ওইনা মহোৎসব অসি পাংথোকই, ত্রাইবেল কলচরগী স্পি,রিৎ অমসুং রিচনেসপু ভর্চুএল ওইনা পাংথোকপনি অমসুং মসি ত্রাইবেলশিংবু অচৌবা কৈথেলশিংগা লোইননা পুনশিন্নবগী মায়কৈদা মখোয়না হোৎনরিবশিংগা লোইননা হন্দক্কী চহিসু মখা চৎথখিগনি।

মহাক্না হায়খি মদুদি ঙসি মহাক মধ্য প্রদেশপু য়োকখৎপা আদি মহোৎসব হৌদোকপগী শরুক অমা ওইজবদা য়াম্না নুংঙাইবা পোকই। আদি মহোৎসব অসি নেস্নেল ত্রাইবেল ফেস্তিবেল অমনি অমসুং ত্রাইবেল এফিয়র্স মন্ত্রালয়, ভারত সরকার অমসুং ভারত সরকারগী ত্রাইবেল মার্কেতিং দিবেলপমেন্ত ফেদরেসন (ত্রাইফেদ)গী অপুনবা খোংথাং অমনি। ফেস্তিবেল অসিনা লৈবাক অসিগী ত্রেদিস্নেল আর্ত অমসুং হেন্দিক্রাফ লোইননা কলচরেল হেরিতেজ উৎথোক্লি। ত্রাইফেদকী অরোইবা পান্দম অসি ত্রাইবেলগী পোৎথোকশিংগী মার্কেতিং দিবেলপমেন্ত তৌদুনা লৈবাক অসিদা ত্রাইবেল মীয়ামগী সোসিও-ইকোনোমিক দিবেলপমেন্ত তৌবনি অমসুং ত্রাইফেদকী এম.দি. শ্রী প্রবীর কৃষ্ণগী লুচিং মখাদা ত্রাইবেল খুন্নাইগী চাউখৎনবগী মায়কৈদা থবক তৌরি।

শ্রী মুন্দানা ৱাফম অসিদা নুংঙাইবা ফোংদোকখি মদুদি কোবিদ-১৯গী লাইচৎতগী ওইরিবা শিংনবশিংনা থল্লবা ফিভম ওইজরবসু ত্রাইফেদ অমসুং ত্রাইবেল এফিয়র্স মন্ত্রালয়না ত্রাইবেলশিংগী অৱাবশিংবু কোকহন্নবগী মায়কৈদা থবক তৌরি।

মধ্য প্রদেশকী ত্রাইবেল দিবেলপমেন্ত মন্ত্রী সুশ্রী মীনা সিংহনা মহাক্কী ৱারোল পীবদা ভারত সরকারগী ত্রাইবেল এফিয়র্স মন্ত্রীগী ভারত অপুনবদা নেস্নেল ত্রাইবেল ফেস্তিবেল “আদি মহোৎসব” পাংথোকপগী ৱাখল্লোন অদুবু থাগৎপা ফোংদোকখি।

ত্রাইফেদকী চিয়র্মেন শ্রী রমেশ চন্দ মীনানা ত্রাইবেল আর্তিসানশিংদা অসিগুম্বা ভাইএবল ওল্তর্নেতিব ফংহন্নবগীদমক ত্রাইফেদ অমসুং মসিগী তীমদা থাগৎপা ফোংদোকখি অমসুং থাজবা ফোংদোকখি মদুদি ভর্চুএল আদি মহোৎসব অসি মায় পাক্লবা থৌরম অমা ওইগনি।

ভর্চুএল হৌদোকপগী মরুওইবা ৱাফমশিংদা আর্তিসানশিংগী থবক মফমগী ভর্চুএল খোংচৎ অমসুং মধ্য প্রদেশগী ত্রাইবেল দান্স অমসুং ম্যুজিক্কী মশক য়াওরি। মসিসু লাওথোকখি মদুদি মথংগী মহোৎসব দিসেম্বর ১১দা গুজরাত্তা পাংথোক্কনি, মদুগী মতুংদা দিসেম্বর ২১, ২০২০দগী বেঙ্গলদা মসি হৌগনি।

অচৌবা ত্রাইব পুম্নমকপু অমমম্তা ওইনা পুথোরক্লিবা ভর্চুএল আদি মহোৎসব অসি শুপ্নগী লমদম/ত্রাইব খক্তদা মিৎয়েং থম্বা থোইদোক-হেন্দোকপা প্লেৎফোর্ম অমখক ওইরোই। মসিনা ত্রাইবেলশিংগী নাৎ, পুন্সি, চৎনবী, ক্রাফশিংবু মরুওইবা লম্বীদা পুরকপদসু মতেং ফংগনি। মদুনা মখোয়গী থোইদোকপা মগুনশিং অদু কাইহন্দনা থম্বসু ঙমগনি। ত্রাইব ইন্দিয়া ই-মার্কেৎপ্লেস অসি লৈবাক অপুনবদা তোঙান তোঙানবা হেন্দিক্রাফ, হেন্দলুম, নেচরেল ফুদ প্রদক্তশিংগী হৌরকফম্নি অমসুং খ্বাইদগী ফবা প্রদ্যুস/প্রদক্তশিংদা ঙাকলৌ পীরি।

***